Aydheea 23:9 - Wëël Jwøk

⁹ Beeye Wuuö Jwøk, eni na wïth jammi bëët, na ŋøl gïnögø bäät gø, ni lää wï gø, ni raany japa mïërö bëët na tööde kiperge, ni tïïc jic gø bëët moa no owøørø nee taak bäät piny.

Aydheea 23:9 Iomraidhean Croise

Jööp 12:21

Eni ataa mo dwøŋ wø wëëge ööny bäät dïbwöthe, ni raany teek mar jøøa teek.

Bwøth Wøk 8:4

Ni ö ogwäle ni pärge bäätï ki jiy moï ki jø kööre moï bëët.› »

Aydheea 10:33

Ka adïëri møn, Kwäärö Wuuö Jwøk, eni na wïth jammi bëët, bäät jenni oŋøt piny ki teek mo dwøŋ døc mo di lwäärö, ni ö jenni moa døøŋŋø dïge ni bami piny, ni ö mo wø bëëdö ni bäyö ni dwøgi piny.

Aydheea 13:11

'Ba a na Wuuö Jwøk, piny jääla jäälö kiper rääö mare, ni jääla jø raay kiper raay moge. Aani thuwø, jø atöör, atöör marge raanynya raanynyø, ni ö bëët koorrø mar jøøa no ogäy ni dwøga gø piny.

Aydheea 14:24

Wuuö Jwøk, eni na wïth jammi bëët, anø kööŋ ni kööe, ni «Ka adïëri møn, kaawat mana nø cïba acaara mara piny, puta tägö; kaawat mana nø caara gø, puta bëëtö kare.

Aydheea 14:26

«Manøgø beeye acaara mana no ocïp piny kiper ränynyö mar bäät piny bäre, ni manøgø beeye cer ajäla mana no orwieø nee wïth juurre bëët raanynye.

Aydheea 14:27

Kiper Wuuö Jwøk, eni na wïth jammi bëët, acaara mare anø cïp piny. ?Aŋø, da ŋat mo raanynya acaara manøgø? Eni cere ee nø rwiec. ?Aŋø, da ŋat mo tïïc gø nee cere duue?»

Aydheea 2:11

'Ba nyøth røk ka atöör mar jiy odwøk piny, ni ö bëëtö mar jø wø tïŋ dëëtge maal ni dwøgi piny. 'Ba Wuuö Jwøk keere beeye noo bëëdö ni di jiemø dïcäŋöce.

Aydheea 2:12

'Ba Wuuö Jwøk, eni na wïth jammi bëët, da cäŋ ajäla mare mo ööa bäät jø atöör ki jø wø tïŋ dëëtge maal mo ge dwøge piny yie,

Aydheea 2:17

'Ba atöör mar jiy odwøk piny, ni ö bëëtö mar jø wø tïŋ dëëtge maal ni dwøgi piny. 'Ba Wuuö Jwøk keere beeye noo bëëdö ni di jiemø dïcäŋöce.

Aydheea 23:10

Wui, jø Tarcëc, pöödhu ki dï ŋöömö maru kaamar jwïïö mar Naam Nail; kiper bäŋ gïn mo män uuni këët.

Aydheea 32:13

ki ŋööm jiya na näk yie otuy ko otwel ki koodhi. Kare møn, kïmmu kiper mïëri moa näk bëëdö ni yïthge da met ec, ki päänya näk yie päŋ ki met ec.

Aydheea 5:13

Kiper manøgønø, ge na jiya geno käl ni geno maa ki tøŋ, ni bäŋ gïn ŋäcge. Jiy moge moa kwörge døøŋŋø ge thøw ni ge 'näga käci, ni ö lwaae moge ni tal kööthge ki riew.

Aydheea 9:15

'Ba wïc beege jø døøŋŋø ki jøøa no owøørø, ni jïp beege nyïïkuk Jwøk mo wø cäänö ki luup tööt.

Jeremaya 13:9

ni «Mana ŋøla, a na Wuuö Jwøk, beeye en, aana köö, na ‹Atöör mana dwøŋ mar jø Jerucalem ka atöör mar jø Juuda møga bëët raanynya raanynyø kaawat mana räny abïïnögø.

Jeremaya 51:62

ni kööï, ni ‹Wui, Wuuö Jwøk, ïïna cäänö kiper paani en ni raanynyï raanynyø, ni tïme ni bäŋ gïn mo bëëdö yie, dhaanhø wala lääy, 'ba otïmö na paac mo oränynyö na bäre bäre.›

Daniel 4:37

Kawaane a na Nabukedenecör, a pwøya nyeya mar maal, ni tïŋa nyeŋŋe maal, ni jiema eni, kiper tïïe moe bëët beege adïëri, ni jïëth tïïe moe tiir, ni eni løny jïre ki man dwøk jiy piny mo wø bëëdö ni cwïnyge da atöör.

Obadiya 1:2

«Ï na Ëdöm, ka adïëri møn, ï tïïa tïïö na wï jur mo thiinh ki yïthakic wïth juurre, ni bëëdï ni ïïno taaø.

Milkiya 4:1

'Ba Wuuö Jwøk, eni na wïth jammi bëët, aköö, «Neennu, da dïcäŋ mo öö, ni da maac mo liel døc kaamar maa dwaar; ni ö jø atöörri ki jø raay bëët ni tïmge kaamar lethø, ni put ge waaŋ dïcäŋöce kaamar jaath mo owaaŋ ki dëëre bäre këël lweete, ni bäŋgø mo dööŋ dëëtge na bäre bäre.

Moa Tïïc Nyïïatwieli 4:28

Ni ge tïïya gïna näk iï cooŋø ki cwïnyï ki teek marï cøøn ni doo tïmö.

Epeca 1:11

Ni beeye ki køøre na ö waani na kwøŋ Krictø ŋääth na miek na jier nee wa bëëtwa ni wa pwøya ajieme, keda mana many ŋat wø tïïc jammi bëët keda man wø näk ee cooŋø ki cwïnye.

Epeca 3:11

Ni beeye gïna näk ee kwøŋ cooŋ ki cwïnye cøøn kanya poot pinynyi, ni beeye na wëëk thur kare ennø ki ri Krictø Jecu na näk Kwääyø,

Jeemeth 4:6

'Ba eni wø cïpö ki met ec mo päl. Ni beeye ni wø caan, ni «Jwøk män ka jø atöör, 'ba met ec wø wëëge jøøa mwöl.»