Aydheea 26:4 - Wëël Jwøk

⁴ Bëëdu nou ŋäätha Wuuö Jwøk na bäre bäre, kiper Wuuö Jwøk beeye kïn gwøk røk mo bëëdö na bäre bäre.

Aydheea 26:4 Iomraidhean Croise

2 Luup Nyeye 20:20

Køøre kanya tïme na amöölla døc jø Juuda apäny maal ni cige paap Tëköa. 'Ba kanya cige wøk, Jøcapat acuŋŋö nyïmge ni kööe, «Wui, u na jø Juuda ki jø wø bëëdö yi Jerucalem, cegu ïthu baŋa. Ŋääthu Wuuö Jwøk na adïëri, eni na Jwøk maru, nee tietu këëtge piny ni teek. Ni ŋääthu nyïïkuk moe, nou käädhu.»

2 Luup Nyeye 32:8

Jø leny moøke ni en buut nyeny Aciria yøøke beege jø leny mo ŋäätha teek mar dhaanhø; 'ba ŋat en buutø en beeye Wuuö Jwøk, Jwøk marø, noo køny øøni noo këël leny marø.» Køøre jiy cwïnyge aputge cøm ki luup Edhekaya nyeny Juuda.

Jööp 9:19

Ni näk mo gïn mo tïïc ka teek, teek mare dwøŋŋa eni. ?'Ba ni näk mo gïn mo tïïc ka løøk, aŋa noo cwøl eni kar løøk?

Dut Pwøc 125:1

Dut Pwøc 46:1

Dut Pwøc 93:1

Aydheea 12:2

Ka adïëri møn, Wuuö Jwøk beeye na pïëmi mara, naa bëëdö naa ŋäätha gø naa ba lwäyi. Kiper Wuuö Jwøk beeye teek mara, ni bee eni ni wø nyeŋŋe pwøa ki duut, ni tïme na pïëmi mara.»

Aydheea 17:10

Kiper u na jø Icriel, wïthu awïl ki Jwøk na näk pïëmi maru, ni käru wïthu parø ki eni na kïn gwøk røk maru. Kiper manøgønø, këël u doo pïïdhö ki jenni mo mïërö, ni tøøgu jenni mo käla mïëri mo path,

Aydheea 30:29

'Ba uuni, uuno wär ki dudi kaawat man wø wärru ki wäär kany wø wøørru ajwömma en kur keere. Cwïnynyu omïnni kaamar jiy mo cøøa baŋ lam ni ge kudhö ko opele, ni ge cøøa bäät Kïn Wuuö Jwøk baŋ Jwø Icriel na näk kïn gwøk røk.

Aydheea 32:2

ŋati man nø rege otïmö ni caala gëëŋi kiper jamø, ni caala kar gwøk røk kiper apwøyaweerø, ni caala pï jøøro mo ena dïtëën, ni caala tïm kïdi mo ena yi ŋöömö ma pwöla.

Aydheea 44:8

Käru bwøk ni ba lwäyu. ?Aŋø, kära caanø jïïu ni køba gø ki mana täge kany mo bäär cøøn? 'Ba uuni bee u na ŋäc tiet jammi 'moa ni wø caan gø! ?Aŋø, da jwøk mør këët ni näk mo paa aani? Ka adïëri møn, bäŋ Kïdi mør këët; bäŋ aciel mo ŋääa.»

Aydheea 45:17

'Ba Icriel onø piem Wuuö Jwøki, ki pïëm mo bäŋ cuŋŋe. Eni wïïe ba lääy ni waŋe ba tïmö ni law këët ki yïth cwiiri bëët na bäre bäre.

Aydheea 45:24

Gïra caange caanø ni köge, na ‹Adïëri ki tëënnö joot ka ri Wuuö Jwøk keere.› Jiy ööa baŋe, ni ö jiyi bëët moa no owëër ki eni ni wëëk geni lään wïc.

Aydheea 50:10

?Aŋa dïïu ni lwäär ki Wuuö Jwøk, na jïëc luum dhaanhnhe mana näk ee jierø, ni cäädhi ka yi muudhö ni bäŋ tar jïre? Beerra man ö eni ni ŋääth Wuuö Jwøk, ni bëëde no ogöök ri Jwøk mare.

Aydheea 51:5

Bëënynyö mara kare cään, ni køny mara cäädhö jöö, ni ö teek bada ni ŋøl luup wïth juurre; ni beege wïth juurre mo wø bëëdö yïth mïëri moa en bäät naama dwøŋ, ni wø neet jïra, ni ge koora teek bada ni cwïnyge da ŋäädhe.

Aydheea 63:1

?Aŋø, man aŋa ni ööi ki Ëdöm, ni ööi ki yi Bödhra ni eno ruyö ka abïï mo kwaar en? ?Man aŋa no oruyö ni mïërö ni cäädhi ni dwøŋ ki teek mare en? Ni løk gø, ni «Bee aani ni wø car luup ni thïïŋ, ni wø jïre da teek ki man piem jiy.»

Daniel 3:17

Ni näk mo wa leeŋa yi maaøgø no orubö ni wärri enø, Jwøk marwa ni tïnywa en, løny jïre ki man piem waani yie, ni wa pieme cerï, ï na nyeya.

Daniel 3:28

Kanyøgø Nabukedenecör aput köö, ni «Pwøc en jï Jwø Cidarak, eni ki Micak ka Abedenagø, Jwøa jääŋ nyïïatwiel maal mare na piem jiye, jøøa ŋääth eni. Geni, dwør nyeya akwierge, ni per dëëtge kär leth jïge, ni kweerge ki man tïnyge jwøk mør wala ki man wøørge gø, 'ba beeye Jwøge keere.

Mathiew 28:18

Ni ö Jecu baŋge ni kööe jïge, ni «Teek mar maal bäre ki mar piny bäre anø wëëk aani.

Mathiew 6:13

Kär wa bwøth kany mo wa di päänynyö yie, 'ba piem wa cer ŋata raac.›

Tiet Ciik 32:15

«'Ba jø Icriel na jier Wuuö Jwøki nee bëëtge ki bëëtö mo tiir, kanya nø cämge ni lørge, ni døøŋ dëëtge, ni tïm dëëtge ni beyø, gena tïmö kaamar dhieŋ mo bädö; ni wecge Jwøk na cwääc geni, ni taakge eni na Jwøa teek ni wø køny geni.

Tiet Ciik 32:4

Wuuö Jwøk na näk Jwøø teek, ni tïïe moe beege karge; ni uutjïëthe moe bëët tiir. Ena Jwøk mo mare di ŋäädhö, ni bäŋ gïn mo raac jïre; eni beer ni mare thïïŋ.

Tiet Ciik 33:27

Jwøk na nut cøøn beeye eni wø bëëdu ree ni wø gwøk uuni; ni bëëdö ni u ee jølø cooth ki ceŋŋe. Ni beeye eni na riem nyïïmännu wøk nyïmmu; ni caan gø jïïu kiper nee geni thööru.

Pilipay 4:13

'Ba jammi bëët løny jïra ki man tïïa ge ki køør ŋat wø tïïc aani naa teek.

1 Camiel 2:2

Bäŋ ŋat mo bëëtö mare ena kur keere mo caala ïïni, ï na Wuuö Jwøk, ka adïëri møn, bäŋ jwøk mør mo caala ïïni këët, ni bäŋ jwøk mo teek mo caala ïïni, ï na Jwøwa.