Aydheea 25:4 - Wëël Jwøk

⁴ Kiper ïïna ŋat wø gwøk jiy moa näk bäŋ jø køny ge, ki jøøa can ni wø bëëdö ki bëëtö mo leth, ni bee ï ŋat wø gwøk dhaanhø ki gïï mo caala atuunna, ni ïïna tïpö kiper lïëth piny; kiper jam dhøk mar jøøa no ogäy caala atuunna man wø kwöt dëër kiir,

Aydheea 25:4 Iomraidhean Croise

Dut Pwøc 91:1

Aydheea 11:4

'Ba eni luup jøøa can oŋøle ki køør adïëri; luup jøøa no othiel piny moa en bäät piny oŋøle na kare. Eni piny ojääle ki luup moo ööi ki dhee, ni 'näk jøøa reyø ki jam dhee.

Aydheea 14:32

?Aŋø, agïnaŋø noo løk jï jiy moa öö ni ge jääŋŋa wï jurri mør? Gïno løk beeye ni Wuuö Jwøk Dhayan anø tïïe ni teek, 'ba jiye moa no ocaarø, rege ogwøkge yie.»

Aydheea 16:3

Ni köge jï jø Juuda, ni «Mooyu wa ka acaara mo beer, ni ŋøllu luumwa na kare. Kaa man bëëde ni piny a dhöör cäŋ en, jääŋŋu tïpö maru bäätwa nee tïme kaamar wäär. Kannu waani, wa no oriemmø en, ni ba waayu waani, wa na jiy mo obwøk en.

Aydheea 17:10

Kiper u na jø Icriel, wïthu awïl ki Jwøk na näk pïëmi maru, ni käru wïthu parø ki eni na kïn gwøk røk maru. Kiper manøgønø, këël u doo pïïdhö ki jenni mo mïërö, ni tøøgu jenni mo käla mïëri mo path,

Aydheea 27:5

'Ba mana beerra eni, beeye ki man ö eni ni bëëde ri göök mara. Beerra man ö eni ni tïïc bëët-mëër ki aani, ni wëëk bëët-mëër manøgø bëëtö yïthakicwa ki eni.»

Aydheea 28:6

Eno tïmö ni ena jwïëy man wø cïp ŋøl luup ma adïëri jï jø wø en ŋøl luupi ceŋge, ni tïme ni ena teek jï jø wø dwøk jø leny wøk ki dhi kiir.

Aydheea 29:19

Jøøa no othiel piny, met ec marge okadhi ki Wuuö Jwøk, ni ö jøøa canni ni mïn yïthge ki Jwø Icriel, eni na en kur keere.

Aydheea 29:20

Kiper jøøa no ogäy tïmö ni bäŋgø, ni ö jø abuua ni thumge, ni ö jø wø cwïnyge piew ki tïïc gïï mo reyø ni thøwge,

Aydheea 29:5

Nyïïmän moï na thööth ge twäät kaamar tør, ni ö jøøa no ogäy ni tïmge kaamar lethø mo okøøl jamø. 'Ba gïnögø otägi dëëtge ni cwöba røkge.

Aydheea 32:2

ŋati man nø rege otïmö ni caala gëëŋi kiper jamø, ni caala kar gwøk røk kiper apwøyaweerø, ni caala pï jøøro mo ena dïtëën, ni caala tïm kïdi mo ena yi ŋöömö ma pwöla.

Aydheea 33:16

Teeŋ ŋatøgø, kar bëëtö mare otïmö ni ena maal bäät kïdi, ni tïm kïdi na kar gwøk røk mare, ni tïm cam mare ni di cïbö jïre, ni pïï moe moo maadhe ba cöök.

Aydheea 33:2

Wui, Wuuö Jwøk, nyooth met ec marï jïwa, kiper wa bëëdö ni wa raŋŋa jïrï. Tïmï ni ïïna teek marwa cooth ka amöölla, ni bëëdï ni ïïna pïëmi marwa kanyo enwa yïth gïï mo leth.

Aydheea 37:36

Køøre nyïïatwiel maal mar Wuuö Jwøk aci twïër mar jø Aciria, ni 'näk jiy ma kume ma dïpa aciel ki pïërabära kurbïïc. 'Ba na päc jiyi ka amöölla cøøn, ka adïëri møn, jiy bëët aputge joot no othøw.

Aydheea 49:25

Ka adïëri møn, man beeye dwør Wuuö Jwøk, ena köö, ni «Këël jiy mo omaaø ki tøŋ di lwørø cer oteeø, ni ö jap twëër ni lwøri cer ŋat mo wïnni. 'Ba aani, a ŋäbö ki ŋat wø ŋäbö ki uuni, ni piema obwöre mou.

Aydheea 57:13

Kït gïï wø lammu na näk you cooŋø, beerra man piemge uuni kany wø jwöŋu kiper køny. 'Ba ge poot käl jame kälö ge bëët; këël jam dhøk, ge køøle køølø bëët. 'Ba ŋato bëëdö ni ŋäätha göök mara, ŋöömö oci jïre, ni ö kïnna na en kur keere ni dööŋe jïre na mare.»

Aydheea 66:2

Kiper beeye cera na tïïc japøgø bëët, ni ö japøgø bëët ni putge tïmö ni nut. Luummögø caana a, a na Wuuö Jwøk. «'Ba aani, ŋato jïre raŋa beeye dhaanhø mo dëëre ee dwøk piny, mo cwïnye opädhö kiper raay moe, ni dëëre kwanynyi ki lwär ki dwøra.

Aydheea 8:14

'Ba aano tïmö na kar bëëtö mana en kur keere kiperu; 'ba kiper dhi øt Icriel bäre beeye a kïnno cwany tiel noo wëëk ge pädhö, noo tïmö thuwø na akupa ka abïëp kiper jø Jerucalem.

Jeremaya 16:19

Wui Wuuö Jwøk, ï na teek mara, ï na kar gwøk røk jïra, na kar kan røk kany wø pïïc gïï mo lethi bääta, wïth juurre öa baŋï ki kwör mo bäyö, ni köge, ni «Kwäcwa bäŋ Jwøk jïge, 'ba beege juu mo oballe jaak mo bäŋ gïn duuge.»

Edhikiel 38:9

'Ba ïïni ki jø leny moï bëët, ki wïth juurre mo thööth, uuno ö wøk kaamar atuunna, ni tïmu kaamar pöölö, ni putu ŋöömö uum.›

Jepaniya 3:12

'Ba aano kïth yi Jerucalem ki jiy mo mwöl mo dëëtge ege dwøk piny, ni putge bëëtö ni geno göök ri nyeŋŋa, a na Wuuö Jwøk.

Jeemeth 2:5

'Ba wïnynyu nø, nyïïmera, u na mëëra ki uuni. ?Aŋø, Jwøk ba jier jø pinyi moa can na bëëde, nee kwärge ri ŋäädhe, ni ge tïmge na lwiidhi mo bura mana näk ee buuö jï jø wø mëër ki eni?