Aydheea 23:13 - Wëël Jwøk

¹³ Wui jø Tayar, raŋŋu ŋööm jø Babiløn, jøøa dööŋ ni bäŋ kwäänge. Jø Aciria jöör leny man døny yi kiir ki gø ageerge, ni nyaage uut paan dwøŋ piny, ni raanyge gø na bäre, ni tïïcge gø nee dööŋe jï lääc paap.

Aydheea 23:13 Iomraidhean Croise

Wïlöölö 11:28

'Ba Aaren athøw ni wänni ma Teera poot nut ni kwøw. Ni eni thøøa yi Ur yi ŋöömma nywøli yie na näk po jø Kaldia.

Wïlöölö 11:31

Køøre Teera wääde ma Abram ki nyïïkwaare ma Løøt wär Aaren ki cï nyaare ma Caray na näk cï wääde ma Abram alwøre, ni tïŋge na aciel bëët ki yi Ur po jø Kaldia, ni ge cøøa ŋööm Keenan. 'Ba na pïïcge paana cwøl na Aaren, gena put bëëte kaace.

Wïlöölö 11:9

Kiper manøgønø, nyeŋ kaace acwøl ni Babel, kiper kaace beeye kanya ö Wuuö Jwøki na kier wï dhøk mar jø bäät piny bëët yie, ni wëëk geni keethø kaace bëët dï piny bäre.

Wïlöölö 2:14

Ni nyeŋ dää naam maya cwøl ni Thëgerø, ni cøøa ya Aciria jï løø kur tuul-cäŋ. Ni ŋweer naam cwøl ni Upareeti.

2 Nyeye 17:24

'Ba nyeny Aciria akännö ki jiy ki Babiløn ki Kuta, ka Awi, ka Amath, ki Cepar-Waym, ni kïth ge yïth päänye mo Cameria nee bëëtge kwöra wara bëët jø Icrielli yïthge; ni put Cameria tïmö na marge, ni putge bëëtö yïth päänye moe.

2 Nyeye 20:12

'Ba kar kaaca, nyeny Babiløn ma Merödak-Baladan o Baladan ajääk baŋ nyeya ma Edhekaya ki weeli ki muuy, kiper ee wïnynyö ni nyeya ma Edhekaya otuu.

2 Luup Nyeye 33:11

Kiper manøgø, Wuuö Jwøk kwääc lwaae mo leny mo nyeny Aciria akäl bäätge, ni makge Maneeca, ni gänge um gø ki gïn mo caala obïth, ni twöcge gø ki tiimme mo tïïc ka nywïënyö ma jwïël, ni kïthge gø Babiløn.

Jööp 1:17

'Ba ni nyenøgø poot cäänö, ŋat tïïc mør acäŋ öö, ni kööe, ni «Jø Kaldia gena öö ni pääŋge dëëtge na dhøgi adäk, ni twierge athïrööle, ni putge jø tïïc 'näk ko opëëllö; 'ba bee aani keera na bøth kiper nee caana jïrï.»

Aydheea 10:5

Wui, otïmö ni leth jï Aciria, na näk yaa tïïö na athøra mar wëër mara, na athøra mano en cer Aciria beeye mano nyoodha wëër mara ki gø.

Aydheea 10:7

'Ba Aciria, acaara mare paa manøgø, ni manøgø paa mana en wïïe. 'Ba mana en cwïnye kiree beeye dïïr wïc, ni beeye ki man thöör wïth juurre mo thööth.

Aydheea 13:19

'Ba Babiløn, na näk mïërö mar mïëc nyeye, na näk gïr ajiem mar atöör mar jø Kaldia, otïmö kaamar Cødam ki Gømöra kanya raanynyi ya Jwøki.

Aydheea 13:21

'Ba lääc paap obëëdö yie, ni ö uudi moe ni tïmge na kwör bëëte mo tule. Ude thuwø obëëdö ni ena kaace, ni ö adëële ni kwääkge yie kaace.

Aydheea 18:6

Ni putge dööŋŋe jï weny mo wø cämö ni ge cwëëdhö ni wø bëëdö bäät kïte, ki jï lääc paap, ni tïmge na cam jï weny moøgø ki öörö bäre, ni tïmge thuwø na cam jï lääc paap ki cwiir bäre.

Aydheea 43:14

Man bee dwør Wuuö Jwøk, eni na Jwø Icriel na en kur keere na wïïl u wøk, ena köö, na «A jääga Babiløn ki jø leny kiperu, ni ö jø Kaldia bëët ni päärge wøk, ni ge aay ka baabuure mo wø töötge kiperge.

Edhikiel 23:23

ni beege jø Babiløn, ki jø Kaldia bëët, ki jø Peköt, ki jø Cöa, ki jø Køa, ni jø Aciria bëët ena dïge, ni beege obwöre moa dëëtge mïërö, ni ge bëët gena kwääri ki dïbwöthe, ki dïbwöthe mo jïëth okwëënyi, ki jiy ma kwääri mo døøŋŋø, ni ge bëët ge cäädhi ka bäät okwëëc lääy.

Edhikiel 29:18

«Wär dhaanhø, Nabukedenecör nyeny Babiløn jø leny moe atïïe ni teek ki man tukge pääny Tayar. Ŋati man nø wïïe ki gööge anipwøth. 'Ba eni ki jø leny moe bäŋ gïn mo ege joodø ki køør gïna tïïe nee pääny Tayar raanynye.

Daniel 4:30

ena köö, na «?Aŋø, man paa beeye Babiløn na dwøŋ na geera, ni beeye kar bëët nyec na geera ki teek mara na dwøŋ, na gïr ajiem mar dööŋ kar mara, a na nyeya?»

Abakuk 1:6

Kiper ka adïëri møn, aani jø Kaldia tïŋa maal, jøøa näk cwïnyge keec na näk cwïnyge piew ki lac gïrpiny, ni caathge piny bäre ki man macge kwör bëëte moa näk paa moge.

Moa Tïïc Nyïïatwieli 7:4

Kanyøgø ena put daa ni wec po jø Kaldia, ni daa yi Aaren. 'Ba køør thøw wänni, ena daak Jwøki kaace ni käl gø paani ni bëëdu yie ennø.