Aydheea 22:11 - Wëël Jwøk

¹¹ 'Ba uuna tïïö ki kany cooŋ pïï yie yïthakic kiir mana näk ogeerø na ariiø kiper pï puul mana no oruuö. 'Ba uuni u kär göök ri Jwøk na tïïc gø, ni käru göök ree, eni na caar gø dïkwøŋ kany mo bäär.

Aydheea 22:11 Iomraidhean Croise

2 Nyeye 20:20

'Ba luum tïïe møga moa tïïc Edhekaya, ki luum teek mare bäre, ki jöö mana tïïc puul ki øøl mana käl pïï yi pääny ki gø, ogöör piny yi Wëël Luup Nyec Juuda.

2 Nyeye 25:4

Køøre, kiir mar pääny atuc jø Babilønni. Ni ö jø lenynyi bëët mo Juuda ni bwøkge ki wäär ni ge cøra dhi kiir mana en yïthakic kiiri moa na ariiø na en buut ajïniin nyeya, këël na bëëde ni jø Babiløn pääny ege ciel dïër bäre. Ni aacge ni ge coonya goor Jördan ni wø cwøl na Araaba.

2 Luup Nyeye 6:6

'Ba Jerucalem yaa nø jier nee nyeŋŋa bëëde yie, ni jiera Deebit nee bëëde na wïth jiya ma jø Icriel.›

Neemiya 3:16

Ni ö Neemiya wär Adhbuk, ŋata bëëdö na kwäärö mar thääŋ Bëëth-Cur, ni dwøk dëër kiir kare kanya ŋuut dhi cer Calummi yie, ni këël gø buut dwöl mar nyeya ma Deebit, këël mana pïïe ri puul mana koony, ni pïïe ri øtø man wø cwøl ni Øt Jø Leny.

Aydheea 17:7

Noo tïme na dïcäŋeca, jiy døøa baŋ Jwøa cwääc geni, ni ö nyeŋge ni teege gø ree, eni na Jwø Icriel na en kur keere.

Aydheea 22:10

Køøre uudi mo Jerucalem akwaannu, ni nyaau uudi møøk piny nee kiir tïïyu ni teek ki geni.

Aydheea 31:1

Wui, otïmö ni leth jï jø oci Ijep kiper køny, ni beege jø wø kïth ŋäädhe marge bäät okwëënyi, ni wø ŋääth thööth mar jïëth leny mo wø tut okwëënyi, ni wø ŋääth teek mar jø leny mo wø këëdi ki bäät okwëënyi; 'ba geni, ge kär göök ri Jwø Icriel na en kur keere, ni kärge eni manynyø, eni na Wuuö Jwøk.

Aydheea 37:26

« ‹?Aŋø, kärï wïnynyö cøøn? Gïnögø yaa nø caar ki kany mo bäär, a na Wuuö Jwøk, ni caara ka ya acääŋŋe cøøn. 'Ba ennø, a wëëga gø thur kare, nee päänye moa no ogeerø ni teek nee wëëgï niruuth.

Aydheea 7:3

Køøre Wuuö Jwøk aköö jï Aydheea, ni «Ennø, ci døny wøk ki wäädï ma Cier-Jacup, nou røømmu ki Eeyeth dhi waŋ mar puul mana en jï maal, nou cøra yi jöör pwöth nyen wø pïnyö ka abïïe.

Aydheea 8:17

'Ba aani, Wuuö Jwøk na kan täärnyïme ki dhi øt Jeekap koora koorø; ni bëëda naa ŋäätha gø.

Jeremaya 39:4

'Ba kanya ö Cëdëkiya nyeny Juuda ki jø leny moe na jootge jøøgø, gena put bwøk wøk yi pääny ki dï wäär, ni aacge ni ge cøra øtjöö man wø cør ya ajïniin nyeya, ni ge dønyi ka dhi kiir mana en yïthakic kiiri moa na ariiø, ni aacge ki øtjöö ni ge coonya goor Jördan ni wø cwøl na Araaba.

Mikiya 7:7

'Ba aani, aano bëëdö naa raŋŋa mar Wuuö Jwøk ni cwïnya da ŋäädhe, naa koora mar Jwøk, eni noo piem aani. Eni na Jwøk mara, dwøra wïnynye wïnynyö.