Aydheea 26:12 - Wëël Jwøk

¹² Wui Wuuö Jwøk, bëët-mëër wø cïpa ïïni jïwa; ni tïïe mowa bëët thur karge ka køør køny marï man wø tïïyï jïwa.

Aydheea 26:12 Iomraidhean Croise

Aydheea 26:3

Wui Wuuö Jwøk, ŋat wø bëëdö ni cwïnye ee maa dëërï, mooyï mooø ki jwöm ki yi cwïnye, kiper eni bëëdö ni ŋäätha ïïni.

Aydheea 27:5

'Ba mana beerra eni, beeye ki man ö eni ni bëëde ri göök mara. Beerra man ö eni ni tïïc bëët-mëër ki aani, ni wëëk bëët-mëër manøgø bëëtö yïthakicwa ki eni.»

Aydheea 29:23

'Ba kanyo jootge obwöre moge moa tïïa ki cera ni nut yïthakicge, nyeŋŋa na en kur keere ojiemge, ni wøørge aani na Jwø Jeekap na en kur keere, ni cuŋge nyïma ni ge lwäär ki aani, a na Jwø Icriel.

Aydheea 32:18

Køøre nø, jiya obëëdö kany mo nuta bëët-mëër yie, ni beeye kany mo jiy bëëdö no ogwøø yie, mo jiy jïtö ki jwöm yie ni bäŋ okiera.

Aydheea 57:10

Uuna ööl kiper waŋjöö maru na bäär døc, 'ba u kär köö, ni ‹Bäŋ gïn ŋääthwa këët nø.› 'Ba uuna jïtö ki teek mo nyään, ni bäŋ öölö mo you joodø këët.

Aydheea 57:19

ni tïïa ge naa pwøcge ki dhøkge, a na Jwøk. 'Ba bëët-mëër en jï jø wø kwörge bäyö ki jï jø wø kwörge cärö! Aani ge kønya kønyø.» Luummögø caana Wuuö Jwøki.

Aydheea 9:6

Kiper nyilaal onywöli jïïø, nyilaal ma dïcwøø ocïp jïïø, ni tïm teeki ni ena cere, ni cwøli ni beeye ŋat wø rëëm ec ni wø bwøth jiy ka acaare mo beyø, ni beeye Jwøa teeka eni, ni beeye Wuuö mano bëëdö na bäre bäre, ni beeye Kwääc bëët-mëër.

Jeremaya 33:6

«'Ba yi nyïme, pääny man odwøga kare, ni døø kare ni beer, ni dwøga bëët jiy kare, ni nyoodha bëët mëër ki bëët adïëri jïge ni päl.

Edhikiel 20:14

'Ba gïnögø kära tïïö kiper nee nyeŋŋa ba ränynye nyïm wïth juurre moa käla geni wøk ki dïge ni nëënö jïge.

Edhikiel 20:22

'Ba cera ajooa ki man tïïa gïnögø kiper nee nyeŋŋa ba ränynye nyïm wïth juurre moa käla geni wøk ki dïge ni nëënö jïge.

Edhikiel 20:9

'Ba gïnögø kära tïïö kiper nee nyeŋŋa ba ränynye nyïm wïth juurre moa enge dïge, ni beege wïth juurre moa nyoodha raa jï jø Icriel nyïmge ki køør mana käla jø Icriel wøk ki yi ŋööm Ijep.

Edhikiel 36:25

Aani, dëëtu jøra jørø ki pïï mo tøŋ ni tïmu nou waany; aani, u penya penyø yïth japa reyø bëët na enu yïthge, ki yïth kït gïï wø lammu bëët.

Kwään Jiy 6:26

Wuuö Jwøk jïïu oraŋi ni täärnyïme leer, ni cïp bëët-mëër jïïu.›

Jøøn 14:27

Bëët-mëër wø wëëga uuni, ni bëët-mëër mara wø cïba cïbö jïïu. Ni man wø cïba jïïu en, ba caal mana doo cïp pinynyi jïïu. Kär cwïnynyu wëëgu ränynyö, ni ba lwäyu.

Epeca 2:10

Kiper øøna gïïa tïïe, ni cwääc ka ri Krictø Jecu kiper tïïe moa beyø, moa näk ojiiŋ Jwøki cøøn, nee ø bëëdø ni ø tïïya geni.

Tiet Ciik 30:6

'Ba Wuuö Jwøk na näk Jwøu cwïnynyu ki cwïny nyïïkwaayu wiile wiilø nou mëërru ki eni, e na Wuuö Jwøk na näk Jwøu, ki cwïnynyu bäre ki jwïëyu bäre, kiper nou bëëdu nou kwøw.

Ibaru 13:20

'Ba kawaane Jwøa näk Jwø bëët-mëër, ŋata duu Kwääyø ma Jecu wøk ki yi thøø, na näk dïkwääy dïëk mana dwøŋ, ki ri rem luumma tuut na näk bäŋ cuŋŋe,