Aydheea 25:1 - Wëël Jwøk

¹ Wui Wuuö Jwøk, ïïna Jwøk mara, nyeŋŋï tïŋa maal, ni pwøa nyeŋŋï; kiper ïïna tïïö ki gïï mo rëëma ec, ni beege japa caarï ya acääŋŋe na wëëgï tïïc na karge.

Aydheea 25:1 Iomraidhean Croise

Dut Pwøc 145:1

Dut Pwøc 89:1

Bwøth Wøk 15:2

Wuuö Jwøk beeye teek mara ni bee eni na cäŋŋa ki duut; ena tïmö na dïkunyi mara. ena Jwøk mara, ni eni daa pwøø; ena Jwø kwara, ni eni daa jiemø.

Aydheea 11:5

Bëënynyö mare otïmö kaamar kaw mo ee twöö ŋääe, ni ö adïëri mare thuwø ni tïme kaamar kaw piere.

Aydheea 12:1

'Ba dïcäŋeca ŋati man nø dïïu oköö, «Wui ï na Wuuö Jwøk, nyeŋŋï pwøa pwøø; kiper wëër marï apaanyï bääta, ni cømï cwïnya, këël na bëëdï ni ïïno wëër ki aani.

Aydheea 26:13

Wui Wuuö Jwøk, Jwøk marwa, waana bëëdö ni wa käära kwääri møøk mo patha ïïni, 'ba beeye ïïni keerï ni wø nyeŋŋï wøørwa.

Aydheea 26:8

Wui Wuuö Jwøk, ka adïëri møn, wa raŋŋa jïrï, ni wa bëëdö ni wa caatha køør ŋøl luup marï, ni wa manynya man jiemwa nyeŋŋï ki cwïnywa bäre.

Aydheea 28:29

'Ba gïïögø bëët käla baŋ Wuuö Jwøk, eni na wïth jammi bëët, ŋata näk acaara mare rëëma ec, ni leec wïc mare dwøŋ.

Aydheea 40:27

Wui, u na nyïïkwaac Jeekap, ni bee u na jø Icriel, ?aŋø ni ŋuru ni kööu, ni «Waŋjöö marwa arwäänyö ki baŋ Wuuö Jwøk, ni ö luup gïïa leth na en bäätwa ni pöödhe ki bäät Jwøk marwa ni käre ŋølø»?

Aydheea 46:10

Gïno tägi ya aŋuudi wø kwøŋa ka caan, ni caana gïïa näk poot kär tïïö, ki kany mo bäär cøøn, ni kööa, ni ‹Luubö mara cuŋŋö kare na adïëri, ni wëëga gïïa met yia ki ge thur karge.›

Aydheea 46:11

'Ba aani, da ŋat mo cwøla cwølø ki jï løø kur tuul-cäŋ, mo käla paac mør mo bäär, ni ööe kaamar wenyø man wø cämö ni cwëëdhö, nee gïno manynya nee tïïe. Ka adïëri møn, luubö manøgø anø caana, ni ka adïëri møn, puta ka wëëk thur kare. Luubö manøgø ya nø cooŋ; ka adïëri møn, tïïa tïïö.

Aydheea 49:4

'Ba aana köö, ni «Aana ööl ki jaak, ni ö kwää dëëra ni øc piny ki gïn mo bäŋ tiere. 'Ba ka adïëri møn, luubö mara ena cer Wuuö Jwøk, ni gïno cool jïra ena baŋe, eni na Jwøk mara.»

Aydheea 49:5

'Ba ennø, man beeye dwøl mana caan Wuuö Jwøki, eni na cwääc aani ec, naa tïma ni aana dhaanhnhe, nee nyïïkwaac Jeekap duua baŋe, nee ge na jø Icriel dëëtge cooŋge ree; kiper mana näk mo aano wøørø ki nyïm Wuuö Jwøk, ni eni na Jwøk mara bee teek mara.

Aydheea 61:10

Aani yia amïnnö døc ki ri Wuuö Jwøk, jwïëya ajïtö ki met ec ri Jwøk mara; kiper pïëm man wø piem jiy ki gø, ki bëënynyö arøø dëëra kaamar abïï, ni tïma kaamar cø dhaagø thiinh mo wïïe ee kïthö ki jap mïërö, naa caala dhaagø thiinh mo dëëre ee jiiŋŋø ni mïërö ki nyeŋ tii mo perge leth.

Aydheea 7:13

Køøre Aydheea aköö, «Wui, u na dhi Øt Deebit, cegu ïthu ennø. ?Aŋø, ki man cwaatu yïth jiy atïmö ni thiinh kiperu, ni tïmu nou daa baŋ Jwøk mara nou cwaata yie en?

Jool 2:26

Køøre, uuni, u cämö ki cam mo päl, ni jäŋŋu, ni pwøyu nyeŋŋa, a na Wuuö Jwøk, Jwøk maru, a noo tïïc gïn mo rëëma ec jïïu. Køøre u na jiya, wïthu ba lääy këët na bäre bäre.

Kwään Jiy 23:19

Jwøk ba caal dhaanhø ni wø cäänö ki tööt; ni eni ba caal o dhaanhø ni wø laar acaaye wiil. ?Gïna näk ee caanø, a ba dee gø tïïö nidïï? ?Ni gïn mo ee buuö, a ba dee gø tïïö nee thur kare nidïï?

Epeca 1:11

Ni beeye ki køøre na ö waani na kwøŋ Krictø ŋääth na miek na jier nee wa bëëtwa ni wa pwøya ajieme, keda mana many ŋat wø tïïc jammi bëët keda man wø näk ee cooŋø ki cwïnye.

Mana Nyooth 15:3

Ni ge wära duut Modhe, na näk laŋ Jwøk, ki duut Nyidiel, ni ge köö, ni «Ï na Kwäärö Wuuö Jwøk na en teeki jïrï, Nyeny piny bäre, tïïe moï døøŋŋø, ni beege gïï mo rëëma ec. Ni luup moï beyø ni näkge adïëri.

Mana Nyooth 19:11

Kanyøgø maal aneena ni ŋaam, ni neena okweeny mo tar. 'Ba ŋata en bääte cwøl ni Ŋat mo oŋäädhö ni näk Adïëri. Ni näk mare ŋøl luubö wala tïïya leny, moe beege adïëri.

Mana Nyooth 7:12

ni köge, ni «Enøgønø. Pwøc ka ajiem ki leec wïc, ki dwøk met ec, ki wödö, ki teek, ki dööŋ-kar, en jï Jwøø këël na bäre bäre. Enøgønø.»