Aydheea 29:1 - Wëël Jwøk

¹ Wui, otïmö ni leth jïrï, ï na Ariël, ï na päänya tïïc Deebiti na kar bëëtö mare. Mëëtï ki cwiir bäät cwiir mør, ni ö nïne mo ajwöm moï ni bëëtge ni nut karge.

Aydheea 29:1 Iomraidhean Croise

2 Camiel 5:9

Køøre Deebit abëëdö kanya näk kar gwøk røk, ni cwøl gø ni Pääny Deebit. Ni ö Deebiti ni put pääny manøgø bäre geer ni teek, ni tägi ki kanya no othørø ni wø cwøl ni Milø.

Aydheea 29:13

Kanyøgø Wuuö Jwøk aköö, ni «Jøøi ii, gena ö kany mo cään ki aani ki dhøkge jaak, naa wøørge ka lëëpge, 'ba cwïnyge karge bäär ki aani, ni jöör lam marge tïïcge ka køør ciik moa tïïc jiyi.

Aydheea 29:9

Bëëdu ni uuno bwøk, ni yïthu othäŋŋö, tïmu ni uuna cööye nou ba nëënö, bëëdu ni uuno meer, ni paa ki køøŋø, bëëdu nou bøømmø, 'ba maru patha meerø ki køøŋø.

Aydheea 31:9

'Ba man beeye dwør Wuuö Jwøk, na näk maac mare ena Dhayan, ni këën maac mare man wø liel døc ena Jerucalem, ena köö, ni «Kïn gwøk røk mana teek mar jø Aciria pädhö ki køør böök, ni ö kwääri mo lwaa leny moge ni lwäcge døc kanyo neenge ŋïï mar leny.»

Aydheea 5:12

Ni ge bëëdö ni ge pöödö ki wïth thøme ma teeŋi kwör maath moge, ni ge pöödö ka anëët ni ge kudhö ko opele; 'ba ïthge ba cekge ki tïïe mo Wuuö Jwøk, ni bäŋ gïn caarge kiper japa tïïc Jwøki.

Aydheea 66:3

'Ba ŋat wø 'näk dhieŋ nee cïbe no olämi, caala ŋat mo 'näga dhaanhø; ni ŋat wø 'näk nyidiel caala ŋat mo toora ŋut gwök, ni ŋat wø cïp beel na muuy caala ŋat mo cïpa rem othur; ni ö ŋat wø waaŋ jer wø jïcge ŋwääi ni met ni caal ŋat mo wøøra kït gïï wø lam. Gena tïmö ni ge jiera uutjïëthe moge, ni yïthge mïnni ka japge ni wø raac yia ki ge.

Jeremaya 7:21

Luumma caan Wuuö Jwøki, eni na wïth jammi bëët, eni na Jwø Icriel, na caane ki räny cwïny, beeye en, ena köö, ni «U na jiya, rïk olämme mou moa dou waaŋø bäre jïra, dwallu gø ko olämme møga wäne, ni cammu geni jaak!

Odheea 5:6

'Ba këël ge doo aay ni ge käädö ki dïëk ki dhäk, ni ge manynya Wuuö Jwøk, eni ba jootge, kiper ree ee nø paany dïge.

Odheea 8:13

Geni, gena cïpö ko olämme jïra ni camge rïŋ moge, 'ba a na Wuuö Jwøk, yia kär mïnnö ko olämme moøgø. Ennø, a tïmö naa lääŋŋa gïïa bacge, ni puta ge jääl kiper raay moge. Geni, ge døøa Ijep.

Odheea 9:4

U ba kuny piny këët ki muuce mo kwøŋ jï Wuuö Jwøk; olämme mou yi Jwøk ba tïïe ni met. Caammi mo wø cïpu no olämme caala mo wø cïp bäät thøø; ni jiy bëët moo cam ge tïmö ni ba waany. 'Ba caammi mou otïïyu kiperu keeru, ni ba kïthu ge yi Øt Wuuö Jwøk.

Ciik Kiper Dïlämme 23:4

« ‹Moi beege kwör ajwöm moa näk yaa cïp piny, a na Wuuö Jwøk, ni beege moo luumge gøøu piny nee bëëtge na acooŋe mo ena kur keerge ki køør kwöra cïïmmi yïthge.

Ibaru 10:1

'Ba kiper na tïme ni ciik Modhe beeye nyuudhi mar gïïa beyø na doo öö, ni paa gïïaka ki dëëtge, ba maar lønyø jïge ki man tïïcge jø wø ö baŋ lam no othur karge, ki køør olämme moøgø ni wø cïp cooth ki yïth cwiiri bëët.