Aydheea 29:20 - Wëël Jwøk

²⁰ Kiper jøøa no ogäy tïmö ni bäŋgø, ni ö jø abuua ni thumge, ni ö jø wø cwïnyge piew ki tïïc gïï mo reyø ni thøwge,

Aydheea 29:20 Iomraidhean Croise

Pwöc Leec Wïc 21:24

Ŋat mo töödö mo taaga jiy wø cwøl ni ŋat abuua, ni eni jammi wø tïïe ka atöör mo dwøŋ.

Aydheea 13:11

'Ba a na Wuuö Jwøk, piny jääla jäälö kiper rääö mare, ni jääla jø raay kiper raay moge. Aani thuwø, jø atöör, atöör marge raanynya raanynyø, ni ö bëët koorrø mar jøøa no ogäy ni dwøga gø piny.

Aydheea 13:3

Aani jiya moa näk yaa cïp kur keerge anø köömma, ni nø cwøla jø leny 'moa na teek kiper nee wëër mara kïthge bäät tïïc, ni beege jiya mo wø ŋwöö ni ge töödö.

Aydheea 29:5

Nyïïmän moï na thööth ge twäät kaamar tør, ni ö jøøa no ogäy ni tïmge kaamar lethø mo okøøl jamø. 'Ba gïnögø otägi dëëtge ni cwöba røkge.

Aydheea 49:25

Ka adïëri møn, man beeye dwør Wuuö Jwøk, ena köö, ni «Këël jiy mo omaaø ki tøŋ di lwørø cer oteeø, ni ö jap twëër ni lwøri cer ŋat mo wïnni. 'Ba aani, a ŋäbö ki ŋat wø ŋäbö ki uuni, ni piema obwöre mou.

Aydheea 51:13

?Aperŋø na wïl wïthu ki a na Wuuö Jwøk na cwääc uuni, ni bee aani na peer maal, na wëëk tier piny këët piny ni teek? ?Aperŋø ni bëëdu nou lwäär cooth ki wëër mar jø wø caar jiy, ni wø bëën aranya? ?'Ba age wëër mar jø wø caar jiy?

Aydheea 59:4

Bäŋ ŋat mo caath køør ŋøl luup ma kare, ni bäŋ ŋat mo cäänö ka adïëri kar ŋøl luup. Uuna tïmö nou ŋäätha luup mo bäŋ tietge, nou cara luup tööt. Ni ö gïïa reyø na tïïyu ni tïme ni ena yïthu kaamar dhaanhø mo ena ec, ni puti nywøl na gïn mo raac.

Daniel 7:7

«Køør manøgø kanya bëëda ki wäär naa poot raŋŋa gïïa nyooth jïra ki yi wïïa, aana nëënnö ki ŋweer cwëënyi mo cwïny bwøk ki gø, mo di lwäärö, mo teek døc, ni jïre da lak mo døøŋŋø ma nywïëny. Kany wø cäme, cam pete petø ni thenh thenh ni løøny geni, ni nyør moa dööŋ ki tiete. Eni ba caal cwëënyi moa dïkwøŋ bëët, ni eni jïre da tuŋi apaar.

Mikiya 2:1

Otïmö ni raac jï jø wø caar gïï mo reyø, jø wø caar tïï gïï mo reyø kany wø enge kwör niine moge. Ni kany wø ruu øwi ka amöölla, gïna caarge wø putge ka tïïc, kiper jïge oløny ni da teek ki man tïïcge gø.

Mikiya 2:3

Kiper manøgønø, mana caan Wuuö Jwøki beeye en, ena köö, ni «Ka adïëri møn, aani, a cädö ki man känna bäätu ki gïn mo leth, ni uuni bäŋ ŋat mo bøth ki gø; ni ba cäädhu këët ni jiy raŋu piny, kiper kar kaace, piny obëëdö ni raac.

Luk 16:14

'Ba jø Paricith na mëër ki jammi, moøgø bëët awïnyge, ni buuge gø.

Luk 23:11

'Ba Eerat ki jø tøŋ moe Jecu acaange døc ni buuge gø. Køøre dëër gø akïthge ka abïï ma wøp døc, ni wëëk gø dwøk baŋ Paylat.

Luk 23:35

'Ba jiy cuŋŋö ni ge neeta gø. Ni ö jøøa näk kwääri ni buuge eni, ni köge, ni «Eni wø kønya jø møøk. Wär ree kønye keere nø, ni näk ena Krictø mana öö ki baŋ Jwøk, na mare, na näk ee jierø.»

Luk 6:7

Ni ö dïpööye mo ciik Jwøk ki jø Paricith ni neetge gø døc, nee jootge ki man näk mo eni kunyö ki cäŋ jwömö, kiper nee jïtge ki luubö mo kïthge bääte.

Mana Nyooth 12:10

Ni wïnynya dwøl mo päl maalø, ni köö, ni «Kawaane, pïëm man piem jiy ki gø, ki teek, ki buc Jwøø, ki teek Krictø na røønye apïï. Kiper ŋat wø wac nyeŋ nyïïmëëgø aleeŋ piny, ŋat wø wac nyeŋge nyïm Jwøø ki cääŋŋe ki wärre.