Aydheea 26:3 - Wëël Jwøk

³ Wui Wuuö Jwøk, ŋat wø bëëdö ni cwïnye ee maa dëërï, mooyï mooø ki jwöm ki yi cwïnye, kiper eni bëëdö ni ŋäätha ïïni.

Aydheea 26:3 Iomraidhean Croise

1 Luup Nyeye 5:20

'Ba kanya këëtge ki jø Agara, gena køny Jwøki ri leny kiper mana jwöŋge dëër Jwøk ni ŋääthge gø, ni ö Jwøki ni køny geni ki leny, ni cïp jø Agri ceŋge ki jøøa en løøge.

2 Luup Nyeye 13:18

'Ba kar kaace jø Icriel wïthge aput døø piny, ni ö jø Juuda ni öge maal bäätge, kiper jø Juuda ŋäätha Wuuö Jwøk, Jwø kwäcge.

2 Luup Nyeye 16:8

?Aŋø, ba thöötha jø leny mo jø Kuuc ki jø Libya, ki jïëth leny moge na thööth mo wø tut okwëënyi ki jø leny moge mo wø këëdi ki bäät okwëënyi? 'Ba kiper mana bëëdï niï ŋäätha Wuuö Jwøk, gena cïp Wuuö Jwøki cerï.

Dut Pwøc 125:1

Aydheea 12:2

Ka adïëri møn, Wuuö Jwøk beeye na pïëmi mara, naa bëëdö naa ŋäätha gø naa ba lwäyi. Kiper Wuuö Jwøk beeye teek mara, ni bee eni ni wø nyeŋŋe pwøa ki duut, ni tïme na pïëmi mara.»

Aydheea 26:12

Wui Wuuö Jwøk, bëët-mëër wø cïpa ïïni jïwa; ni tïïe mowa bëët thur karge ka køør køny marï man wø tïïyï jïwa.

Aydheea 27:5

'Ba mana beerra eni, beeye ki man ö eni ni bëëde ri göök mara. Beerra man ö eni ni tïïc bëët-mëër ki aani, ni wëëk bëët-mëër manøgø bëëtö yïthakicwa ki eni.»

Aydheea 31:1

Wui, otïmö ni leth jï jø oci Ijep kiper køny, ni beege jø wø kïth ŋäädhe marge bäät okwëënyi, ni wø ŋääth thööth mar jïëth leny mo wø tut okwëënyi, ni wø ŋääth teek mar jø leny mo wø këëdi ki bäät okwëënyi; 'ba geni, ge kär göök ri Jwø Icriel na en kur keere, ni kärge eni manynyø, eni na Wuuö Jwøk.

Aydheea 32:17

'Ba tïïc mar bëët adïëri tïmö na bëët-mëër, ni gïno duu bëët adïëri beeye bëëtö mëëth ki ŋääth røk mo bëëdö ni nut na bäre bäre.

Aydheea 32:18

Køøre nø, jiya obëëdö kany mo nuta bëët-mëër yie, ni beeye kany mo jiy bëëdö no ogwøø yie, mo jiy jïtö ki jwöm yie ni bäŋ okiera.

Aydheea 42:19

?Aŋa na cwør ni kaala dhaanhnha, wala na miiŋ ni caala eni na jääŋŋa? ?Aŋa na cwør ni caal eni na bëëdö ki bëët-mëër ki aani en, wala mo caala eni na dhaanhnha, a na Wuuö Jwøk?

Aydheea 42:6

ni «Aani, a na Wuuö Jwøk, ïïna cwøla ki køør adïëri mara; ï maa maaø ki cerï ni koora ïïni, ni tïïa ïïni ni ïïna ŋato wëëk luumma tuuda ki jiy thur kare, ni ïïna tar kiper wïth juurre,

Aydheea 48:2

Uuni, dëëtu wø cwøllu cwølø na jø päänya en kur keere, ni göögu raa, a na Jwø Icriel, na näk nyeŋŋe bee Wuuö Jwøk, eni na wïth jammi bëët.

Aydheea 49:8

Man beeye dwøl mana caan Wuuö Jwøki, ena köö, ni «Ki kanyo näk ma kare, løk pïëc marï løøa løø jïrï, ni kønya ïïni dïcäŋo näk cäŋ pïëm man piem jiy yie. Ïïno gwøa ni tïïa ïïni ni ïïna ŋato wëëk luumma tuuda ki jiy thur kare jïge, ni cäŋï ŋöömö manøgø dwøk kare, ni tïïyï kwöra no odööŋ keerge nee cäŋ beetø;

Aydheea 50:1

'Ba man beeye luumma caan Wuuö Jwøki, ena köö, na «?Age wëël apääk mana riemma miiu ki gø? ?Aŋa na coola u baŋe kiper mana mäya baŋe? Uuni, u gath kaper raay mou, ni miiu riemmi kaper japa reyø na tïïyu.

Aydheea 50:10

?Aŋa dïïu ni lwäär ki Wuuö Jwøk, na jïëc luum dhaanhnhe mana näk ee jierø, ni cäädhi ka yi muudhö ni bäŋ tar jïre? Beerra man ö eni ni ŋääth Wuuö Jwøk, ni bëëde no ogöök ri Jwøk mare.

Aydheea 66:12

Kiper luumma caan Wuuö Jwøki bee en, ena köö, «Ka adïëri møn, bëët-mëër pääŋa pääŋö yi Jerucalem kaamar naam, ni wëëga ajiem mar wïth juurre ööny yie kaamar pï waŋ naam mo kwönnö; uuno dhøøth kööre, ni käär uuni ki tierjwöthe, ni cïp uuni kööre.

Jeremaya 39:18

Kiper ka adïëri møn, ï piema piemø, niï ba 'näk. 'Ba jwïëy moï bøth, kiper ï bëëdö niï ŋäätha aani. Luummögø caana Wuuö Jwøki.»

Daniel 3:17

Ni näk mo wa leeŋa yi maaøgø no orubö ni wärri enø, Jwøk marwa ni tïnywa en, løny jïre ki man piem waani yie, ni wa pieme cerï, ï na nyeya.

Daniel 3:28

Kanyøgø Nabukedenecör aput köö, ni «Pwøc en jï Jwø Cidarak, eni ki Micak ka Abedenagø, Jwøa jääŋ nyïïatwiel maal mare na piem jiye, jøøa ŋääth eni. Geni, dwør nyeya akwierge, ni per dëëtge kär leth jïge, ni kweerge ki man tïnyge jwøk mør wala ki man wøørge gø, 'ba beeye Jwøge keere.

Daniel 6:23

Kanyøgø nyeya yie atïmö ni met døc, ni put cïpö ki dwøl nee Daniel käl wøk ki yi buur. Køøre Daniel aput käl wøk ki yi buur, ni bäŋ ŋwellø mo ojoodø dëëre na bäre, kiper mana bëëde ni ŋäätha Jwøk mare.

Mikiya 5:5

ni bee eni noo käl bëët-mëër. 'Ba kanyo ö jø Aciria noo öge yi ŋöömö marø, noo nyøønge paan dwøŋ ki tietge, øøni, ø puta jääk baŋge ki dïbwöthe moa teek mo leny.

Jøøn 14:27

Bëët-mëër wø wëëga uuni, ni bëët-mëër mara wø cïba cïbö jïïu. Ni man wø cïba jïïu en, ba caal mana doo cïp pinynyi jïïu. Kär cwïnynyu wëëgu ränynyö, ni ba lwäyu.

Jøøn 16:33

Man en a caana jïïu, nee bëët-mëër nee jootu baŋa. Uuni, gïï mo leth ojwørru yi pinyi en. 'Ba magu cwïnynyu, kiper piny yaa nø böötö.»

Wëëlö Mana Göör Pøølli Baŋ Jø Röm 5:1

'Ba kawaane na tïme ni øøno jïëö ni marø beer ki køør ŋäädhe, yïthakiyø ki Jwøk ajïtö ki bëët-mëër ki køør Kwääyø ma Jecu Krictø.

Pilipay 4:7

'Ba leec cwïny man wø cïp Jwøki, na näk ba løny ki par, cwïnynyu ogwøe ka acaayu ki ri Krictø Jecu.