Aydheea 28:7 - Wëël Jwøk

⁷ 'Ba këël nyikuk Jwøk ki dïlämme, ge mädhö ki kwøŋ mo keec, ni cääthge ni ge näännö ni ge bøømmø ki meerø. Ge bëëdö ni wïthge ocwöth køøŋe, ni ge cäädhi ni ge bøømmø kany wø mäthge ki kwøga keec. Ge bëëdö ni ge näännö ki meerø kany wø nyuunh geni ki luup, ni tïmge ni ge bääö ni luup ba ŋølge na adïëri.

Aydheea 28:7 Iomraidhean Croise

Pwöc Leec Wïc 20:1

Køøŋ omøki dhaanhø wø døøye ŋat abuua, ni ö køøŋe mo keec ni døøc dhaanhø ŋat dïtat, ni ŋat wø gaa wøk ki køørge wïïe ba leer.

Pwöc Leec Wïc 23:30

?Patha jø wø ruu ni ge mädhö ki kwøŋ? ?Patha jø wø lägi ni ge manynya køør kwøŋ moa keec?

Luup Dïpööy 10:17

'Ba ï na paana näk nyeya marï käla ri tuuŋ nyec, gwïëth en jïrï, ni bee ï ni wø bwöthe moï cämö ka yi caa ma kare, kiper nee jïtge ki teek dëël ni patha man bëënge meerø.

Aydheea 19:14

Wïthge akier Wuuö Jwøki ki jwïëy mo wø cwöth wïc, ni bwøthge Ijep ki jöö mo ba thïïŋ ki yïth tïïe mo gø bëët, ni tïm Ijepi kaamar dhaanhø mo omeer mo bøømmø ni ena yïth ŋwøk moe.

Aydheea 22:13

'Ba neennu, gïna tïïyu, maru atïmö na kanynyø ni yïthu met, nou cööbö ki dhäk ni ŋädu ki dïëk, ni cämu ki rïŋ ni mädhu ki kwøk nyïïomøki, ni kööu, ni «Cämø ni mädhø nø, kiper kanymør ø thøw diøø.»

Aydheea 24:2

Ni ö ränynyö mano tägi ni tïme ni rwöpa jiy bëët, ni tïm dïlämi ni röömi ki dhaanhø jaak, ni tïm kwäärö ni röömi ki laŋŋø, ni tïm dhaagø man wø tïnynyi ni röömi ki dhaaŋ wø tïny gø, ni tïm ŋat gathi ni röömi ki ŋat ŋïëw, ni tïm ŋat wø määö baŋe ki jammi ni röömi ki ŋat wø mäyi, ni tïm ŋat wø cunni ki gwel ni da wïthge ni röömi ki ŋat wø cun gø.

Aydheea 24:20

Ni tïm pinynyi ni bøømmø kaamar dhaanhø mo omeer, ni tïme ni jäŋŋi kaamar abïla, kiper raay moe na peek bääte, ni pädhe ni ba løny ki ööny maal këët.

Aydheea 28:1

Otïmö ni leth jï Cameria, päänya näk caala adun atöör mar jø Ipariem na näk jø meerø, päänya näk ajiem mïërö mare caala wï jaath mo oŋøøk ni manynya närö, na näk ogeer bäät thuur buut gool mana ŋöömme beer na näk mar jøøa no oŋääö ki maath.

Aydheea 29:11

Ni tïm luupi bëët mo wø nyooth ki yi wïc ni caala luup mo ena yi wëëlö mo dhee omwönö; këël wëëllögø doo wëëga ŋat mo ŋäc kwäänö ni købi jïre, ni «Kwaan gïn,» eno köö, ni «Ba løny kwaan jïra, kiper omwönö.»

Aydheea 3:12

Wui, obwöre beege na thiel jiya piny, ni tïm määnni na kwääri bäätge. Wui, u na jiya! Dïbwöthe mou uuna tïïcge nou gaau wøk; uuna kälge wøk øtjöör bëënynyö.

Aydheea 43:27

Kwaru mana dïkwøŋ atïïö ki raay, ni ö jøøa cäänö na karï ni bääcge dëëra.

Aydheea 5:11

Otïmö ni leth jï jø wø päny maal ka amöölla døc, ni wø läät bäät kwøŋ moa keec, jø wø këët dïwäär ni ge mädhö ni wø meeyi døc.

Aydheea 5:22

Otïmö ni leth jï jø wø nyeŋge ŋäc ki maath kwøŋ, ni wø teek ki maath wïth kwøŋ mo ojääbö;

Aydheea 5:23

jø wø jïëc luum dhaanhø mo mare raac ki køør gïn wø cïp ki piny, ni wø kwier luum ŋata beer na mare thïïŋ.

Jeremaya 14:14

Ni kö Wuuö Jwøki jïra, ni «Nyïïkuk Jwøk moøgø, luup mo wø køpge ki nyeŋŋa, køpge ka wïthge, ni beege luup tööt. Geni, ge ba jääŋŋa aani, ni ge ba köömma aani, naa kär cäänö ki geni. 'Ba ge køpa luup tööt ki køør lääk moge, ki luup adïëda mo bäŋ gïn kønyge, ki cwøk mo käla wïthge keerge.

Jeremaya 23:13

«Mør thuwø, gïn mo raac ajooda baŋ nyïïkuk jwøk mo Cameria; luup akøpge ki nyeŋ jwøa cwøl ni Baal, ni ge løøa wïth jiya wøk ma jø Icriel.

Jeremaya 23:16

Man beeye mana caan Wuuö Jwøki, Jwø wïth jammi bëët, ena köö, ni «Kär nou wïnynya luup nyïïkuk Jwøk moø ni køp luup yøø jïïu. Geni, ge pääŋa cwïnynyu jaak ki luup ŋäädhe mo oballe; luup moøgø ni carge yøø käla wïthge keerge, ni patha moa cur dhi Wuuö Jwøk.

Wëël Kïmmö 2:4

Atheerø mare aniit baŋwa kaawat man wø tïïc nyimänni, ni niide ka cer cwïïe. Jiy bëët moa mïërö ki waŋ anääe kaawat man wø tïïc nyimänni. Wëër mare ni wø liel kaamar maac akïth bäät uudi mo jø Dhayan.

Edhikiel 13:7

'Ba Wuuö Jwøk aköö jïge: ?Na aŋø, patha u ni wø cäänö ki luup tööt ni da gïï mo onyoodhø jïïu, ni maru adïëda jaak kany wø kööu, ni «Wuuö Jwøk aköö na ennø nø», ni bäŋ gïn mo yaa caanø?›

Edhikiel 44:21

Ni bäŋe dïlämi mo mäthi ki køøŋø kany wø näk mo eni dunynya yi kal mana en dïër.

Odheea 7:5

'Ba kanya tïme na cäŋ ajwöma mar nyeya marø, kwääri gena meer ki køøŋø døc ni bøølge, ni ö eni ni makge ceŋge na aciel ki jø abuua.

Mikiya 2:11

Ni näk mo da nyikuŋ Jwøk man wø wïdi ni køpa luup tööt ki luup cwøk, mo köö, ni ‹Køøŋ omøki ki kwøŋ mo keec obëëdö ni thööth jaak,› teeŋ ŋatøgø beeye ni wø met yïthu ki gø.»

Abakuk 2:15

«Otïmö ni raac jï ŋat wø lwør athöönh køøŋ ajäla ni maath jø tiet mïëri moa en deŋŋe ni meerge, ki man raŋ lään wïc marge mar bëët wääth dëël.

Abakuk 2:16

Ïïno bëëdö no otaaø na kar mana di ïïni jiemø. Ennø, ï ki dëërï, ï luunynya mäthö niï dööŋï ki dëërï. Wuuö Jwøk athöönh køøŋ ajäla mar cer cwïïe ï maadhe maadhø ki gø, ni ö ajiemmi marï ni wiil ree ki lään wïc.

Mathiew 24:29

«'Ba køør gïïo leth moo tägi yïth nïrögøøni, « ‹cäŋ oput tïïc ni cøl, ni ö dwääyi ni ba cïp taye, ni päänh ceerri ki maal, ni ö gïïa näk jïge da teek maal ni jäŋi.›

Luk 21:34

«Gwøgu dëëtu. Kanymør cwïnynyu tïmö ni ena køør caammi, ki meeye, ki lääŋ jap kwøwi en, ni ö cäŋöce ni laar ö bäätu ni caala abïëp.

Epeca 5:28

Kaawat manøgø thuwø, cwøw doo mëër ki määrge kaawat man wø mëërge ki dëëtge. Ŋat wø mëër ki cïïe, mëër ki dëëre.