Aydheea 26:7 - Wëël Jwøk

⁷ Jøøa marge beer, øtjöörge tiir. 'Ba ï na Wuuö Jwøk, ï na marï adïëri, tïïc øtjöör jøøa marge beer ni pøøth ni ba gwalli.

Aydheea 26:7 Iomraidhean Croise

1 Luup Nyeye 29:17

Wui ï na Jwøk mara, ï ŋääa ni cwïny jiy nëënö jïrï, ni mëëyï wø nyoothï nyoodhø jï jøøa cwïnyge thïïŋ. 'Ba aani ki køør leec cwïny mara, gïïögø bëët acïba ki met ec mara. 'Ba ennø, jiyï moi ni kany ii ajooda ni ge cïpö jïrï ki muuce ki met ec.

Jööp 31:6

doo beerra man ö Jwøki ni kïth gïïa tïïa bäät gïr røm mana näk kare, nee joode ki man näk mo bëëtö mara tiir.

Dut Pwøc 1:6

kiper Wuuö Jwøk bëët jøøa beyø ŋääe, 'ba bëët jøøa reyø cäätha baŋ ränynyö.

Pwöc Leec Wïc 11:5

Bëët bëënynyö mar ŋata mare tiir, øtjööre wø døøye mo thïïŋ, 'ba ŋata raac wø pädhö ki køør rääö mare.

Pwöc Leec Wïc 20:7

Ŋata mare beer ni wø bëëdö ni mare adïëri, obwöre moe ogwïëth ki køøre.

Pwöc Leec Wïc 21:8

Jïëth tïïe mo dïbääc luup oköömmö, 'ba jøøa waany, bëëtö marge thïïŋ.

Pwöc Leec Wïc 3:6

Bëëdï niï ŋäya eni ki yïth uutjïëth tïïe moï bëët, køøre eni uutjïëth tïïe moï odøøc mo thïïŋ.

Pwöc Leec Wïc 4:18

'Ba jöör bëët jøøa beyø caala man wø ö tiet øwi, ni wø rïënyi ni tar mare cäänhnha maal këël mano pïïe ya aŋuun tar mar dïcäŋ.

Aydheea 30:18

'Ba Wuuö Jwøk poot manynya uuni ki man cäŋ mëër mare nyoothø jïïu, ni poot koora uuni ki maal ki man nyooth bäth ec mare jïïu. Kiper Wuuö Jwøk beeye Jwø adïëri. Gwïëth en bäät jiy bëët mo wø bëëdö ni koora eni.

Aydheea 35:8

'Ba jöö mo dwøŋ otïmö ni dagø yie, ni cwøli ni «Jöö mo ena kur keere na mar Jwøk.» Ni jiy moa näk ba waany ge ba cäädhi ki yie, këël jøøa jägö na näk wïthge ba leer bäŋgø mo cøra yie. 'Ba bee jøøa marge beer keerge noo cäädhi ki yie.

Aydheea 42:16

Cööye bwødha bwødhø ki waŋjöö mo kucge, ge pieya pieyø ki nyeŋ jïëthe mo kucge. Muudhö tïïa tïïö na tar nyïmge, ni ö kwöra gwalli øtjöö ni tïïa ge ni pøøth. Gïïögøøni beege noo tïïa, ni ge ba wïïa jaak ni kära tïïö.

Aydheea 52:12

'Ba u ba aay nou rwäänhnhö døc, kaamar jiy mo kwala rege; kiper Wuuö Jwøk obwödhö nyïmmu, Wuuö Jwøk, Jwø Icriel, oen buutu ni koora uuni.

Aydheea 57:2

Jiy mo wø caath jöör adïëri, ge dønynya yi bëëtö mo beer; ge jïtö ki jwöm kany wø bëëtge ni geno pïël piny ni geno thøw.

Jeremaya 10:23

Wui Wuuö Jwøk, ŋääa ni bëët dhaanhø ba en cere keere, ni patha dhaanhø ki dëëre ni wø neet kwör wø caadhe.

Odheea 14:9

Ni näk da ŋat mo wïïe leer, beerra man kwany tiet jammi moi; ni näk da ŋat mo tiet luup ŋääe, beerra man ŋäc ge, kiper jïëthe mo Wuuö Jwøk thïïŋ, ni jø wø marge beer wø cäädhö ki yïthge, 'ba jø wø tïïc raay ge pädhö yïthge.

Jepaniya 3:5

'Ba Wuuö Jwøk na en yi Jerucalem, mare beeye adïëri, ni eni ba ŋudö ki luup mo patha karge. Ka amöölla cooth adïëri mare wø käle yi tar, ni eni ba døø ŋääe ki gø ki yïth nïne bëët. 'Ba jøøa reyø ge poot temma raay ni wïthge ba lääy.

1 Körin 4:5

Kiper manøgønø, käru ŋut piny ni kanya wäŋŋi poodi, ni Kwäärö poot kär öö, ŋato wëëk jammi nëënne, moø no okanø yi muudhö yøø, ni nyooth tiet luup moa en cwïny jiy. 'Ba kanyøgø jiy bëët ojïti ki pwøc mano wëëk Jwøki geni.

2 Körin 1:12

'Ba atöör marwa beeye en, kiper ŋäcwa ki cwïnywa ni waana bëëdö pinyi en ki bëëtö mana en kur keere na käl baŋ Jwøk, ni bäŋ atade yie, ni kadha bëëtö mana beetwa nyïmmu. Ni bëëtö marwa ba käl ri riek waŋ mar pinyi en, 'ba käla ri met yi Jwøk.

Epeca 2:10

Kiper øøna gïïa tïïe, ni cwääc ka ri Krictø Jecu kiper tïïe moa beyø, moa näk ojiiŋ Jwøki cøøn, nee ø bëëdø ni ø tïïya geni.

1 Jøøn 3:10

Ni beeye gïnögø noo joot jø wø näk nyïï Jwøk ki jø wø näk nyïï anägö. 'Ba ŋat wø ba tïïc gïn mo beer, ki ŋat wø ba mëër ki coki, patha mar Jwøk.

1 Jøøn 3:7

U ni therø, kär dee ŋat cøøk uuni. Ŋat wø tïïc gïn mo beer, eni beer keda mar Krictø na beer.