Aydheea 24:23 - Wëël Jwøk

²³ Køøre dwääy wïïe olääi, ni ö cäŋŋi ni tïm waŋe ni law, kiper Wuuö Jwøk, eni na wïth jammi bëët, obëëdö na nyeya bäät Kïn Dhayan yi Jerucalem, ni ö ajiemmi mare ni nëëne jï dïbwöthe mo jiye.

Aydheea 24:23 Iomraidhean Croise

Bwøth Wøk 15:21

Ni ö Mariyammi ni jøl duut ni kööe, ni «Wärru jï Wuuö Jwøk, kiper ena tïmö na ajieme cäätha maal; okweeny ki ŋata en bäät gø aleeŋ yi Naama Kwaar.»

Aydheea 12:6

Wärru ki dudi ki met ec ni döötu you tïŋ maal, u na jø Dhayan, kiper Jwø Icriel na en kur keere na en yïthakiyu dwøŋŋa eni.

Aydheea 13:10

'Ba ceer mo maal ki moa näk dëëtge ege cøŋŋø otïmö ni ba cïpi ki tar. Cäŋ otïmö ni cøl kanyo tuule, ni ö dwääyi ni ba cïp tar mare.

Aydheea 30:26

Kanyøgø tar mar dwääy otïmö ni caala tar mar cäŋ, ni ö tarri mar cäŋ ni rienye døc no omëëtö ki kwöre abïriiø, ki tar mo röömi ki tar mar nïne abïriiø. 'Ba yi cäŋ manøgø beeye cäŋ mano ö Wuuö Jwøki noo 'käl gïïa leth wøk bäät jiye, ni beeye kanyo wëëk atwøt caŋŋø yie moa kïth dëët jiye.

Aydheea 33:17

'Ba uuni nyeya oneennu ki nyeŋŋu ka ajiem mare, ni jootu paana näk ree ee jwaa ni bäär.

Aydheea 33:22

Kiper Wuuö Jwøk bee dïŋut luup marwa, ni bee eni na cïp ciik jïwa, ni ena nyeya marwa, ni bee eni noo piem waani.

Aydheea 52:7

A teeŋ met ec mo nyïëdi ki man joot dhaanhø mo ööi ka bäät kïte ni käla luubö mo nyään mo met, ŋat mo køpa luum bëët-mëër, mo käla luubö mo nyään mo met mo beer, ŋat mo gøøa luum pïëm piny man piem jiy ki gø, ni kööe jï jø Dhayan, ni «Jwøk maru beeye ni wø käär piny na nyeya!»

Aydheea 60:1

Wui Jerucalem, päny maal ni rienyï, kiper tar marï aöö; ajiem mar Wuuö Jwøk apïï dëërï.

Aydheea 60:19

Kanyøgønø, otïmö ni patha cäŋ këët noo cïp tar jïrï, ni patha tar mar dwääy noo rieny bäätï; 'ba a na Wuuö Jwøk, aano tïmö na tar marï mano bëëdö na bäre bäre; a na Jwøk marï, aano tïmö ni aana ajiem marï.

Aydheea 60:20

Cäŋ obëëdö ni ba pädhi bäätï, ni bëët dwääyi ni ba ci muudhö; kiper a na Wuuö Jwøk, a tïmö na tar marï mano bëëdö na bäre bäre, ni ö nïr kïmmö moï ni thumge.

Edhikiel 48:35

«'Ba kiir pääny manøgø noo rømi ki deŋŋe bäre ni di wïrö, tïmö na gööye ma kume apaar ka abära. «'Ba nyeŋ pääny manøgø ki mano täge ki dïcäŋöca, ocwøl ni WUUÖ JWØK ENA YIE.»

Daniel 7:18

'Ba jic Jwøa Dwøŋ ni en Maal, buc nyec oci jïge, ni ö buc nyeci manøgø ni tïme na marge na bäre bäre, ki yïth beenhnhe bëët moo ööi.›

Daniel 7:27

Køøre teek mar käär jiy, ki dööŋö bäre mar akwöp nyec mo bäät piny put ka cïp ceŋ jic Jwøa Dwøŋ ni en Maal. Buc nyec mar Jwøa Dwøŋ ni en Maal beeye bura mo bëëdö na bäre bäre, ni ö jøøa en teeki ceŋge ni tïnyge eni ni wïnyge mare.›

Jool 2:31

Cäŋ ree di wiilø ni cøl, ni ö dwääyi ni tïme na remø, kanyo poode ni cäŋa dwøŋ mara, a na Wuuö Jwøk, cäŋo täk lwärri yie poot kär öö.

Jool 3:15

Cäŋ ki dwääy tïmö ni cøl, ni ö ceerri ni ba rienyge këët.

Obadiya 1:21

'Ba jøøa piem jiy geno ci maal bäät Kïn Dhayan, nee po jø tuuŋ Icøø na en bäät kïte nee käärge. Ni ö buc nyeci ni tïme na mar Wuuö Jwøk.

Mikiya 4:7

Aani, ŋööte ki jiy moa no ojarø tïïa tïïö na mo dööŋ, ni tïïa geni na wï jur mo teek. Ni ööa, a na Wuuö Jwøk, ni käära geni ni aana nyeya marge bäät Kïn Dhayan, ki mano täge kar kaace nø, këël bäre bäre.

Dhekaraya 14:6

Dïcäŋöca otïmö ni bäŋ tar, 'ba beeye lwøc mo cøl;

Dhekaraya 14:7

kiper otïmö na cäŋ mo ena kur keere mo ŋäya Wuuö Jwøki, ni beeye cäŋ mo patha dïcäŋ wala wäär. 'Ba noo tïme na ŋec wëëlle, tar otïmö ni dagø.

Dhekaraya 9:9

«Wui, Dhayan, iï mïnne døc! Ni kwöŋŋï ki met ec, ni bee ï na Jerucalem! Raŋï, nyeya marï ööa baŋï, ŋat mo mare beeye adïëri, mo käära pïëm man piem jiy ki gø; eni mwöl, ni ena bäät arëën, ni beeye bäät nya arëën mana thiinh.

Mathiew 24:29

«'Ba køør gïïo leth moo tägi yïth nïrögøøni, « ‹cäŋ oput tïïc ni cøl, ni ö dwääyi ni ba cïp taye, ni päänh ceerri ki maal, ni ö gïïa näk jïge da teek maal ni jäŋi.›

Mathiew 6:10

buyï ööe. Beerra man tïm mana manynyï ni di tïïö bäät piny kaawat man bëëde ni di tïïö maal enø.

Mathiew 6:13

Kär wa bwøth kany mo wa di päänynyö yie, 'ba piem wa cer ŋata raac.›

Ibaru 12:22

'Ba u ööa bäät Kïn Dhayan yi pääny Jwøa kwøw na näk Jerucalem mar maal, ki nyïïatwiet maal mo ba maar lønyø ki kwaan na näk dëëtge ege cooŋø ki met ec,

Mana Nyooth 11:15

Ni ö bïriet nyïïatwiet maalli ni kooth tuuŋ mare. Ni jït maalli ki dööti mo døøŋŋø, mo cäänö, ni «Buc piny atïmö na buc Kwääyø ma Jwøk, eni ki Krictø na røønye. 'Ba eno bëënni këël na bäre bäre.»

Mana Nyooth 14:1

Kanyøgø aana nëënnö, ni jooda Nyidiel ni cuŋŋö bäät Kïn Dhayan, ni buute da jiy ma kume ma dïpa ki pïëraŋween kurŋween, jøøa näk nyeŋŋe ki nyeŋ Wänni ogöör täärnyïmge.

Mana Nyooth 19:4

Ni ö jaae moa näk pïërariiø kurŋween ki gïïa kwøw karge ŋweeni ni leeŋge røkge piny ni wøørge Jwøk, eni na en bäät wälu, ni köge, ni «Enøgønø. Alëluya!»

Mana Nyooth 19:6

Kanyøgø dwøl mør awïnynya mo keda dwør lwaak mo päl, ni caala lwöc pïï mo thööth, ni caala dwør køth mo märö døc, ni köö, ni «Alëluya! Kiper Kwäärö Wuuö Jwøk, eni na Jwøk marø na en teeki jïre, beeye Nyeya man wø bëënni.

Mana Nyooth 21:23

'Ba paanøgø bäŋ cäŋ mo manynyi yie wala dwääy nee rienye bäät gø, kiper ajiem Jwøk beeye tar mare, ni ö lamba mare ni näk Nyidiel.

Mana Nyooth 22:5

Ni bäŋe wäär këët. Ni bäŋ däär lamba mo manyge wala tac cäŋ, kiper Kwäärö Wuuö Jwøk tïmö na tar marge. 'Ba geno bëënni këël na bäre bäre.