Aydheea 25:9 - Wëël Jwøk

⁹ 'Ba dïcäŋeca, jiy oköö, «Raŋŋu, man beeye Jwøk marø mana koorø nee ø pieme. Man beeye Wuuö Jwøk mana koorø; beerra man kanynyø ni mïn yïthø ki pïëm mare mana piem øøni ki gø.»

Aydheea 25:9 Iomraidhean Croise

Wïlöölö 49:18

«'Ba aani, Awuuö Jwøk, a koora køny marï.

Dut Pwøc 21:1

Aydheea 33:2

Wui, Wuuö Jwøk, nyooth met ec marï jïwa, kiper wa bëëdö ni wa raŋŋa jïrï. Tïmï ni ïïna teek marwa cooth ka amöölla, ni bëëdï ni ïïna pïëmi marwa kanyo enwa yïth gïï mo leth.

Aydheea 33:22

Kiper Wuuö Jwøk bee dïŋut luup marwa, ni bee eni na cïp ciik jïwa, ni ena nyeya marwa, ni bee eni noo piem waani.

Aydheea 35:1

'Ba paaba näk tëën ki ŋöömma näk otal yïthge omïnni; paaba näk tëën oløth ni tïme ni lanhnhi kaamar wï jaath mo oŋøøk.

Aydheea 35:10

'Ba jøøa wïïl Wuuö Jwøki wøk, geno duui, ni öge yi Dhayan ni ge wär ki dudi ni yïthge met, ni ö met eci marge ni bëëde na bäre bäre, kaamar aduda mo okïth wïc; ni bëëtge ni ge kanynyø ni yïthge met, ni ö kïmmö ki cooyø ni aae bäätge.

Aydheea 35:2

Geno løth ni tïmge ni pulli, ni tïm yïthge ni met døc, ni kwöŋge ki met ec. 'Ba teeŋ ajiem mar lur Libaanø di cïbö jïge, ni ö teeŋ wödö mar thuur Karmël ki pwöl Carön ni mëëgi geni. Geni ajiem ki wödö mar Wuuö Jwøk, Jwøk marwa, oneenge.

Aydheea 35:4

Caannu jï jøø ni cwïnyge olwäyö yøø, ni kööu, ni «Magu cwïnynyu ni ba lwäyu. Ka adïëri møn, Jwøk maru ööa baŋ ajäla, eni öö kuna cool kwöri mou, ni piem uuni.»

Aydheea 37:20

'Ba ennø, wui, Wuuö Jwøk, Jwøk marwa, piem waani cer nyeny Aciria, nee ŋäc buc nyeye bëët mo bäät piny ni bee ï keerï na Wuuö Jwøk.»

Aydheea 40:9

Wui, ï na Dhayan na öö ki luubö mo nyään mo met, eth maal bäät kïdi mo bäär ni køpï gø! Wui, ï na Jerucalem na öö ki luubö mo nyään mo met, tïŋ dwørï maal døc ni køpï gø; tïŋ dwørï maal ni ba lwäyï; caanï jï päänye mo Juuda, «Ka adïëri møn, Jwøk maru en!»

Aydheea 41:16

Geno kwørï ni køøli ya jamø, ni puti ya apwøyaweerø keethø. 'Ba ïïni, iï omïnni ki aani, a na Wuuö Jwøk, ni jiemï aani, a na Jwø Icriel na en kur keere.

Aydheea 49:23

Nyeye otïmö na wëëe moo piith uuni, ni tïm gwaae moge na mëëe moo dhwøth uuni. Geni, cøŋge këëlge piny nyïmmu ni kuulge wïthge piny, ni täärnyïmge okëët piny yïth ŋøøm, ni naaŋge tør mana en tietu; ni putu gø ŋäc ni bee aani na Wuuö Jwøk; ni jiy mo wø bëëdö ni ŋäätha aani, wïthge ba lääy.

Aydheea 51:3

Ka adïëri møn, Wuuö Jwøk cwïny jø Dhayan di cømø; eni ränynyö mar Dhayan di neenø ni cøm cwïny jiy moa en yie. Eni kwöra näk otal di tïïö ni caala ajïniina mar Ëden, ni tïïc kwöra näk dïtëën ni caala ajïniina mar Wuuö Jwøk, ni ö Dhayan ni jït yie ki met ec ki kanynyø, ki dwøk pwøc ki wär dudi.

Aydheea 52:10

Wuuö Jwøk teek bade na en kur keere di nyoodhø, ni nëënö jï wïth juurre bëët, ni ö jø wø en teegi bëët bäät piny ni raŋge pïëm mare man piem jiy ki gø, eni na Jwøk marø.

Aydheea 60:16

Ïïni, jap kwärö marï ojootï baŋ wïth juurre ki nyeye, kaawat man wø dhøøth nyilaalli ki caak kö menni. Køøre, putï ka ŋäc ni bee a na Wuuö Jwøk, a na pïëmi marï, ni bee a na wïïl ïïni wøk, a na Jwøa teek mar Jeekap.

Aydheea 61:10

Aani yia amïnnö døc ki ri Wuuö Jwøk, jwïëya ajïtö ki met ec ri Jwøk mara; kiper pïëm man wø piem jiy ki gø, ki bëënynyö arøø dëëra kaamar abïï, ni tïma kaamar cø dhaagø thiinh mo wïïe ee kïthö ki jap mïërö, naa caala dhaagø thiinh mo dëëre ee jiiŋŋø ni mïërö ki nyeŋ tii mo perge leth.

Aydheea 64:4

Ki mana käl ya acääŋŋe cøøn, bäŋ jwøk mo owïnynyö wala mo ïth ocieø kipere wala mo oneenø, 'ba bee ï keerï, ï ni wø tïny jø wø koor ïïni.

Aydheea 65:18

'Ba ennø, yïthu mïnge ni kanynyu na bäre bäre ki gïno cwääa, kiper Jerucalem cwääa cwääö na pääny met ec, ni tïm jiye na mo met ec.

Aydheea 8:17

'Ba aani, Wuuö Jwøk na kan täärnyïme ki dhi øt Jeekap koora koorø; ni bëëda naa ŋäätha gø.

Mikiya 7:7

'Ba aani, aano bëëdö naa raŋŋa mar Wuuö Jwøk ni cwïnya da ŋäädhe, naa koora mar Jwøk, eni noo piem aani. Eni na Jwøk mara, dwøra wïnynye wïnynyö.

Abakuk 3:18

a poot bëëdö ni yia met ki ri Wuuö Jwøk, ni bëëda naa kanynyø ki ri Jwøk, eni ni wø piem aani.

Dhekaraya 10:7

Jø tuuŋ Ipariem geno bëëdö kaamar jø leny mo teek, ni bëëtge ni cwïnyge omïnnö kaamar jiy mo omädhö ki køøŋø. Obwöre moge køny manøgø ojootge ni kanyge; ni ö cwïnyge ni mïnne ki aani, a na Wuuö Jwøk.

Dhekaraya 9:9

«Wui, Dhayan, iï mïnne døc! Ni kwöŋŋï ki met ec, ni bee ï na Jerucalem! Raŋï, nyeya marï ööa baŋï, ŋat mo mare beeye adïëri, mo käära pïëm man piem jiy ki gø; eni mwöl, ni ena bäät arëën, ni beeye bäät nya arëën mana thiinh.

Luk 2:25

'Ba kanyøca da ŋat mo ena yi Jerucalem mo nyeŋŋe cwøl ni Cimien. 'Ba ena dhaanhø mo beer ni cwïnye ena køør Jwøk, ni bëëde ni køya ŋato cøm cwïny jø Icriel. Ni Jwïëc Jwøk na en kur keere ena bääte.

Pilipay 3:1

'Ba mana dööŋ keere nø, nyïïmera, yïthu mïnge ki ri Wuuö. Aani, a ba ööl ki man gööra gïïa kwøŋa göör jïïu, ni beeye gïn mo beer kiperu.

Pilipay 3:3

Kiper øøni, øøna jøøa daŋ na adïëri, ni wø wøør Jwøk ki ri Jwïëy, ni ø töödö ka ri Krictø Jecu, ni ø ba ŋääth mo dëël na bäre bäre.

Tayta 2:13

kany poodø ni ø koora kanyo gwïëth øøni na ŋäädhø, noo nëën ajiem Jwøø na dwøŋ, ni beeye Pïëmi ma Jecu Krictø,

1 Piter 1:6

Ni beeye gïnögø ni wø mïn yïthu kipere, këël teeŋ gïïö ni leth yøø dou jwørø ki kany mo thiinh,

1 Piter 1:8

'Ba u mëër ki eni, këël na käru gø neenø, ni jïëyu ni ŋääthu eni, këël na ba neennu gø, ni mïn yïthu ki met ec mo päl døc mo ba løny ki par.

2 Piter 3:12

kany poodu nou koora cäŋo ö Jwøki yie, nou tïïya gø nee lääde, ni beeye kanyo ö maalli noo nyebi ni ränynye, no ö jammi noo leenyi ya maaci.

Mana Nyooth 1:7

Neennu! Eni öö ki yïth pøøl, ni ö nyeŋŋi bëët ni neenge eni, ki jiy bëët moa mooc dëëre ki ŋwiili. Ni ö jø pinynyi bëët ni kïmge ki gïre. Ni beeye kare, na enønø.

Mana Nyooth 22:20

'Ba ŋata køp gïï aköö, na «A laara öö møn.» Enøgønø. Wui Kwäärö Jecu, wärï ööï.