Aydheea 24:6 - Wëël Jwøk

⁶ Kiper manøgønø, piny aränynyö ki køør acïën Jwøk, ni ö jø wø bëëdö bäät piny ni rømge ka ajäla manøgø. Geno thöör ajäle mo leth, ni tïme ni dööŋŋa jiy mo nøk.

Aydheea 24:6 Iomraidhean Croise

2 Nyeye 24:12

Ni ö Jöakin nyeny Juuda ni cïp cere jï nyeny Babiløn, eni ki menni, ki jø kööre moe, ki kwääc jø leny moe, ki jiy moe moa kwörge døøŋŋø, ni puti ya nyeny Babiløn mak ki tøŋ ri bäc cwiiri moa beet nyeny Babiløn ni ena nyeya.

2 Nyeye 25:12

'Ba kwääy jø koor, jiy møøk moa can døc na en yi ŋöömmögø awiie na jø piith omøki na jø puur pwöth.

Aydheea 1:31

Jiy moa teek dëëtu otïmö kaamar akaraac mo otal, ni ö tïïe moge ni tïmge kaamar maac mo pätha yie, ni putge waaŋ bëët ni bäŋ ŋat mo lønye jïre ki man bïp gø.

Aydheea 1:9

'Ba onää Wuuö Jwøk, eni na wïth jammi bëët, bäŋ jiy mo ee wiiø ni kwøw dëëtø, doo na øøno tïmö kaamar Cødam ki Gømöra en.

Aydheea 34:5

'Ba Wuuö Jwøk, kanyo thöör tïïc mare maalø, ka adïëri møn, opëëllö mare owëëk ööny piny bäät ŋööm Ëdöm ni jääl gø, ni beege jøøa näk ee nø jiiŋŋø ki man raany ge bëët.

Aydheea 43:28

Kiper manøgønø, dïlämme moa kwörge døøŋŋø mo wø tïïö kanya en kur keere, otïïa nee bëëtge ni ba waany. Nyïïkwaac Jeekap ocïba nee ge 'näk, ni tïïa geni na jø Icriel nee ge jøøŋŋi.»

Aydheea 5:24

Kiper manøgønø, kaawat man wø ö leep maaci wø gam lethø, ni ö luummi mo otal ni thööri ya maaci, geni thuwø ge tïmö kaamar jenni mo lweetge otøp, mo bøøkge køøl jame køølø kaamar tør; kiper ciik Wuuö Jwøk, eni na wïth jammi bëët, akwierge, ni taakge luum gø, eni na Jwø Icriel na en kur keere.

Aydheea 9:19

Piny waaŋ ki køør wëër mar Wuuö Jwøk, eni na wïth jammi bëët, ni tïm jiyi na jer maac mo liel maaci ki ge, ni put tïmö ni bäŋ ŋat mo cwïnye pädhi ki gïr watge.

Jeremaya 12:4

?A këël kany mo nyïëdi nø noo bëët ŋøømmi no otal, noo bëët luummi bäre no onär? Këël lääy ki weny bëët athum ki thøø, ki køør rääö mar jø wø bëëdö yie, kiper ge wø köö, ni «Wuuö Jwøk aŋuun bëëtö marø ba nëëni jïre.»

Jeremaya 5:14

Kiper manøgønø, mana ŋøl Wuuö Jwøki, eni na wïth jammi bëët, beeye en, ena köö, ni «Kiper mana caange luummögø, ennø, ï na Jeremaya en, luupa moo caanï otïïa ni liel kaamar maac dhiï, ni tïïa jøøi ii kaamar jenni, ni ö maaci ni thöör geni.»

Edhikiel 5:3

'Ba ïïni, wärï lwötï ki mo nøk røk moøgø ni twöï ge cer abïïnï.

Ciik Kiper Dïlämme 26:22

Aani cwëënyi mo paap mo owär jääŋŋa jääŋŋö dïïu, ni thöörge obwöre mou, ni dïïrge wïth lääc paac mou.

Milkiya 2:2

Ni näk mo ïthu ba cegu, ni ba kanu gø cwïnynyu ki man wøørru nyeŋŋa, u jääla jäälö døc, ni tïïa gwïëth man wø gwïëthu jiy ki gø na acïëni. Ka adïëri møn, gwïëth maru yaa nø cien ennø, kiper ciik mara käru kan cwïnynyu.

Milkiya 3:9

Pou bäre ki jiy bëët moa en yie ocienø kiper mana møtu aani.

Milkiya 4:1

'Ba Wuuö Jwøk, eni na wïth jammi bëët, aköö, «Neennu, da dïcäŋ mo öö, ni da maac mo liel døc kaamar maa dwaar; ni ö jø atöörri ki jø raay bëët ni tïmge kaamar lethø, ni put ge waaŋ dïcäŋöce kaamar jaath mo owaaŋ ki dëëre bäre këël lweete, ni bäŋgø mo dööŋ dëëtge na bäre bäre.

Milkiya 4:6

Ni ö eni ni løø cwïny wëëe baŋ obwöre, ni løø cwïny obwöre baŋ wëëkge, kiper naa ba ööa ni raanynya pou.»

Mathiew 27:25

Ni dwøgi ya jiyi bëët jïre, ni «Remme ena bäätwa ki nyïïwa.»

Mathiew 7:14

'Ba dhi kiir man wø bwöth kar kwøw diiny, ni jööre teek, ni jø wø joot gø nøk.

Wëëlö Mana Göör Pøølli Baŋ Jø Röm 9:27

'Ba Aydheea acäänö ki dwøl mo dwøŋ kiper gïr jø Icriel, ni «Këël wäät Icriel doo thööth ni caala akwöny naama dwøŋ, mo nøk keerge beege noo piem.

Tiet Ciik 28:62

Këël na bëët kwäännu ni thööth kaamar ceer mo maal, kwäännu tïmö ni nøk, kiper dwør Wuuö Jwøk käru leŋø.

Tiet Ciik 4:27

Køøre Wuuö Jwøk uuno keethe dï wïth juurre, ni dööŋŋu nou nøk yïthakic wïth juurre moo ö Wuuö Jwøki noo riem uuni dïge.

2 Piter 3:10

'Ba Cäŋ Kwäärö oööi ni caala kuu, 'ba kanyøca maal oränynyi ni lwöre ki lwör mo päl døc, ni ö jap maalli ni raanynyi ya maaci, ni ö pinynyi ki japa en yie bëët ni waaŋ ge.