Aydheea 27:13 - Wëël Jwøk

¹³ Noo tïme na dïcäŋeca thuwø, tuuŋ di koodhø ni dwøre ena maal døc, ni ö jiyi moa no orwäänyö yi ŋööm Aciria, ki moa no okeethø yi ŋööm Ijep, ni öge ni wøørge Wuuö Jwøk bäät kïnna en kur keere yi Jerucalem.

Aydheea 27:13 Iomraidhean Croise

2 Nyeye 17:6

'Ba kanya tïme na ri bïŋweer cwiiri moa beet Awcë ni ena nyeya, nyeny Aciria Cameria amaae, ni mak jø Icriel ki tøŋ ni kïth ge ya Aciria, ni cïp ge piny nee bëëtge ya Alay ka Abör bäät Naam Gödhan, ki yïth päänye mo jø Mëdön.

1 Luup Nyeye 15:24

'Ba Cebaniya, ki Jøcapat, ki Natanel, ka Amacay, ki Dhekaraya, ki Benaya, ki Eliëdher, na bëëdö na dïlämme, gena jier na jø kooth tuŋi nyïm acanduk mar Jwøk. 'Ba Obet-Idöm ki Jekiya gena jier thuwø na jø koor dhi øtø mana en acanduki yie.

Aydheea 11:11

Dïcäŋeca Wuuö Jwøk cere cäŋe ka tïŋ maal ri rietge ki man duu jiye baŋe moa no odööŋ ni kwøw ya Aciria, ki Ijep, ki thääŋ ŋööm Ijep mana cwøl ni Patröc, ki moa no odööŋ Kuuc, ki Ilam, ki Babiløn, ka Amath, ki deŋ naama dwøŋ.

Aydheea 11:12

Eni ŋïï mare tïŋe maal baŋ wïth juurre, ni cooŋ jø Icriel moa no omaa ki tøŋ; ni cooŋ jø Juuda moa no okeethø ki yïth tuk piny moa na aŋween.

Aydheea 11:16

Kanyøgø otïmö ni da jöö mo dwøŋ man ŋun jiyi moe ki yie moa no odööŋ ni kwøw ya Aciria, kaawat mana tïïe kiper jø Icriel kanya öge wøk ki Ijep.

Aydheea 18:3

'Ba uuni bëët, u ni en bäät piny, ni bee u ki dëëtu ni wø bëëdö yie, kanyo ö ŋïï noo tïŋi maal ki paana en bäät kïte, oneennu, kanyo ö tuuŋŋi noo koodhi, dwøre owïnynyu.

Aydheea 19:21

Wuuö Jwøk dëëre onyoodhe jï jø Ijep, ni ö jø Ijepi ni ŋäcge Wuuö Jwøk dïcäŋeca, ni putge tïmö ni Jwøk lamge ni ge cïpö ko olämme ki muuce, ni ge kööŋ nyïm Wuuö Jwøk ni gwøkge japa kööŋge kiperge.

Aydheea 19:22

'Ba Wuuö Jwøk Ijep ojääle; geno jääle møn, 'ba ge cäŋe ka kønynyø; ni ö geni ni duuge baŋ Wuuö Jwøk, ni ö Wuuö Jwøki ni wïny kwac marge ni køny geni.

Aydheea 2:11

'Ba nyøth røk ka atöör mar jiy odwøk piny, ni ö bëëtö mar jø wø tïŋ dëëtge maal ni dwøgi piny. 'Ba Wuuö Jwøk keere beeye noo bëëdö ni di jiemø dïcäŋöce.

Aydheea 2:2

'Ba kanyo tïme na aŋuun nïne, kïdi mana en Øt Wuuö Jwøki bääte okëël piny ni teek, ni tïme na wïth kïte; eno tïŋ maal ni kaala thuuri, ni ö wïth juurre bëët ni rwäthge bääte.

Aydheea 2:3

Wïth juurre mo thööth öö ni köge, ni «Ööu, owaa cøø bäät Kïn Wuuö Jwøk yi Øt Jwø Jeekap, kiper nee ø pwönynye ki jööre, nee ø cäädhø øtjööre.» Kiper luum ciik Jwøk wø caan ka yi Dhayan, ni beeye Jerucalem ni wø ö luup Wuuö Jwøki ki yie.

Aydheea 25:6

Wuuö Jwøk, eni na wïth jammi bëët, tïïö ka atïya bäät kïdi man jï wïth juurre bëët mo bäät piny; 'ba atïya mano tïïe beeye køøŋ nyïïomøki mo met, ki rïŋ mo lääy mo cuu moge päŋ ki mädhi, ki køøŋ nyïïomøki mana luy na met.

Aydheea 43:6

Caana caanø jï wï-piny, ni kööa, ni ‹Cïp geni!› Ni caana gø jï tier-piny, ni kööa, ni ‹Ge kär mänï. Duu wääta ki kwöra enge yie na bäär, ni duuï nyïïa ki yïth teegi mo piny,

Aydheea 49:7

Man beeye dwøl mana caan Wuuö Jwøki, eni na wïïl jø Icriel wøk, eni na Jwøa en kur keere; ni luubö manøgø caane jï ŋata no otaaø, na no okwier wïth juurre, na laŋŋø mar dïbwöthe, ena köö, ni «Nyeye ïïno neenge ni öge maal, ni ö kwääri ni këëlge cøŋge piny ni ge wøøra ïïni, kipera, a na Wuuö Jwøk na no oŋäädhö, a na Jwø Icriel na en kur keere na jier ïïni.»

Aydheea 56:8

Kwäärö Wuuö Jwøk, eni ni wø cooŋ jø Icriel moa no okeethø, aköö, ni «Poot da jiy møøk mo cooŋa bäät jiy moa no onø cooŋ.»

Aydheea 66:18

«'Ba kiper mana ŋääa tïïe moge ka acaare moge, aani a öö ni cooŋa wïth juurre ki teeŋ dhøgi bëët; ni öge ni putge ajiem mara joot.

Aydheea 66:23

Kany wø päär dwääyi man nø, ki kany wø ö cäŋ jwömö man nø, jiy bëët geno wäro ö nyïma ni wøørge aani.

Jeremaya 31:6

Kiper da nïne mo öö, mo jø wø kurö bäät kït Ipariem, ge cwötö ni köge, ni ‹Ööø maal, ni cøø maal Dhayan baŋ Wuuö Jwøk, Jwøk marø.› »

Jeremaya 43:7

Jøøgø gena ci Ijep ni dwør Wuuö Jwøk kärge wïnynyö, ni aacge këël mana pïïcge Thapinac.

Jeremaya 44:28

'Ba mo nøk keerge moo bøth dho opëëllö, geno aa wøk ki yi ŋööm Ijep ni døøge yi ŋööm Juuda. Køøre jø Juuda bëët moo dööŋ moa ö Ijep baŋ bëëtö, kar kaace oŋäcge ki man näk mo thura luumma kare wala marge.

Edhikiel 20:34

Aani, u duua duuö ki baŋ wïth juurre ni cuuŋa uuni ki yïth mïëri moa näk uuno keethø yïthge ki teek ni cera yaa rwieø bäätu ni wëër mara ena bäätu.

Edhikiel 20:41

Uuni, u pänhnha pänhnhö kaamar gïn mo ŋwäänynye met, kanyo duua uuni wøk ki baŋ wïth juurre noo cuuŋa uuni ki yïth mïëri moa näk uuno keethø yïthge; køøre dëëra nyoodha nyoodhø jïïu ni nëënö jï wïth juurre ki man näk maa ena kur keera.

Edhikiel 39:25

«Kiper manøgønø, man beeye luumma caan Kwäärö Wuuö Jwøki, ena köö, ni ‹Aani, nyïïkwaac Jeekap na mak ki tøŋ oduua, ni cïba cwïnya piny ki geni, ge na jø Icriel bëët, ni mara këëyö kiper nyeŋŋa na en kur keere.

Daniel 11:45

Ni cwöth oduŋkaare mo nyec moe piny yïthakic naama dwøŋ ki Kïn Jwøk na mïërö na en kur keere. 'Ba eni poot thøw, ni bäŋ ŋat mo køny eni.

Odheea 11:11

Geno ööi ki Ijep kaamar weny, ni öge ki ya Aciria kaamar akuyi; ni ge ööi ni dëëtge kwanynyi. Køøre geno wëëga pïïn piny yïth mïëri moge. Luummögø caana aani, a na Wuuö Jwøk.

Odheea 8:13

Geni, gena cïpö ko olämme jïra ni camge rïŋ moge, 'ba a na Wuuö Jwøk, yia kär mïnnö ko olämme moøgø. Ennø, a tïmö naa lääŋŋa gïïa bacge, ni puta ge jääl kiper raay moge. Geni, ge døøa Ijep.

Odheea 9:3

U ba bëëdö yi ŋööm Wuuö Jwøk këët; u døøa Ijep, u na jø tuuŋ Ipariem, ni cämu ki caammi mo ba waany ya Aciria.

Ciik Kiper Dïlämme 25:9

'Ba noo tïm nïr dwää abïriiø na apaar, tuuŋ nywø røømmø wär put kooth yi ŋöömö bäre, ni beeye yi Cäŋ Man Wø Tïïc Okïdi Yie noo kooth tuuŋ yie.

Mikiya 7:14

Wui Wuuö Jwøk, kwaac jiyï na alaŋkaanynyï ena cerï, man wø koorï geni ki gø, ni beege na thöögï na caal pïïth dïëk moï, geni ni wø bëëdö kur keerge kany mo yie da jenni, mo ŋöömö mana en deŋŋe ciek ki caammi. Beerra man kïthï geni Baacan ki Gelät, nee ge bëëtge ni ge cama caammi mo wø ciek kwöröke, kaawat mana bëëde yïth nïra cääŋŋe cøøn.

Dhekaraya 14:16

Køøre jiy moo dööŋ ni kwøw ki røk wïth juurre bëët moa tïïc leny bäät Jerucalem, geno wäro ci ki yi cwiir cooth kuna wøørge nyeya ma Wuuö Jwøk, eni na wïth jammi bëët, ni cige ni wøørge ajwöm wø wøør ni jøw ena yïth abïle.

Dhekaraya 8:7

Wuuö Jwøk, eni na wïth jammi bëët, aköö, ni «Ka adïëri møn, aani jiya moa en jï løø kur tuul-cäŋ ki moa en jï løø kur pänh-cäŋ piema piemø,

Milkiya 1:11

'Ba nyeŋŋa otïmö ni dwøŋ dï juurre, ni tägi ka jï løø kur tuul-cäŋ këël jï løø kur pänh-cäŋ; ni ö gïn wø jïye ŋwääi ni met ki muuce mo beel moa näk liil ni cïbi jïra ki yi piny bäre, kiper nyeŋŋa otïmö ni dwøŋ dï juurre.» Gïnögø caana Wuuö Jwøki, eni na wïth jammi bëët.

Mathiew 24:31

Ni jääŋ nyïïatwiet maal moe ni da tuuŋ mo dwøre dwøŋ mo di koodhø, ni cooŋge jiye moa näk ee jierø, ni kälge ka wïth tuk piny karge ŋweeni, ni beeye bäät piny bäre.

Luk 4:18

ni «Jwïëc Wuuö Jwøk ena bääta, kiper aana jiere nee luumma nyään na met caana jï jøøa can. Ni jääŋ aani nee pät mar jøøa näk otwöö køba jïge, ki døøn nyeŋ karge jï cööye, ni päda jøøa näk odïïmö,

Wëëlö Mana Göör Pøølli Baŋ Jø Röm 10:18

'Ba a pëëö. ?Aŋø, geni, kärge wïnynyö? Awïnyge møn, keda mana caani ya Wëël Jwøki, ni «Döötge awïnyö bäät piny bäre, ni ö luupge ni këët dï piny bäre.»

1 Thecalönika 4:16

Kiper Kwäärö ki dëëre ööa piny ki maal, ki dwøl mo päl, ki dwør kwääy nyïïatwiet maal, ki dwør tuuŋ mar Jwøk. Ni ö jøøa thøw ri Krictø, ni kwøŋge ö maal.

Ibaru 12:22

'Ba u ööa bäät Kïn Dhayan yi pääny Jwøa kwøw na näk Jerucalem mar maal, ki nyïïatwiet maal mo ba maar lønyø ki kwaan na näk dëëtge ege cooŋø ki met ec,

Mana Nyooth 10:7

'ba gïna näk tiere okwøŋ Jwøki kan doo wëëga thur kare yïth nïro ö bïriet nyïïatwiel maalli noo kooth tuuŋ, keda mana caan gø jï laage ma nyïïkuk Jwøk.»

Mana Nyooth 8:2

Køøre nyïïatwiet maal abïriiø mo wø cuŋŋi nyïm Jwøk ajooda. Ni ö tuŋi abïriiø ni mëëgi geni.

Mana Nyooth 8:6

Kanyøgø nyïïatwiet maal moa näk jïge da tuŋi abïriiø, dëëtge ajekge ki man koothge tuŋi.

Mana Nyooth 9:14

ni köömma bïcier nyïïatwiet maal na en tuuŋŋi cere, ni «Pät nyïïatwiet maal moa näk aŋween na näk otwöö bäät Naam Upareeti na dwøŋ.»