Aydheea 26:8 - Wëël Jwøk

⁸ Wui Wuuö Jwøk, ka adïëri møn, wa raŋŋa jïrï, ni wa bëëdö ni wa caatha køør ŋøl luup marï, ni wa manynya man jiemwa nyeŋŋï ki cwïnywa bäre.

Aydheea 26:8 Iomraidhean Croise

2 Camiel 23:5

«?Aŋø, nyec mar dhi øtø mara ba tïmö ni caala nyec manøgø nyïm Jwøk? Kiper eno tudö ki luubö ki aani mo bëëdö na bäre bäre, ni beeye luubö mana näk ee cïp piny ni ba wiil. ?A ni näk mo enøgønø, Wuuö Jwøk a ba put piem, këël dhi øtø mara, ni wëëk gïï wø mïn eci ki ge bëët thur karge?

Bwøth Wøk 3:15

Ni cäŋ Jwøki köö jï Modhe, ni «Wär caanï jï jø Icriel, ni ‹Wuuö Jwøk na näk Jwø kwäyu, na näk Jwø Eeberam ki Aydhak ki Jeekap, bee eni na jääŋ aani baŋu.› Wuuö Jwøk, na näk tiere beeye ‹Aani ni nut en› beeye nyeŋŋa na bäre bäre, na nyeŋ man wø ö jiyi wø parge wïthge ki aani ki gø këël yïth beenhnhe bëët.

Obeec Dudi 5:8

Wui, nyïïakuk Jerucalem, a cäänna uuni, ni näk mo omëër mara jootu joodø, wär caannu jïre ni kööu, no «Omëër marï dëëre onøkiil ki mëër.»

Aydheea 12:4

'Ba dïcäŋeca uuno köö jï jiy, ni «Dwøgu met ec jï Wuuö Jwøk, ni pwøyu nyeŋŋe, ni caannu tïïe moe jï wïth juurre nee ŋäcge, ni parru wïthge ki nyeŋŋe ki man näk mo eni kare dwøŋ.»

Aydheea 24:15

Kiper manøgønø, u ni en jï løø kur tuul-cäŋ, jiemmu Wuuö Jwøk, ni ö uuni ni en bäät naama dwøŋ ni tïŋu nyeŋ Wuuö Jwøk maal, eni na Jwø Icriel.

Aydheea 25:1

Wui Wuuö Jwøk, ïïna Jwøk mara, nyeŋŋï tïŋa maal, ni pwøa nyeŋŋï; kiper ïïna tïïö ki gïï mo rëëma ec, ni beege japa caarï ya acääŋŋe na wëëgï tïïc na karge.

Aydheea 25:9

'Ba dïcäŋeca, jiy oköö, «Raŋŋu, man beeye Jwøk marø mana koorø nee ø pieme. Man beeye Wuuö Jwøk mana koorø; beerra man kanynyø ni mïn yïthø ki pïëm mare mana piem øøni ki gø.»

Aydheea 26:13

Wui Wuuö Jwøk, Jwøk marwa, waana bëëdö ni wa käära kwääri møøk mo patha ïïni, 'ba beeye ïïni keerï ni wø nyeŋŋï wøørwa.

Aydheea 30:18

'Ba Wuuö Jwøk poot manynya uuni ki man cäŋ mëër mare nyoothø jïïu, ni poot koora uuni ki maal ki man nyooth bäth ec mare jïïu. Kiper Wuuö Jwøk beeye Jwø adïëri. Gwïëth en bäät jiy bëët mo wø bëëdö ni koora eni.

Aydheea 33:2

Wui, Wuuö Jwøk, nyooth met ec marï jïwa, kiper wa bëëdö ni wa raŋŋa jïrï. Tïmï ni ïïna teek marwa cooth ka amöölla, ni bëëdï ni ïïna pïëmi marwa kanyo enwa yïth gïï mo leth.

Aydheea 49:23

Nyeye otïmö na wëëe moo piith uuni, ni tïm gwaae moge na mëëe moo dhwøth uuni. Geni, cøŋge këëlge piny nyïmmu ni kuulge wïthge piny, ni täärnyïmge okëët piny yïth ŋøøm, ni naaŋge tør mana en tietu; ni putu gø ŋäc ni bee aani na Wuuö Jwøk; ni jiy mo wø bëëdö ni ŋäätha aani, wïthge ba lääy.

Aydheea 51:4

U na jiya, wïnynyu mara; u na wï jur mara, cegu ïthu, kiper ciik ööa wøk ki baŋa, ni ö ŋølli mara na näk adïëri ni tïme na tar jï wïth juurre;

Aydheea 56:1

Man beeye luumma caan Wuuö Jwøki, ena köö, ni «Tïïyu ŋøl ma kare, ni tïïyu gïn ma adïëri, kiper pïëm mara man piema jiy ki gø aløny ni öö, ni bëënynyö mara oløny ni kare cään ki man nyoodhi.

Mikiya 4:5

'Ba këël na bëët wïth juurre bëët ni ŋati man nø cäädhi ka nyeŋ jwøe, øøni, ø bëëdö ni ø cäädhi ka nyeŋ Wuuö Jwøk na bäre bäre, eni na Jwøk marø.

Mikiya 7:7

'Ba aani, aano bëëdö naa raŋŋa mar Wuuö Jwøk ni cwïnya da ŋäädhe, naa koora mar Jwøk, eni noo piem aani. Eni na Jwøk mara, dwøra wïnynye wïnynyö.

Milkiya 4:4

Ni cäŋ köö, «Parru wïthu ki ciik dhaanhnha ma Modhe, ni beege gïïa cema ki pwöc moa cïba jïre kiper jø Icriel bëët bäät Kïn Körëp.

Kwään Jiy 36:13

'Ba moøgø bëët beege ciik moa cïp Wuuö Jwøki jï jø Icriel ki ri Modhe, kanya enge pwöl Möap na en deŋ Naam Jördan na dïët ki Jerikö.

Luk 1:6

'Ba gena jiy mo beyø nyïm Jwøk karge riet, ni ge caatha køør moa näk ocem Wuue ki ciik moe bëët, ni bäŋ gïn mo ege baaø rege.

Moa Tïïc Nyïïatwieli 1:4

'Ba eni kanya bëëde ki geni, gena köömme, ni kööe, ni «Käru aay yi Jerucalem, 'ba koorru gïna buuk Wära, kaawat mana wïnynyu gø baŋa,

Wëëlö Mana Göör Pøølli Baŋ Jø Röm 8:25

'Ba ni näk mo ø ŋäätha gïn mo kärø neenø, ø koora gø ni cwïnynyø yøø cïp piny.

2 Thecalönika 3:5

'Ba Wuuö cwïnynyu oløø baŋ mëër mar Jwøk, ni bëëdu nou teek kaamar Krictø.