Aydheea 28:17 - Wëël Jwøk

¹⁷ 'Ba ŋøl mana na adïëri otïïa ni caala thøøl man wø røm tiir mar øtø ki gø, ni tïïa bëënynyö ni caala thøøl man wø røm tiir mar dëër øtø ki gø. Køøre pey opänhnhi ni raany tööt mana gwøk uuni, ni kwön jwïïe ni raany kwöra kanu dëëtu yïthge.

Aydheea 28:17 Iomraidhean Croise

2 Nyeye 21:13

Aani jø Jerucalem jääla jäälö ni tïïa ki gïn mo leth dëëtge kaawat mana tïïa dëët jø Cameria ki jø dhi øt Akap, ni cweera Jerucalem døøc kaawat man wø ö dhaanhnhe ni wø cweer athaa, ni rïëp gø piny.

Jööp 22:16

'Ba gena laar thøø ni karge poodi, ni tïmge kaamar øtø mo okøøl jwïïö.

Aydheea 10:22

Wui Icriel, këël na bëët jiyï ni kwäänge caala akwöny naama dwøŋ, mo nøk keerge moo dööŋ ni kwøw dëëtge beege noo duui. 'Ba ränynyö onø cïp piny, no onø ŋøl kiree na kare.

Aydheea 25:4

Kiper ïïna ŋat wø gwøk jiy moa näk bäŋ jø køny ge, ki jøøa can ni wø bëëdö ki bëëtö mo leth, ni bee ï ŋat wø gwøk dhaanhø ki gïï mo caala atuunna, ni ïïna tïpö kiper lïëth piny; kiper jam dhøk mar jøøa no ogäy caala atuunna man wø kwöt dëër kiir,

Aydheea 28:15

Kiper uuna köö, ni «Waana nø tudö ki luubö ki thøø, nee wa ba gude, ni nø tutwa ki luubö ki kar bëët jwïëc jøøa no othøw, nee wa ba ciwa yie; këël jwïïö man wø räänyö ocur bäätwa, wa ba gude. Kiper tööt ewa nø tïïc ni beeye gïn gwøk waani, ni nø tïïcwa gø ni beeye kany kanwa dëëtwa yie.»

Aydheea 28:2

Raŋŋu, Kwäärö Wuuö Jwøk jïre da ŋat mo dwøŋ mo teek, mo caala køth mo ree da pey ka atuunna man wø räänyö, mo caala athaga mo teek mar naam mo pänhnhö; eni wï pääny Cameria thiele piny ki cere yïth ŋøøm.

Aydheea 30:18

'Ba Wuuö Jwøk poot manynya uuni ki man cäŋ mëër mare nyoothø jïïu, ni poot koora uuni ki maal ki man nyooth bäth ec mare jïïu. Kiper Wuuö Jwøk beeye Jwø adïëri. Gwïëth en bäät jiy bëët mo wø bëëdö ni koora eni.

Aydheea 30:28

Dwør jwïëy mar jam dhee lwör kaamar naam mo pänhnhö, mo päŋ ni ena cwaak. Eni wïth juurre di jierø kaawat man wø pëëdhö ki luul, ni kïth dhøkge ki nywïëny dho okweeny man pee geni kar ränynyö ki gø.

Aydheea 32:2

ŋati man nø rege otïmö ni caala gëëŋi kiper jamø, ni caala kar gwøk røk kiper apwøyaweerø, ni caala pï jøøro mo ena dïtëën, ni caala tïm kïdi mo ena yi ŋöömö ma pwöla.

Aydheea 5:16

'Ba Wuuö Jwøk, eni na wïth jammi bëët, nyeŋŋe obëëdö ni ena maal ki ri ŋøl mare; ni ö eni na Jwøk na en kur keere ni nyooth ree ni eni ena kur keere ki køør bëënynyö mare.

Aydheea 61:8

Wuuö Jwøk aköö, «Kiper aani, a na Wuuö Jwøk, a mëër ki ŋøl luup ma adïëri, naa män ki kwal, ni mäna ki gïï mo reyø. 'Ba ki køør adïëri mara, aani jiya ŋada ŋadø, ni tuda ki luubö ki geni mo bëëdö na bäre bäre.

Jeremaya 19:7

« ‹Aani, acaare mo jø wø bëëdö Jerucalem ki dï Juuda bäre raanynya raanynyø yi paani, ni cïba geni dho opëëllö nyïm nyïïmän moge, jø wø many jwïëcge. Ni cïba rïŋ dëëtge na cam jï wec maal ki jï lääc paap.

Jeremaya 23:19

'Ba ennø, wëër mar Wuuö Jwøk öö bäät jøøa reyø kaamar atuunna, ni beeye atuunna mo teek døc mo raanynya geni.

Jeremaya 7:14

Kiper manøgønø, teeŋ gïna tïïa dëër Cëëlö otïïa dëër øtø man ni wø cwøl ri nyeŋŋa, ni ŋääthu en, ki dëër paani en na cïba jïïu ki jï kwäyu.

Jeremaya 7:20

«Kiper manøgønø, mana ŋøla, a na Kwäärö Wuuö Jwøk, beeye en: Wëër mara ki räny cwïny mara öö bäät paani en, ki bäät jiy ki lääy, ki bäät jer paap ki caammi mo wø ciek yi ŋöömö; ni tïm wëërri mara ni wääŋö ni liel bäätge kaamar maac mo ba løny ki bïp këët.»

Edhikiel 38:22

Ni jääla geni ki täw mo leth ki køny remø piny. Aani køth mo dwøŋ mo ree da pey mo caala kïte, ki tør mo liel, ojääŋŋa bääte, ni pänh bääte ki jø leny moe ki bäät wïth juurre moa thööth mo wø cäädhi ki eni.

Daniel 11:22

Ni ö lwaa leny mo piny ee baabø ni gwaar ge nyïme kaamar jwïëö, ni raany geni, këël Kwääy Lam Mana Dwøŋ mar Jwøk.

Neeyam 1:8

'Ba eni jø Nineba baabe baabø kaamar jwïïö, ni dïïr wïthge, ni riem geni na nyïïmän moe yi muudhö mo cøl kar thøø.

Mathiew 7:27

Ni päth køthi, ni ö jwïïe, ni cööt jame ni kwöt dëër ødøgø, ni pädhe ki pädhö mo ba thiinh.»

Wëëlö Mana Göör Pøølli Baŋ Jø Röm 2:2

'Ba ŋääø ni ŋøl mar Jwøk kany wø ŋøl jø wø tïïc teeŋ gïïögø wøk, mare beeye adïëri.

Wëëlö Mana Göör Pøølli Baŋ Jø Röm 2:5

'Ba kiper cwïnyï na teek na ba maarï løk, ï känna riï ki wëër mo päl, yi cäŋo ö wëërri yie, kanyo ö ŋøl luup mar Jwøk na näk adïëri noo nyoodhi.

Wëëlö Mana Göör Pøølli Baŋ Jø Röm 9:28

Kiper Wuuö Jwøk luumme ŋøle piny ni laar gø thöör ni ciek.»

Jøcua 10:11

'Ba kanya rïïŋ jø Amörri ni ge ŋwieya jø Icriel, Wuuö Jwøk pey mo døøŋŋø døc mo caala kïte alëëŋe ki maal, ni leeŋ ge bäät jø Amör, ni tägi ka kanya løøcge piny ki Bëëth-Örön, këël mana pïïcge Adhëka, ni putge thøø; 'ba atïmö ni thöötha jiy moa thøw ki pey moøgø na näk caala kïte yøø, ki jiy moa 'näk jø Icrielli ko opëëlle.

Mana Nyooth 11:19

Kanyøgø Øt Jwøk Mana Dwøŋ maalø ajap, ni ö acanduki mar luumme na tuude ki jiy ni neeni yi Øt Jwøk Mana Dwøŋ. Ni tïm agaackøthi ni mal, ni piny dïmmi døc, ki køth mo märö, ki dïjäŋ piny, ki piiø mo päl.

Mana Nyooth 16:21

Ni ö peyi mo døøŋŋø døc, mo peek mar man nø jïtö ki kïïle ma pïëraŋween, ni pänhge bäät jiy ki maal, ni tïm jiyi ni ge janynya Jwøk kiper gïr räny piny mar pey. Kiper gïr räny piny manøca dwøŋ døc.

Mana Nyooth 19:2

Kiper ŋøl mare beeye adïëri ni näk kare. Ni eni kääpa dwøŋ na raany piny ki käp mare aŋøl wøk, ni cool kwör remø mar laage dëër gø.»

Mana Nyooth 8:7

Ni ö nyïïatwiel maal mana dïkwøŋ ni kooth tuuŋ mare, ni put piiø ki maac mo orwöbö ki remø öö, ni pänh bäät piny. Ni ö dää thääŋö mar piny ni waaŋe, ni waaŋ dää thääŋö mo jen, ni ö luummi mana marr ni waaŋe ki kare bäre.