Aydheea 28:16 - Wëël Jwøk

¹⁶ Kiper manøgønø, Kwäärö Wuuö Jwøk aköö, ni «Raŋŋu, aani a kïtha yi Dhayan ki kïdi, ni beeye kïdi mo onø päänynyö, kïnna pere leth na näk kïn gøøt, na näk ocwöth piny ni teek. 'Ba ŋato jïëc gøøni, wïïe ree ba kiere.

Aydheea 28:16 Iomraidhean Croise

Wïlöölö 49:10

Athøc kwär ba aay cer Juuda, ni kwär ba aay dhi øde, këël mano ö ŋat ma athøc kwär dööŋ jïre; ni tïm jiyi bëët ni leŋa ciik moe.

Wïlöölö 49:24

'Ba gïr leny mare poot bëëdö ni ee maa ni teek ni kär dak cere, ni bääte ee maa ni teek ni cere rwäänhnhö ri leny; ni teege joode ka køør teek man wø cïp ŋata en teeki jïre, ni beeye Jwø Jeekap, eni na dïkwääy ni wø gwøk jø Icriel.

2 Luup Nyeye 20:20

Køøre kanya tïme na amöölla døc jø Juuda apäny maal ni cige paap Tëköa. 'Ba kanya cige wøk, Jøcapat acuŋŋö nyïmge ni kööe, «Wui, u na jø Juuda ki jø wø bëëdö yi Jerucalem, cegu ïthu baŋa. Ŋääthu Wuuö Jwøk na adïëri, eni na Jwøk maru, nee tietu këëtge piny ni teek. Ni ŋääthu nyïïkuk moe, nou käädhu.»

Dut Pwøc 87:1

Aydheea 14:32

?Aŋø, agïnaŋø noo løk jï jiy moa öö ni ge jääŋŋa wï jurri mør? Gïno løk beeye ni Wuuö Jwøk Dhayan anø tïïe ni teek, 'ba jiye moa no ocaarø, rege ogwøkge yie.»

Aydheea 30:18

'Ba Wuuö Jwøk poot manynya uuni ki man cäŋ mëër mare nyoothø jïïu, ni poot koora uuni ki maal ki man nyooth bäth ec mare jïïu. Kiper Wuuö Jwøk beeye Jwø adïëri. Gwïëth en bäät jiy bëët mo wø bëëdö ni koora eni.

Aydheea 54:11

«Wui, ï na päänya no ocaarø, na näk wïïï okier gïï mo lethi, kaawat man wø tïïc atuunna, ni bäŋ ŋat mo ocøm cwïnyï, raŋï, aani ï geera geerø ki kïte mo mïërö, ni ö tier kiir marï ni kïtha gø ki kïte mo ŋwaŋŋi.

Daniel 2:45

Man beeye tier gïna jootï kiper thääŋ kïdi mana muk ri kïdi mana näk kär gudö ki cenø, na pet nywïënyö, ki jwïël, ko odhöönh, ki gwel-bïrö, ki warkey. Jwøa dwøŋ gïïo tägi yi nyïm anyoodhe jïrï, ï na nyeya. 'Ba lääk beeye adïëri, ni tier gïna cääne kipere di ŋäädhö na kare.»

Dhekaraya 10:4

'Ba dïbwöthe mo bëëdö kaamar kït gøøt, ki mo bëëdö kaamar mucumääre mo wø gur oduŋkaara piny ki ge, ki mo bëëdö kaamar atheerø mar leny, ki teeŋ dïbwöthe møga bëët, di joodø ki røk jø dhi øt Juuda.

Dhekaraya 3:9

Raŋŋu kïdi mø mana näk yaa cïp nyïm Jøcua! Da nyeŋ abïriiø mo raŋ mo ena dëër kïdi manøgø na aciel enø. 'Ba aani, jammi møøk ogööra bääte; ni ööa ni paanya raay bäät jiy moi ni en yi ŋöömö man en ki dïcäŋ aciel.› Manøgø beeye luumma caan Wuuö Jwøki, eni na wïth jammi bëët.»

Mathiew 21:42

Kanyøgø Jecu aköö jïge, na «?Aŋø, luubö man käru kwaanø yi wëël Jwøk? Acaan wëël Jwøki, «ni ‹Kïdi mana kwier dïgëëte, atïmö na kïn gøøt mana pere letha eni na mak øtø. Ni gïnögø tïïya Wuuö Jwøki, ni beeye gïn mo rëëma ec ki nyeŋŋø.›

Maak 12:10

?Aŋø, gïn käru kwaanø yi wëël Jwøk? na köö, «ni ‹Kïdi mana kwier dïgëëte, atïmö na kïn gøøt mana pere letha eni na mak øtø.

Wëëlö Mana Göör Pøølli Baŋ Jø Röm 10:11

Kiper wëël Jwøk wø köö, ni «Ŋato jïëy ki eni ni ŋääth gø wïïe ba lääy.»

Wëëlö Mana Göör Pøølli Baŋ Jø Röm 9:33

kaawat mana gööri, ni «Neennu, akïtha kïdi yi Dhayan, na kïdi mano cwany tiet jiy, na kïnno wëëk ge päänhnhö. 'Ba ŋato jïëy ki eni ni ŋääth gø, wïïe ba lääy.»

1 Körin 3:11

Kiper bäŋ tier øtø mør mo doo cak dhaanhe, ni näk paa manøce no onø cak en na näk beeye Jecu Krictø.

Epeca 2:20

Ni uuna øtø mo ogeer bäät nyïïatwieli ki nyïïkuk Jwøk, ni ö Krictø Jecu ki dëëre ni näk kïn gøøt mana mak dëër ødøgø,

2 Timöthi 2:19

'Ba Jwøk, mare na näk ee këël piny wø cuŋŋa kare, ni ŋïï man ena dëëre na ennø, ni «Wuuö moa näk moe ŋääe,» ni «Jiy bëët mo wø cøør nyeŋ Wuuö, raay wär kwierge.»