Aydheea 29:15 - Wëël Jwøk

¹⁵ Otïmö ni leth jï jø wø kaan jïëth tïïe moge ki Wuuö Jwøk, ni beege jø wø tïïc tïïe moge yi muudhö, ni wø köö, na «?Aŋa noo joot øøni?» wala «?Aŋa noo ŋäc øøni?»

Aydheea 29:15 Iomraidhean Croise

2 Camiel 11:27

'Ba kanya thum nïr kïmmö, Deebit ajääk baŋe ni käl gø paare, ni put tïmö na cïïe. Køøre dhaagø manøgø alwaar ki dhaanhø ma dïcwøø ni beeye nyilaal mar Deebit. 'Ba gïna tïïc Deebiti beeye gïn mo nëëni ni raac døc ki jï Wuuö Jwøk.

2 Nyeye 17:9

'Ba gena tïïö ki gïï mo patha karge ki piny dëër Wuuö Jwøk, Jwøk marge. Ni gëëtge ki kwör lam mo ena bäät thuuri yïth päänye moge bëët kiper dëëtge, ki mana täge ki mïëri moa therø këël päänye moa døøŋŋø.

Jööp 34:22

Bäŋ kany mo cøl wala tier tïpö mo dhïïth mo løny ki man ö jø wø tïïc gïï mo reyø ni kange rege yie.

Aydheea 28:15

Kiper uuna köö, ni «Waana nø tudö ki luubö ki thøø, nee wa ba gude, ni nø tutwa ki luubö ki kar bëët jwïëc jøøa no othøw, nee wa ba ciwa yie; këël jwïïö man wø räänyö ocur bäätwa, wa ba gude. Kiper tööt ewa nø tïïc ni beeye gïn gwøk waani, ni nø tïïcwa gø ni beeye kany kanwa dëëtwa yie.»

Aydheea 28:17

'Ba ŋøl mana na adïëri otïïa ni caala thøøl man wø røm tiir mar øtø ki gø, ni tïïa bëënynyö ni caala thøøl man wø røm tiir mar dëër øtø ki gø. Køøre pey opänhnhi ni raany tööt mana gwøk uuni, ni kwön jwïïe ni raany kwöra kanu dëëtu yïthge.

Aydheea 30:1

Wuuö Jwøk aköö, no «Otïmö ni leth jï obwöre moa wïthge teek, jø wø cïp piny ka acaare ni tïïcge gø, ni patha ki køør mana manynya, ni wø tudö ki luup, ni patha ki køør Jwïëy 'moa, ni ge meeda raay bäät raay moge møga.

Aydheea 47:10

Ïïna bëëdö ni ïïno göök ri gïïa reyø ni wø tïïyï, ni kööï, ni ‹Bäŋ ŋat maa di joodø.› Leec wïc marï ki kwänynyö marï, ïïna tïïcge niï gaaï wøk. Kiper ïïna nø köö ki yi cwïnyï, ni ‹Bee aani keera, ni bäŋ ŋat mør këët mo kaala aani.›

Aydheea 57:12

Aani, bëënynyö maru manø ni ŋääthu enø, ki tïïe mou, tïïa tïïö nee ŋäc, ki man näk mo bäŋ gïn mo kønyge dëëtu.

Jeremaya 23:24

?Aŋø, løny jï dhaanhø ki man kan ree kwör mo kuc, nee eni ba jooda, a na Wuuö Jwøk? ?Aŋø, a na Wuuö Jwøk, maal ki piny patha yaa pääŋö bäre?

Edhikiel 8:12

Kanyøgø Wuuö Jwøk aköö jïra, ni «?Wär dhaanhø, gïn ni tïïc jø døøk dhi øt Icriel yi muudhö en, ni ŋati man nø ena øt kït gïï wø lame, nëënö jïrï? Kiper gena köö, ni ‹Wuuö Jwøk wa ba nëëni jïre; Wuuö Jwøk ŋöömö marwa awiie.› »

Edhikiel 8:8

Køøre ena köö jïra, ni «Wär dhaanhø, cäŋ kanya ŋaam dëër kal koonynyø.» 'Ba kanya koonya gø, aana tuc wøk ni jïta ki dhi øtø mør.

Edhikiel 9:9

Køøre aløøe jïra ni kööe, ni «Raay atïmö ni thööth døc kiree dhi øt Icriel ki dhi øt Juuda, ni ŋøøm päŋ ki rem jiy, ni ö dï päänynyi ni pääŋe ki gïï mo reyø; ni ge köö, ni ‹Wuuö Jwøk ŋøøm awiie, ni eni ba nëënö thuwø!›

Odheea 5:2

Ni jøøa reyø tïï näk ege kaadhø, 'ba geni bëët, ge jääla jäälö.

Jepaniya 1:12

Dïcäŋöca, yi Jerucalem meenya meenyø ki lambae, ni jääla jø wø bëëdö jaak ni wø cäänö ki cwïnyge, ni ‹Wuuö Jwøk bäŋ gïn mo beer wala gïn mo raac mo tïïe!›

Milkiya 2:17

Uuni, Wuuö Jwøk aööllu ki luup mou. 'Ba uuna köö, ni «?Eni ewa öölö nidïï?» Beeye kiper mana kööu, ni «Ŋat wø tïïc gïn mo raac poot beer ki nyïm Wuuö Jwøk, ni Wuuö Jwøk yie met ki ŋatøgø.» Wala u köö, ni «?Jwøk ni wø ŋøl luup na karge en kaa?»

Jøøn 3:19

'Ba gïna käl ajäla bäät jiy beeye en; kiper kanya ö tarri piny, jiy atïmö ni ge mëër ka muudhö ni kaala tar, kiper gïïa tïïcge reyø.

1 Körin 4:5

Kiper manøgønø, käru ŋut piny ni kanya wäŋŋi poodi, ni Kwäärö poot kär öö, ŋato wëëk jammi nëënne, moø no okanø yi muudhö yøø, ni nyooth tiet luup moa en cwïny jiy. 'Ba kanyøgø jiy bëët ojïti ki pwøc mano wëëk Jwøki geni.

2 Körin 4:2

Waani tïï atade ni wø määnö akwierwa, ni wa ba caath jöör riek waŋ, wala ki man wiilwa luum Jwøk. 'Ba dëëtwa ewa nyoodhø jï jiy bëët nyïm Jwøk ki køør luumma näk adïëri ni wø køpwa ni wïnyö jaak.

Mana Nyooth 2:23

'Ba nyïïe onääa ni thøwge ki thøø mo leth. Ni ö acook Jwøki bëët ni ŋäcge gø ni beeye aani ni wø neen gïï wø en yi cwïny ki wïc. 'Ba ŋati man nø dïïu omooa ki mano rømi ki tïïe moe.