Aydheea 27:6 - Wëël Jwøk

⁶ 'Ba noo tïme na yïth nïrögø, Jeekap tiere okëët piny kaamar jaath mo lweete okëët piny, ni ö eni na Icriel ni lødhe, ni ŋøøe, ni ŋweele, ni pääŋ bäät piny bäre ki nyïëdi.

Aydheea 27:6 Iomraidhean Croise

Jööp 37:12

Eni pøøl tïïe tïïö nee cääthge bäät piny bäre ki køør dwøre, nee gïïa kööm ge ki ge tïïcge.

Aydheea 35:1

'Ba paaba näk tëën ki ŋöömma näk otal yïthge omïnni; paaba näk tëën oløth ni tïme ni lanhnhi kaamar wï jaath mo oŋøøk.

Aydheea 35:2

Geno løth ni tïmge ni pulli, ni tïm yïthge ni met døc, ni kwöŋge ki met ec. 'Ba teeŋ ajiem mar lur Libaanø di cïbö jïge, ni ö teeŋ wödö mar thuur Karmël ki pwöl Carön ni mëëgi geni. Geni ajiem ki wödö mar Wuuö Jwøk, Jwøk marwa, oneenge.

Aydheea 37:31

'Ba jiy moo dööŋ ni kwøw røk jø dhi øt Juuda, tietge cäŋa këët piny ni nyaacge.

Aydheea 4:2

'Ba dïcäŋeca, lwinh Wuuö Jwøk onëëni ni mïërö ni ree da ajiem, ni ö nyeyi mano joot yi ŋöömö ni tïme na gïr ajiem na gïr atöör jï jø Icriel moo dööŋ ni kwøw.

Aydheea 6:13

'Ba këël ni näk mo dööŋŋa dhaanhø aciel ki ra apaar yi ŋöömmögø, poot cäŋa waaŋ; ni tïmge kaamar jaath mo teek kanyo ŋødi piny ni dööŋ gutö mare. 'Ba gutö manøgø beeye noo tïmö na kunhnhö mana näk ena kur keere.»

Aydheea 60:22

Dhaanhø aciel onyaay na wï tuuŋ mo dwøŋ, ni ö wï tuuŋ mo thiinh ni nyaae ni tïme na wï jur mo teek. Aani, a na Wuuö Jwøk, gïnögø laya layø, ni wëëga gø thur kare yi caanne.»

Jeremaya 30:19

Ni ö dudi mo dwøk met ec ki dwør meeŋ ni wïny ge yïthge. Ni meeda geni ni thööth, ni kwäänge ba døø piny; ni wëëga geni wøør, ni ba bëëtge na jiy mo bäŋ karge.

Edhikiel 36:10

Jiy owëëga nyaay yiï, ni beege jø Icriel bëët. Päänye moï ocäŋ beetø, ni ö gïïa no oränynyö ni cäŋi geerrø.

Edhikiel 36:8

« ‹'Ba u na kïte mo Icriel, jenni moa en bäätu oløth ni ŋweelge ki nyïëdi jï jiya ma jø Icriel; kiper ge duua paac ki kany mo cään.

Odheea 2:23

Jiya ma jø Icriel tietge okëëlla piny ni teek yi ŋöömö. Bäth ec mara onyoodha jï jøøa näk bäth ec kär nyoodhø jïge, ni kööa jï jøøa näk patha jiya, ni ‹Uuna jiy 'moa!› Ni köge jïra, ni ‹Ïïna Jwøk marwa!› »

Dhekaraya 2:11

'Ba noo tïme na dïcäŋeca, wïth juurre mo thööth geno ö baŋ Wuuö Jwøk, ni tïmge na jiy 'moa thuwø. Ni bëëda dïïu ni putu gø ŋäc ni bee Wuuö Jwøk, eni na wïth jammi bëët, na jääŋ aani baŋu.

Galeecia 3:29

'Ba ni näk uuna mo Krictø, uuna nyïïkwaac Eeberam møn, ni uuna lwiidhi, kaawat mana kwøŋ buuk.

Pilipay 3:3

Kiper øøni, øøna jøøa daŋ na adïëri, ni wø wøør Jwøk ki ri Jwïëy, ni ø töödö ka ri Krictø Jecu, ni ø ba ŋääth mo dëël na bäre bäre.

Mana Nyooth 11:15

Ni ö bïriet nyïïatwiet maalli ni kooth tuuŋ mare. Ni jït maalli ki dööti mo døøŋŋø, mo cäänö, ni «Buc piny atïmö na buc Kwääyø ma Jwøk, eni ki Krictø na røønye. 'Ba eno bëënni këël na bäre bäre.»