Aydheea 24:18 - Wëël Jwøk

¹⁸ ŋato reŋi ni ŋwieya waac gïïa leth, pätha yi buura bäär, 'ba ŋato päny wøk ki yi buura bäär omak abïëpi; kiper awëërnyeŋŋi mo maal di jabø, ni ö pinynyi ni jäŋi.

Aydheea 24:18 Iomraidhean Croise

Wïlöölö 19:24

Køøre Wuuö Jwøk maac ki tør mo liel døc ajääŋŋe bäät Cødam ki Gømöra ni pänhnhi ki maal baŋ Wuuö Jwøk kaamar køth,

Wïlöölö 7:11

Kanya tïm cwiic Nöa na dïpe abïciel, ni nïr dwääy mo riet dwäde apaar ka abïriiø, dïcäŋöca piny bäre aput mudö ki jwïïö, ni ö maalli ni put dhee jap,

2 Nyeye 7:2

'Ba aløk ŋat wø cäädhi ki nyeya jï nyikuŋ Jwøk ma Ilaaca ni kööe, ni «?Gïnögø ba tägi na bäre. ?Aŋø, Wuuö Jwøk, da dha awëërnyeŋ mo jabe jabø maal mo cam öö ki yi gø?» Ni løgi ya Ilaaca ni kööe, ni «Ka adïëri møn, jootï joodø ki waŋï, 'ba bäŋ gïn mo camï camø ri gø.»

Jööp 20:24

Këël mo eni bøth ki tøŋ mar nywïënyö mana teek, eno wëëk këël ka atheerø mar nywïënyö ma jwïël.

Luup Dïpööy 9:12

Maya thuwø, bäŋ dhaanhø mo gïno tägi dëëre ŋääe. Kaawat man bëëde en ni rëëö di maaø ka ajääp, ni wenyø di maaø ka abïëp, jiy thuwø pätha yïth gïï mo reyø ki kany mo kucge ni cwöba rege jaak.

Aydheea 13:13

Kiper manøgønø, maal bäre tïïa tïïö ni jäŋŋi, ni ö pinynyi ni tïme ni kwanynyi, kanyo ö wëërri mara, a na Wuuö Jwøk na näk wïth jammi bëët, ni beeye dïcäŋo ö wëërri mara noo liele kaamar maac.

Aydheea 2:19

'Ba jiy oreŋ kwöra ŋammø yïth kïte ki kwöra ŋammø yïth ŋøøm, ni ge lwäära wëër mar Wuuö Jwøk ka ajiem mare na dwøŋ, kanyo ö maal noo jäŋ piny.

Aydheea 2:21

Geno reŋ kwöra ŋammø yïth kïte ki kwöra no okaaŋŋø yïth kïte, ni ge lwäära wëër mar Wuuö Jwøk ka ajiem mare na dwøŋ, kanyo ö maal noo jäŋ piny.

Aydheea 42:22

'Ba jøøgø, gena wï jur mo omaa ki tøŋ ni twier geni, ge bëët, gena leeŋ yïth buri, ni kaan geni uut tööc; gena mak ki tøŋ ni bäŋ ŋat mo owïïl geni wøk, ni käl geni ni bäŋ ŋat mo oköö, ni «Duu geni.»

Aydheea 8:14

'Ba aano tïmö na kar bëëtö mana en kur keere kiperu; 'ba kiper dhi øt Icriel bäre beeye a kïnno cwany tiel noo wëëk ge pädhö, noo tïmö thuwø na akupa ka abïëp kiper jø Jerucalem.

Jeremaya 48:43

Wui, u na jø Möap, gïï lwär, ki buur, ka abïëp ena nyïmmu.

Jeremaya 48:44

Ŋato reŋi ni ŋwieya gïï lwär, pätha yi buur, noo ïnh wøk ki yi buur, omak abïëpi. Kiper a na Wuuö Jwøk, gïï ii okäla bäät jø Möap yi cwiino jääla geni yie.

Wëël Kïmmö 3:47

Ni ö bööki ki buri mo pätha yïthge ki ränynyö mo dwøŋ døc ni put ö bäätwa.»

Edhikiel 11:8

Uuni, u lwäär ko opëëllö; kiper manøgønø, opëëllö 'käla bäätu ni jääla u ki gø.› Manøgø beeye luumma caan Kwäärö Wuuö Jwøki. Ni cäŋ köö,

Edhikiel 12:13

'Ba aani, ajääp mara peera peerø bääte ni puta eni mak ka ajääp mara. Eni kïtha yi Babiløn, yi ŋööm jø Kaldia, 'ba ŋöömmögø ba joode. 'Ba eno put thøø kunece.

Edhikiel 15:7

Wïïa këëlla rege ni jääla geni. Këël mo geno ö wøk ki yi maac, ge poot thöör maaci thöörö. 'Ba kanyo këëlla wïïa rege noo jääla geni, ŋäyu ŋääö ni bee aani na Wuuö Jwøk.

Amøc 5:18

Otïmö ni raac jïïu, u ni many dïcäŋa näk mar Wuuö Jwøk. ?Agïnaŋø noo duu dïcäŋa näk mar Wuuö Jwøki jïïu? Dïcäŋa näk mar Wuuö Jwøk otïmö na muudhö ni patha tar.

Amøc 5:19

Otïmö keda dhaanhø mo ŋwieya ŋuu, ni røømme ki cwieny; køøre noo døny yi øde ni këël cere ri øtø, eni put thwölli ka cam.