Aydheea 28:23 - Wëël Jwøk

²³ Cegu ïthu ni wïnynyu dwøra; cegu ïthu ni wïnynyu luup 'moa.

Aydheea 28:23 Iomraidhean Croise

Aydheea 1:2

Wuuö Jwøk aköö, ni «Wui, Maal, cek ïthï! Wui, Piny, wïnynyï! Obwöre moa piidha na døøŋŋø cera, gena ö maal bääta ni gëëmge ki aani.

Aydheea 28:22

'Ba ennø, weyu abuua maru. 'Ba ni näk mo ba weyu, oguudi cäŋ ka methø døc tietu. Kiper Kwäärö Wuuö Jwøk, eni na wïth jammi bëët, da gïn mo yaa wïnynyö baŋe mo ee nø cïp piny, ki man raany piny bäre.

Aydheea 28:24

?Aŋø, ŋat puur wø bëëdö ni tïïya tïï puur keere ni ba pïïdhö? ?Aŋø, eni 'bëëdö ni kuga ŋøøm cooth ni jaalla ge jaak?

Aydheea 32:9

Wui, u na määr wø bëëdö ki bëëtö mo jööt jaak, ööu maal ni wïnynyu dwøra; u na mään moa therø, u ni wø cädö ni karu beer, cegu ïthu ki luubö mara.

Jeremaya 22:29

Wui ŋöömmi en, wui ŋöömmi en, wui ŋöömmi en! Wïny dwør Wuuö Jwøk!

Tiet Ciik 32:1

'Ba luup moa en yi duut na caan Modhe beege ii; ena köö, «Wui maal ki piny, beerra man cegu ïthu ki gïno caana; ni wïnynyu luup moo ö wøk ki dhaa.

Mana Nyooth 2:11

«'Ba ŋat mo jïre da ïth, beerra man wïny gïn ni caan Jwïëc Jwøki en jï acook Jwøk. 'Ba ŋato böödö, ba doo gwaar thøøe mano en cään.»

Mana Nyooth 2:14

«'Ba jïra da luup møøk mo ï yaa jäälö ki ge. Kiper jïrï da jø møøk kaagø mo ojïëy ki pwöc Beelam, ŋata pwöny Beelak ki jöö man wëëk wäät Icriel cwany tietge ki gø, nee ge cämge ki caammi mo wø 'näk jï juu, ni bëëtge ki bëët käp.

Mana Nyooth 2:29

'Ba ŋat mo jïre da ïth, beerra man wïny gïn ni caan Jwïëc Jwøki en jï acook Jwøk.»

Mana Nyooth 2:7

«'Ba ŋat mo jïre da ïth, beerra man wïny gïn ni caan Jwïëc Jwøki en jï acook Jwøk. 'Ba ŋato böödö, owëëga cam jaath kwøw, ni en yi pwötha beer mar Jwøk.»