Aydheea 22:12 - Wëël Jwøk

¹² Kiper manøgønø, dïcäŋeca, Kwäärö Wuuö Jwøk, eni na wïth jammi bëët, uuna cwøle nou jwöŋu nou gööu ko oduuru, nee wïthu gwääru wøk, ni dwølu keece dëëtu kiper pänh cwïny maru.

Aydheea 22:12 Iomraidhean Croise

2 Luup Nyeye 35:25

'Ba Jeremaya acääö ki duut man jwøk Jöcaya ki gø; 'ba këël yïth nïne moi jø wär ki dudi moa näk cwøw ki mään bëët, kany wø wärge ki dudi mo wø wär kiper thøø, wïthge wø parge parø ki Jöcaya. 'Ba gïnögø aput tïmö na kööŋŋö ki Icriel, ni gööri piny yi wëël dudi mo wø jwøk jiy ki ge kany wø thøwge.

Edhera 9:3

'Ba kanya wïnynya gïnögø, aani abïïna ka aleeŋŋa mara ajeeya, ni ö jïëc wïïa ki jïëc tïïa ni nywaada ge piny, ni pïïa piny ni yia othäŋŋö.

Neemiya 9:9

«Ïïni, caarø mar kwäcwa ajootï kanya bëëtge Ijep, ni wïnynyï oduuru marge kanya enge bäät Naama Kwaar.

Jööp 1:20

Kanyøgø Jööp aput ö maal ni jeeya abïïne, ni gwäär jïëye wøk. Køøre Jööp dëëre aleeŋ piny yïth ŋøøm, ni wøør Jwøk,

Luup Dïpööy 3:11

Jwøk jammi bëët ee tïïö ni beyø ki yïth caae moge. Ni eni thuwø dhaanhø ee mooø ka acaara man ŋäc bëëtö mo bäŋ cuŋŋe, 'ba poot bäŋ gïn mo kwany dhaanhe kiper tïïe mo Jwøk moa tïïe ki mana täge wïlöölö këël mano këët ya aŋuudi.

Luup Dïpööy 3:4

Da caa mo dhaanhø jwöŋö yie, ki caa mo dhaanhø ŋeethø yie; da caa ma mar kïmmö, ki caa ma mar meeŋ.

Aydheea 15:2

Ni ö jø Möapi mo wø bëëdö pääny Dibön ni cige kuna jwöŋge yïth uut jwøk marge bäät thuuri; ni ö geni ni gööge ko oduuru bäät päänye moge møga, ni beege Nebø ki Medeba. Ni ö jïëc wïthge bëët ni gwäärge ge wøk, ni lielge jïëc tïkge bëët.

Aydheea 26:10

Këël na bëëdï niï nyøtha mëër marï jï jøøa reyø, jöör adïëri poot ba kwanyge. Ge poot bëëdö ni ge temma gïï mo reyø po jøøa marge thïïŋ, ni bäŋ gïn caarge kiper dööŋö mar Wuuö Jwøk.

Aydheea 29:1

Wui, otïmö ni leth jïrï, ï na Ariël, ï na päänya tïïc Deebiti na kar bëëtö mare. Mëëtï ki cwiir bäät cwiir mør, ni ö nïne mo ajwöm moï ni bëëtge ni nut karge.

Aydheea 3:24

Ni ö mädhi moa wara wïïrge ni ŋwääö ni met ni wiilge rege ni ŋwääö no okwäk, ni ö käär kaae ni wiil ree baŋ käär thøøli, ni ö jïër moge na beyø ni tïmge na jïër mo øya piny, ni ö käär abïïe moa beyø ni wiil ree baŋ käär keece, ni ö dëëtge na mïërö na pøøth ni tïmge ni da pööc mäc.

Aydheea 32:11

U na määr wø bëëdö ki bëëtö mo jööt jaak, dëëtu tïme ni kwanynyi. U na mään moa therø, u ni wø cädö ni karu beer, dëëtu tïme ni rïïŋö. Göönyu abïïe wøk dëëtu, ni dööŋŋu ki dëëtu, ni dwølu keece dëëtu.

Aydheea 37:1

'Ba kanya ö Edhekaya na wïny gïnögø, eni abïïe moe aput jeeyø ki pänh cwïny, ni dwøl keeca dëëre, ni døny yi Øt Wuuö Jwøk.

Aydheea 37:2

Køøre Edhekaya, Eliekim ŋata en paan dwøŋŋi cere, ki Cëpna ŋat wø göör luup akwöma piny, ki jø døøŋŋø moa näk dïlämme, mo dëëtge ege döönnö ki keece ki pänh cwïny, ajääŋŋe baŋ nyikuŋ Jwøk ma Aydheea wär Amöth.

Aydheea 58:3

Ge köö, na ‹?Aŋø ni wø ba neenï wödö marwa en kany wø kwierwa cam ni marwa wödö? ?Na aŋø ni wø ba raŋï gø en kany wø dwøkwa dëëtwa piny ni wa mwöl?› «'Ba ka adïëri møn, uuni, kany wø wödu, u tïïya man wø manynyu keeru, nou bëëdö ni jø tïïc mou bëët you thiel piny.

Jeremaya 16:6

Jiy moa kwörge døøŋŋø ki moa kwörge bäŋgø ge thøøa yi ŋöömmi en, ni ge ba koony, ni bäŋ jiy mo jwøk geni, ni bäŋ ŋat mo tïïc dëëre ki gïn mo leth kiperge, ni bäŋ ŋat mo gwäära wïïe wøk.

Jeremaya 16:8

«Ïïni thuwø, kärï døny yi øtø mo yie da ajwöma ki man pïï piny ki geni, niï cämï ni mädhï ki geni na aciel.

Jeremaya 4:8

Kiper manøgønø, røøu keece dëëtu, ni jwöŋu ni gøøyu oduuru; kiper wëër mara, a na Wuuö Jwøk, ni wø liel kaamar maac kära paanyø bäätu.

Jeremaya 7:29

U na jø Jerucalem, gwääru wïthu wøk ni wetu ge, ni jwöŋu bäät thuuri moa leer, kiper Wuuö Jwøk beenhnhø maru man na wëëre ki gø anø kwiere ni wec gø.› »

Edhikiel 27:31

Ni gwäärge wïthge wøk kiperï, ni dwølge keece dëëtge. Ge jwöŋö bäätï ni cwïnyge oränynyö, ni ge kïmmö ki kïmmö mo dwøŋ døc.

Daniel 5:1

Nyeya ma Belthacör atïïö ka ajwöm-cam mo dwøŋ kiper jø kööre moe ma kuma, ni bëëde ni mädhö ki køøŋ nyïïomøki nyïm jøøgø na kuma yøø.

Odheea 9:1

Wui jø Icriel, kär yïthu mïnnö; käru kanynyø kaamar wïth juurre møga. Kiper dëëtu agathu ki käp ni weyu Jwøk maru. Yïthu met ki jap käp mo wø magu yïth laare bëët.

Jool 1:13

Wui, u na dïlämme, røøu keece dëëtu na abïïe, ni kïmmu; wui, u ni tïïc maru beeye cïp olämme bäät gïn wø cïp olämme bääte, gööu ko oduuru; wui, u ni wø tïny Jwøk mara, ööu ni thöörru wäär bäre ni keece ena dëëtu; kiper muuce mo beel, ki muuce mo kwøŋ bäŋgø mo kïtha yi Øt Jwøk maru këët.

Jool 1:8

Uuni, jwöŋu kaamar nyakøø mo keeca ee røø dëëre, mo jwøga cwøre mo poot na muda.

Jool 2:12

'Ba këël kawaane en, Wuuö Jwøk poot köö, ni «Duu baŋa ki cwïnynyu bäre, ni kwierru cam, ni jwöŋu, ni kïmmu.

Jool 2:17

Beerra man ö dïlämme ni wø tïny Wuuö Jwøk, ni jwöŋge yïthakic gïn wø cïp olämme bääte ka agööl dhi Øt Jwøk, ni köge, ni «Wui Wuuö Jwøk, cwïnyï pädhe ki gïr jiyï, ni ba tïïyï jiyï na näk thöögï na gïr apääda, na gïr aŋaada dï wïth juurre. ?Aŋø, wïth juurre doo pëëö møn, ni ‹?Jwøk marge en kaa?›?»

Amøc 8:10

Nïr ajwöm mou odøøya nïr kïmmö, ni døøya dut met ec mou mo oduuru. Ni wëëga uuni bëët käär abïïk keece ni nyootha kïmmö maru, ni wïthu ogwäär wøk; dïcäŋöce uuno tïïa nou caala dhaanhø mo kïmmö kiper nyilaal mare ma aciel keere, ni tïm aŋuun dïcäŋöce na pänh cwïny jïïu.»

Joona 3:6

'Ba kanya ö dwølli na pïïe baŋ nyeny Nineba, ena put ö maal ki bäät wälu mare ni gööny abïïne wøk ni røø keeca dëëre na abïï ni pï yi bur.

Mikiya 1:16

U na jø Juuda, gwääru wïthu wøk ni dööŋge no otal, kiper obwöre mou na mëërru ki geni okäl. Uuni gwääru wïthu wøk bäre ni dööŋge kaamar wïth acudhi, kiper obwöre mou di maaø baŋu ki tøŋ ni aacge.

Jeemeth 5:1

'Ba ööu nø, u no okwär, ni jwöŋu ni rëëdu kiper gïïo leth moo ö bäätu.