Aydheea 21:9 - Wëël Jwøk

⁹ 'Ba ennø, raŋï, jiy mo cäädhi na ariiø ariiø ki bäät okwëënyi mo lääy gena öö; 'ba da dwøl ma akøp, ni ‹Babiløn apädhö! Wui, ena pädhö møn, ni ö kït gïï wø lam na juu moe ni tøyi ni petge yïth ŋøøm!› »

Aydheea 21:9 Iomraidhean Croise

Aydheea 13:19

'Ba Babiløn, na näk mïërö mar mïëc nyeye, na näk gïr ajiem mar atöör mar jø Kaldia, otïmö kaamar Cødam ki Gømöra kanya raanynyi ya Jwøki.

Aydheea 14:4

uuni, duut mar aŋaada man wärru wärö kiper nyeny Babiløn, ni kööu, «Neennu, ŋata caar jiy apädhö, ni ö dïwïti mare ni ŋøle.

Aydheea 2:18

'Ba kït gïï wø lam rwäänyö na bäre bäre.

Aydheea 21:7

'Ba kanyo ö eni noo joot jiy mo cäädhi na ariiø ariiø ki bäät okwëënyi mo lääy, ki mo cäädhi ka bäät arëëni, ki mo cäädhi ka bäät athïrööle, beerra man neen gø ni cek ïthe døøc.»

Aydheea 47:5

«Wui, ï na Babiløn na caal nyakøø, pï piny ni niïkïïl, ni ciï yi muudhö, kiper ï ba cwøl këët ni ïïna cuumi mar buc nyeye.

Aydheea 47:9

'Ba gïïögø na ariiø yøø puta tägö dëërï ni cwöba rïï ki dïcäŋ aciel keere. Obwöre moï thøw, ni dööŋï ni ïïna cï thøø. Gïïögø bëët tägö dëërï na kare kiree, këël na bëëdï ni jïrï da jap ajuuk mo thööth, ki teek mo dwøŋ man wø tïïyï ki køør thïëth marï.

Aydheea 48:14

«Uuni bëët, cooŋŋu rou ni cegu ïthu. ?A kït gïn wø lam mane na caan tiet luup moi ii? Eni na jier Wuuö Jwøki, mana many Wuuö Jwøki tïïe tïïö dëër Babiløn, ni ö teek bade ni bëëde ni ena dëëtge, ge na jø Kaldia, ni jääla ge.

Jeremaya 50:29

Wuuö Jwøk aköö, ni «Jø wø këëdi ka athëëre bëët wär cwøllu, nee öge ni ge thööth kuna tukge Babiløn. Twëëre mou wär tïïyu deŋ kiir mare bäre; kär dee ŋat mo päär wøk. Teeŋ gïna tïïe, coollu dëëre, ni tïïyu ka køør gïïa tïïe bëët; kiper dëëre atïïe ni dwøŋ bäät Wuuö Jwøk, Jwø Icriel na en kur keere.

Jeremaya 50:38

Ajäl meel opïï yi ŋöömö mare bäre, pï näm moe otal! Kiper beeye paac mo bëënna juu mo otieŋø, ni wø bøøl ri juu mo otieŋø ni wø duu lwär.

Jeremaya 50:42

'Ba ceŋge da athëëre ki tøøŋi. Gena jiy mo 'näk marge raac døc, ni cwïnyge ba pädhi ki 'näk dhaanhø, ni döötge lwör ni caala pï naama dwøŋ. Ge cäädhi ka bäät okwëënyi, ni dëëtge ege täärö kiper leny, ni ge ööa kuna tukge ïïni, ï na Babiløn.

Jeremaya 50:9

Kiper ka adïëri møn, lwaa wïth juurre mo teek døc moa en wï-piny, yïthge otheŋa ni käla geni nee Babiløn tukge. Ni cïïmge rege na dhøgi nee këëtge ki paanøgø, ni makge jiy kaace ki tøŋ ni kälge geni. Gena jiy mo nyeŋge reegø ki thöör ka athëëre, ni ge ba duui ki ceŋge jaak.

Jeremaya 51:27

«Ŋïï mar leny wär tïŋu maal dï paac, ni koothu tuuŋ nee wïny wïth juurre; wïth juurre wär jiiŋŋu kiper leny nee Babiløn tukge, ni cwøllu akwöm mo nyeye ni beege Ararat ki Minni ka Ackena, nee këëtge ki Babiløn. Uuno röönyö ki kwääc leny mo këëdi ki Babiløn, ni kännu ko okwëënyi mo leny mo thööth mo caala lwaa bäänyö.

Jeremaya 51:44

Ni jääla jwøge ma Bël Babiløn, ni tïïa eni nee gïïa løønye ŋöö wøk. Ni tïme ni bäŋ wïth juurre mo cøøa baŋe këët. Këëlla kiir Babiløn na teek døc opädhi.

Jeremaya 51:47

«'Ba ka adïëri møn, da nïne mo öö, mo juu moa näk otieŋø Babiløn raanynya raanynyø, ni ö paaci bäre ni lää wïïe, ni bëët jiyi moo 'näk no opäänhnhö dïëre.

Jeremaya 51:52

«'Ba ka adïëri møn, da nïne mo öö, mo juu moa näk otieŋø Babiløn raanynya raanynyø, ni ö jiyi bëët moa näk dëëtge da ŋwiit tøŋ yi ŋöömö bäre ni bëëtge ni ge cooyø.

Jeremaya 51:64

ni kööï, ni ‹Babiløn odøny piny kaamar wëëlö manøgø na nilïŋ enø, ni ö eni ni ba duu maal këët, ki køør gïïo leth moo kïtha bääte.› » Man beeye aŋuun luup Jeremaya.

Jeremaya 51:8

Ki nyi kany mo thiinh, Babiløn opädhi ni ränynye; uuni, uuno jwöŋu kipere! Ni kännu ki jaath kiper ŋwiili moe; kanymør ŋwiili moe caŋŋø.

Mana Nyooth 14:8

Ni ö riet nyïïatwiet maalli mør ni läw cäännö, ni «Babiløn na dwøŋ apädhö ki pädhö mo ba thiinh, nyaana wëëk mïëri bëët mäthö ki køøŋ nyïïomøki mar käp mare.»

Mana Nyooth 18:2

Ni kööe ki dwøl mo päl døc, ni «Babiløn na dwøŋ apädhö ki pädhö mo ba thiinh, ni tïme na kar bëëtö jï anäge, na kar bëët teeŋ juuga reyø bëët, ki teeŋ weny moa reyø bëët na mänö ki geni.

Mana Nyooth 18:21

Kanyøgø nyïïatwiel maal mør mo teek døc, akwänynyö ki kïdi mo caala kïn guur mo dwøŋ døc, ni leeŋ gø yi naama dwøŋ, ni kööe, ni «Paana dwøŋ na näk Babiløn ogøø piny ni raac døc na enønø, ni ba joodi këët.