Aydheea 25:2 - Wëël Jwøk

² Päänye araanynyï ni tïïyï ge na wïthur, ni wëëgï päänye moa no ogeerø ni teek ränynyö; ni ö mïëc juurre moa no ogeerø ni beyø ni tïmge ni bäŋgø, ni ge ba cäŋ geerrø këët na bäre bäre.

Aydheea 25:2 Iomraidhean Croise

Jööp 12:14

Ka adïëri møn, eni gïn mo ee toor piny, ba løny ki man cäŋi geerrø; ni dhaanhø mo ee twöö, bäŋ ŋat mo päta gø.

Aydheea 13:20

Otïmö ni bäŋ jiy yie, ni ba beet, ki mano täge ri beenhnhø maneca këël mano këët røk beenhnhe moo ööi. Ni bäŋ jø Araba mo cwödha oduŋkaare moge yie, ni bäŋ dïkwääye mo tïïc lääc paac moge nee butge piny yie.

Aydheea 13:21

'Ba lääc paap obëëdö yie, ni ö uudi moe ni tïmge na kwör bëëte mo tule. Ude thuwø obëëdö ni ena kaace, ni ö adëële ni kwääkge yie kaace.

Aydheea 13:22

Odïï obëëdö ni jwöŋö kwör koor moe moa no ogeerø ni teek, ni ö orude ni jwöŋge yïth uudi moe moa døøŋŋø na mïërö. 'Ba caa mare kare cään, ni bäŋ nïne jïre këët.»

Aydheea 14:23

«Aani thuwø, paanøgø tïïa tïïö na kar bëëtö mar thëëwe, ni pïï omägö yie, ni puta gø jwiec ki jwïëc mar aranya.» Manøgø beeye dwør Wuuö Jwøk, eni na wïth jammi bëët.

Aydheea 17:1

'Ba luumma nyooth Wuuö Jwøki kiper Damacka bee en: «Neennu, Damacka kare aløny ni cään ki man tïme ni paa pääny, eno pädhi ni neeruuth.

Aydheea 17:3

Päänye moa no ogeerø ni teek tïmö ni bäŋgø yi ŋööm Ipariem, ni bäŋ teek nyec Damacka; ni ö jiyi moo dööŋ ni kwøw dëët jø Aram ni räny ajiemmi marge kaamar ajiem mar jø Icriel.» Manøgø beeye dwør Wuuö Jwøk, eni na wïth jammi bëët.

Aydheea 21:9

'Ba ennø, raŋï, jiy mo cäädhi na ariiø ariiø ki bäät okwëënyi mo lääy gena öö; 'ba da dwøl ma akøp, ni ‹Babiløn apädhö! Wui, ena pädhö møn, ni ö kït gïï wø lam na juu moe ni tøyi ni petge yïth ŋøøm!› »

Aydheea 23:11

Wuuö Jwøk cere atïŋ maal bäät naama dwøŋ, ni tïïc buc nyeye mo wø bëëdö bäät gø ni jäŋŋi, ni cïpe ki dwøl ki man raany kwör gwøk røk mo Keenan.

Aydheea 23:13

Wui jø Tayar, raŋŋu ŋööm jø Babiløn, jøøa dööŋ ni bäŋ kwäänge. Jø Aciria jöör leny man døny yi kiir ki gø ageerge, ni nyaage uut paan dwøŋ piny, ni raanyge gø na bäre, ni tïïcge gø nee dööŋe jï lääc paap.

Aydheea 24:10

Päänya no oränynyö otoor piny, ni ö jøøa dööŋ yie ni dëëtge uudi bäätge kiper jiy mo dønynya baŋge.

Aydheea 25:12

Kiiri moge moa no ogeerø ni bäyö onyaa Wuuö Jwøki piny, ni wëëk ge niruuth yïth ŋøøm, këël mano gääpge ki tør.

Aydheea 26:5

Kiper eni jø wø bëëdö ni rege ege tïŋ maal dwøge piny, ni raany pääny marge na näk ogeerø ni teek. Pääny marge raanynye raanynyø møn, ni put tïmö na tør,

Aydheea 27:10

Kiper pääny mana no ogeerø ni teek adööŋ keere ni ba beet, ni wïl wïci ki gø, ni tïme kaamar dï paap, ni ö nyïïrøøe ni bëëtge ni ge cämö ki luum yie kaace, ni butge piny yie, ni camge bäät jenni moa en yie.

Aydheea 32:14

Kiper paan dwøŋ dööŋ keere, ni ö paana näk jiy thööth yie ni tïme ni bäŋ jiy yie. Thuuri ki uut koor tïmö na kwör bëëte jï lääc paap na bäre bäre, ni tïme na kar kwääk jï arëëni mo paap, ni bëëde na kar kwaath mar dïëk;

Aydheea 32:19

'Ba pey opänhnhi, ni ö lulli ni gøøi piny, ni put pääny dwøk piny na bäre.

Aydheea 34:13

'Ba koodhi otuy yïth uut koor moge moa no ogeerø ni ena maal, ni ö otwelli ko odhäŋŋe ni tucge yïth päänye moge moa no ogeerø ni teek; ni put tïmö na kar bëëtö jï othööe, na kany noor tule yie.

Aydheea 37:26

« ‹?Aŋø, kärï wïnynyö cøøn? Gïnögø yaa nø caar ki kany mo bäär, a na Wuuö Jwøk, ni caara ka ya acääŋŋe cøøn. 'Ba ennø, a wëëga gø thur kare, nee päänye moa no ogeerø ni teek nee wëëgï niruuth.

Jeremaya 51:26

Kanyo ränynyï, bäŋ kïdi mo dööŋ mo jiy cäŋa gëëdö ki gø, kiper ï ränynyö na bäre bäre. Luummögø caana Wuuö Jwøki.

Jeremaya 9:11

Ni kö Wuuö Jwøki, ni «Jerucalem otïïa nee neeruuth, ni tïme na kar bëëtö mar othööe; ni tïïa päänye mo Juuda nee ränyge, nee bäŋe jiy mo bëëdö yïthge.»

Tiet Ciik 13:16

Køøre gïïo twierru yie bëët wär cooŋu kanya ciel kar acooŋa mar päänyögø, ni waaŋŋu pääny ki gïïa twierru bëët, ni tïmge ni ge caala olämi man wø waaŋ bäre jï Wuuö Jwøk na näk Jwøu; ni tïm wï päänyöca no oränynyö na bäre bäre, ni ba cäŋ geerø këët.

Mana Nyooth 18:19

Ni jøøpge tør wïthge kanya jwöŋge, ni ge guyö døc, ni «Wui wui, paana dwøŋ aränynyö, paana ö jøøa jïge da jïëthe bëët yïth näpa døøŋŋø na kwärge ki køør kwär mare. Ena ränynyö ki yi caa aciel.»