Aydheea 29:19 - Wëël Jwøk

¹⁹ Jøøa no othiel piny, met ec marge okadhi ki Wuuö Jwøk, ni ö jøøa canni ni mïn yïthge ki Jwø Icriel, eni na en kur keere.

Aydheea 29:19 Iomraidhean Croise

Aydheea 11:4

'Ba eni luup jøøa can oŋøle ki køør adïëri; luup jøøa no othiel piny moa en bäät piny oŋøle na kare. Eni piny ojääle ki luup moo ööi ki dhee, ni 'näk jøøa reyø ki jam dhee.

Aydheea 14:30

'Ba jiy moa näk dëëtge ba løny ki køny jïge, ge jïtö ki cam. Ni ö jiyi moa can ni bëëtge piny ni geno gwøø. 'Ba uuni, wïthu dïïra dïïrö ki käc, ni ö jiyu moa no obøth ki thøø ni thööri ya käci manøgø.

Aydheea 14:32

?Aŋø, agïnaŋø noo løk jï jiy moa öö ni ge jääŋŋa wï jurri mør? Gïno løk beeye ni Wuuö Jwøk Dhayan anø tïïe ni teek, 'ba jiye moa no ocaarø, rege ogwøkge yie.»

Aydheea 25:4

Kiper ïïna ŋat wø gwøk jiy moa näk bäŋ jø køny ge, ki jøøa can ni wø bëëdö ki bëëtö mo leth, ni bee ï ŋat wø gwøk dhaanhø ki gïï mo caala atuunna, ni ïïna tïpö kiper lïëth piny; kiper jam dhøk mar jøøa no ogäy caala atuunna man wø kwöt dëër kiir,

Aydheea 26:6

ni puti ya jøøa canni nyørø ki tietge, ni ö jøøa no othiel piny ni cuŋge bääte.

Aydheea 3:14

Ni ö Wuuö Jwøki ni täge ki løøk ki jø døøŋŋø ki dïbwöthe mo jiy moe, ni kööe, ni «Bee u ki dëëtu na raany pwöth omøki, ni jammi moa twierru baŋ jøøa can ena yïth mïëri mou.

Aydheea 3:15

?Tiere ŋø cøøn ni thielu jiy 'moa piny en, ni røtu täärnyïm jiy moa can ki yïth ŋøøm?» Manøgø caana Wuuö Jwøki, eni na wïth jammi bëët.

Aydheea 57:15

Kiper Wuuö Jwøk, eni na en maal na kare dwøŋ, ni wø bëëdö na bäre bäre, ni wø nyeŋŋe en kur keere, ena köö, ni «Aani, a bëëdö maal kany mo ena kur keere, naa bëëdö thuwø ni kara cään ki jiy moa näk cwïnyge opädhö kiper raay moge, ki jiy moa näk cwïnyge opädhö ki køør japa leth na pïï bäätge, nee jiy moa näk cwïnyge opädhö nee cwïnyge cøma, ni mooa jiy moa no ocaarø ki jwöm ki yïth cwïnyge.

Aydheea 61:1

Jwïëc Kwäärö Wuuö Jwøk ena bääta, kiper Wuuö Jwøk aana jiere nee luubö mo nyään mo met caana jï jøøa can. Ni jääŋ aani nee jiy moa näk cwïnyge opädhö nee cwïnyge cøma, nee luum pät mar jøøa no omaa ki tøŋ ki jøøa no otwöö nee køba jïge,

Aydheea 61:10

Aani yia amïnnö døc ki ri Wuuö Jwøk, jwïëya ajïtö ki met ec ri Jwøk mara; kiper pïëm man wø piem jiy ki gø, ki bëënynyö arøø dëëra kaamar abïï, ni tïma kaamar cø dhaagø thiinh mo wïïe ee kïthö ki jap mïërö, naa caala dhaagø thiinh mo dëëre ee jiiŋŋø ni mïërö ki nyeŋ tii mo perge leth.

Aydheea 66:2

Kiper beeye cera na tïïc japøgø bëët, ni ö japøgø bëët ni putge tïmö ni nut. Luummögø caana a, a na Wuuö Jwøk. «'Ba aani, ŋato jïre raŋa beeye dhaanhø mo dëëre ee dwøk piny, mo cwïnye opädhö kiper raay moe, ni dëëre kwanynyi ki lwär ki dwøra.

Daniel 12:4

'Ba ï na Daniel en, cïëk luup moa en yi wëëlö ni mwönï gø, këël kanyo tïme na aŋuun nïne. Jiy mo thööth oreŋ kun ki kun ni ge meeta kwänynyö.»

Abakuk 3:18

a poot bëëdö ni yia met ki ri Wuuö Jwøk, ni bëëda naa kanynyø ki ri Jwøk, eni ni wø piem aani.

Jepaniya 2:3

Manynyu Wuuö Jwøk, u na mwöl bëët bäät piny, ni wø gwøk ciik Wuuö Jwøk. Manynyu bëënynyö, ni manynyu bëët mööl; kanymør u gwøe gwøø cäŋ wëër mare.

Mathiew 11:29

Kïthu jaadha bäätu, ni wø caal jaath puur man wø rïï ŋut dhieŋ, ni kwänynyu ki køøra, kiper a mwöl ni cwïnya bäŋ atöör. 'Ba uuno jïti ki jwömö kiper gïïa en cwïnynyu.

Mathiew 11:5

ni cööye nyeŋge adøø karge, ni ö ŋööte ni cääthge, ni ö jøøa näk dëëtge da dhøøbø ni døø dëëtge karge, ni ö meŋŋe ni wïnyge luup, ni ö jøøa näk othøw ni tïŋ ge maal ki yi thøø, ni ö jøøa canni ni køp luumma nyään na met jïge.

Mathiew 5:3

«Gwïëth en bäät jø wø ŋäc can marge nyïm Jwøk, kiper buya käl maal beeye marge.

Mathiew 5:5

«Gwïëth en bäät jø wø mwöl, kiper piny owëëk geni.

Epeca 4:2

nou mwöl ni bäŋ atöör cwïnynyu, ni bäŋ jøømø, ni cwïnynyu you cïp piny ki røgu ki ri mëër,

Pilipay 4:4

Yïthu mïnge ki ri Wuuö cooth, naa cäŋa gø caannø jïïu, ni yïthu mïnge.

Jeemeth 1:21

Kiper manøgøøni, weyu gïïa reyø bëët ki gïïa näk patha karge bëët, ni jïëyu ki luumma piith cwïnynyu nou mwöl, na näk løny jïre ki man piem jwïëyu.

Jeemeth 1:9

'Ba cöögö mo can beerra man mïn yie ni näk mo di røønyø,

Jeemeth 2:5

'Ba wïnynyu nø, nyïïmera, u na mëëra ki uuni. ?Aŋø, Jwøk ba jier jø pinyi moa can na bëëde, nee kwärge ri ŋäädhe, ni ge tïmge na lwiidhi mo bura mana näk ee buuö jï jø wø mëër ki eni?