Aydheea 24:14 - Wëël Jwøk

¹⁴ 'Ba jiy moo dööŋ, döötge otïŋge maal, ni kwöŋge ki met ec. Geno kwöŋŋi ki jï løø kur pänh-cäŋ kiper dööŋö mar Wuuö Jwøk.

Aydheea 24:14 Iomraidhean Croise

Aydheea 25:1

Wui Wuuö Jwøk, ïïna Jwøk mara, nyeŋŋï tïŋa maal, ni pwøa nyeŋŋï; kiper ïïna tïïö ki gïï mo rëëma ec, ni beege japa caarï ya acääŋŋe na wëëgï tïïc na karge.

Aydheea 26:1

'Ba dïcäŋeca duut man di wärö yi ŋööm Juuda, na ennø nø: Waani, jïwa da pääny mo teek, kiper Jwøk waana mooe ki kiir mo teek mo piema waani.

Aydheea 27:2

'Ba dïcäŋeca da duut mo di wärö na ennø, «Wärru ki duut kiper pwöth jer omøki moa no onywøl.

Aydheea 35:10

'Ba jøøa wïïl Wuuö Jwøki wøk, geno duui, ni öge yi Dhayan ni ge wär ki dudi ni yïthge met, ni ö met eci marge ni bëëde na bäre bäre, kaamar aduda mo okïth wïc; ni bëëtge ni ge kanynyø ni yïthge met, ni ö kïmmö ki cooyø ni aae bäätge.

Aydheea 35:2

Geno løth ni tïmge ni pulli, ni tïm yïthge ni met døc, ni kwöŋge ki met ec. 'Ba teeŋ ajiem mar lur Libaanø di cïbö jïge, ni ö teeŋ wödö mar thuur Karmël ki pwöl Carön ni mëëgi geni. Geni ajiem ki wödö mar Wuuö Jwøk, Jwøk marwa, oneenge.

Aydheea 40:9

Wui, ï na Dhayan na öö ki luubö mo nyään mo met, eth maal bäät kïdi mo bäär ni køpï gø! Wui, ï na Jerucalem na öö ki luubö mo nyään mo met, tïŋ dwørï maal døc ni køpï gø; tïŋ dwørï maal ni ba lwäyï; caanï jï päänye mo Juuda, «Ka adïëri møn, Jwøk maru en!»

Aydheea 44:23

Wui maal, kwöŋŋï ki met ec, kiper gïnögø tïïya Wuuö Jwøki! Wui, u na kwöra en piny kuya, beerra man kanynyu; wui, u na kïte, ki ï na lul ki jenni moa en yiï bëët, beerra man jøllu gø ni kwöŋŋu ki met ec; kiper Wuuö Jwøk, Jeekap anø wïïl wøk, ni nyooth ajiem mare dï Icriel.

Aydheea 48:20

Ööu wøk ki yi Babiløn! Rïŋŋu wøk ki yïthakicge, ge na jø Kaldia! Gøøu luubö man piny nou kwöŋŋö ki met ec, ni køpu gø, ni jääŋŋu gø nee pïïe bäät piny bäre, ni kööu, «Wuuö Jwøk jiye ma nyïïkwaac Jeekap awïïl wøk.»

Aydheea 51:11

'Ba jic Wuuö Jwøk na näk ee wïïl wøk geno duui, ni dønyge yi Dhayan ni ge wär ki dudi, ni ö met eci marge ni bëëde wïthge kaamar aduda na bäre bäre. Geno bëëdö ki met ec ki kanynyø, ni ö kïmmö ki cooyø ni daakge rege buutge.

Aydheea 54:1

Wuuö Jwøk aköö, «Wui, ï na Jerucalem ni caal dhaagø ma bwøc mo kär nyöötö ko obwöre, kwöŋŋï ki met ec! Kwöŋŋï døc niï wär ki met ec ni dwørï iï tïŋ maal, ï na näk mäc lwaar kuyï; kiper ïïni, këël na bëëdï ni ïïno dööŋ keerï, ïïno jïti ko obwöre mo thööth, niï kaala dhaagø mo bëëdö ka cwøre.

Aydheea 60:5

'Ba oraŋï ni mïn yiï, cwïnyï omïnni ni pääŋe ki met ec; kiper mano ö jap kwärö mo naama dwøŋ noo käli jïrï, ni ö kwärö mar wïth juurre ni ö baŋï.

Jeremaya 30:19

Ni ö dudi mo dwøk met ec ki dwør meeŋ ni wïny ge yïthge. Ni meeda geni ni thööth, ni kwäänge ba døø piny; ni wëëga geni wøør, ni ba bëëtge na jiy mo bäŋ karge.

Jeremaya 31:12

Ni öge ni kwöŋge ki met ec bäät Kïn Dhayan, ni mïn yïthge ki gïïo beyø noo cïp Wuuö Jwøki jïge, ni beege beel, ki køøŋ nyïïomøki, ki maaw, ki nyïïdïëk ki nyïïrøøe. Ni ö bëëtö marge ni lødhe ni caala ajïniina mo di jøøyø ki pïï, ni bëëtge ni bäŋ öölö bäätge këët na bäre bäre.

Jeremaya 33:11

ni beeye dïlweel mar met ec ki dwør met ec, ki kanynyø mar nywöm, ki dööt jø wø cïpi ko olämme mo dwøk met ec yi Øt Wuuö Jwøk, ni ge köö, « ‹ni «Dwøgu met ec jï Wuuö Jwøk, eni na wïth jammi bëët, kiper Wuuö Jwøk beer, ni mëër mare ni wø ba jøøl bëëdö na bäre bäre.» Kiper aani, paac 'dwøga kare ni caala mana dïkwøŋ.› Luummögø caana Wuuö Jwøki.

Jeremaya 51:10

« ‹Anyooth Wuuö Jwøki ni bäŋ ajäla bäätø; ööu, waa døø pøø ma Dhayan ni caanø gïna tïïc Wuuö Jwøki, Jwøk marø.›

Dhekaraya 2:10

«Wui jø Dhayan! Kwöŋŋu ki met ec, kiper aana öö naa bëëda dïïu. Manøgø caana Wuuö Jwøki.