Aydheea 21:8 - Wëël Jwøk

⁸ Køøre ŋat koor acwötö ni dwøre ee tïŋ maal, ni kööe, «Wui kwäärö mara, ki yi cäŋ cooth a bëëdö naa cuŋŋö kar koor mara, ki yïth wärre cooth thuwø, a bëëdö kar koor mara.

Aydheea 21:8 Iomraidhean Croise

2 Luup Nyeye 20:24

'Ba kanya ö jø Juuda na pïïcge kany wø neen dï paap ki yie ni ge raŋa lwaa leny, ka adïëri møn, dhaanhø bäre aputge joot no othøw, ni geno nibaŋŋa yïth ŋøøm ni bäŋ gø mo obøth.

Dut Pwøc 127:1

Aydheea 5:29

Ni ge löörö kaamar ŋuu ma maath, ni löörö marge thuwø caala dööt cïgïïc ŋuuwe, kany wø ŋärge bäät caammi moge ni ge jwaa ge wøk, ni bäŋ ŋat käl gø wøk ceŋge.

Aydheea 56:10

Jø koor mo Icriel gena cööye; bäŋ gïn mo ŋäcge ge bëët. Ge bëët, ge caala guu mo dhøkge orïpö, mo ba løny ki man gucge, ge bëëdö ni geno butö jaak ni marge lääk, ni gena jiy mo yïthge met ka niine,

Aydheea 62:6

Wui Jerucalem, Wuuö Jwøk acïpö ki dïkuye bäät kiir marï, mo ge bëëdö ni ge rwääö ki yi cäŋ ki wäär bäre ni ge ba lïŋi. 'Ba uuni ni wø par wï Wuuö Jwøk, kär dee jwöm mo tïïyu kiper dëëtu,

Jeremaya 25:38

Wuuö Jwøk otïŋŋi ki kar bëëtö mare kaamar ŋuu mo ö wøk ki ya abuŋŋö, ni ö mïëri moge ni tïmge ni cwïny jiy böö ki gïno tägi dëëtge, ki køør jøw caan geni ko opëëllö, ki køør wëër mar Wuuö Jwøk noo liel kaamar maac.

Jeremaya 4:7

«Ŋat wø raany wïth juurre anø tïŋŋö, kaamar ŋuu mo ööa wøk ki ya abuŋŋö; ni eni tïŋŋi ka kar bëëtö mare kiper nee wï pou dïïre. Päänye mou ränynyö, ni dööŋge ni bäŋ jiy yïthge.

Jeremaya 49:19

Ka adïëri møn, da jø leny mo öö kaamar ŋuu mo ö wøk ka yi lur Jördan, mo ööa yi ciel mo teek baŋ dïëk, ni ge ööa kuna tukge Ëdöm. Ki nyi kany mo thiinh, jø Ëdöm 'riema wøk ki køør gïno tïïc jøøgø, ni jëëta ki ŋato manynya jaak ni røønya gø kaace. ?Kiper aŋa ni röömi ki aani? ?Na aŋa ni kïth aani kar løøk? ?Na a kwääye mane ni løny jïre ki man pïëme ki aani?

Jeremaya 50:44

«Ka adïëri møn, da jø leny mo öö kaamar ŋuu mo ö wøk ka yi lur Jördan, mo ööa yi ciel mo teek baŋ dïëk, ni ge ööa kuna tukge Babiløn. Ki nyi kany mo thiinh, jø Babiløn 'riema wøk ki køør gïno tïïc jøøgø, ni jëëta ki ŋato manynya jaak, ni røønya gø kaace. ?Kiper aŋa ni röömi ki aani? ?Na aŋa ni kïth aani kar løøk? ?Na a kwääye mane ni løny jïre ki man pïëme ki aani?

1 Piter 5:8

Koorru dëëtu, ni bëëdu ni nyeŋŋu you jabø. Kiper nyimän maru na näk anägö wïïrö ni caala ŋuu mo jwöŋö, ni eni caya ŋat mo løønye.