Aydheea 20:4 - Wëël Jwøk

⁴ Kiper nyeny Aciria jø Ijep ki jø Kuuc moa näk ee maa ki tøŋ 'okäle ni aae ki geni, ni beege obwöre ki jø døøŋŋø, ni ge käl ni ge cäädhi ka dëëtge ni thääthge ena wøk, ni bäŋ war tietge, ni put tïmö na lään wïc mo dwøŋ døc jï jø Ijep.

Aydheea 20:4 Iomraidhean Croise

2 Camiel 10:4

Kanyøgønø, Anun, jic Deebit aput mak ni liel thäk jïëc tïkge, ni ö abïïe moge moa näk caala jalabiiye ni ŋøør ge ni cëëgö ni ena dhøk wödhi, ni wëëk ge wääth.

1 Luup Nyeye 19:4

Kanyøgønø, Anun jic Deebit aput mak, ni liel jïëc tïkge, ni ö abïïe moge moa näk caala jalabiiye ni ŋøør ge ni cëëgö ni ena dhøk wödhi, ni wëëk ge wääth.

Aydheea 19:4

'Ba aani ge poot cïba cer nyeya mo raac, ni tïŋŋa maal bäätge ki nyeya mo teek mo wïnni.» Manøgø caana Kwäärö Wuuö Jwøk, eni na wïth jammi bëët.

Aydheea 3:17

Kiper manøgønø, Kwäärö Wuuö Jwøk wïth mään mo Dhayan mooe mooø ki täw gwøny, ni ö Wuuö Jwøki ni wëëk jïëcge pøtø.»

Aydheea 31:2

'Ba Wuuö Jwøk thuwø, wïïe leer; eni ba døø ŋääe ki luumme mo ee caanø. Eno känni ki gïï mo leth. Eni ööa maal ni tïïc gïn mo raac dëët jø wø tïïö ki gïï mo reyø ki dëët jø wø køny geni.

Aydheea 31:3

Kiper jø Ijep gena jiy, ni ge paa Jwøk, no okwëënyi moge beege lääy jaak, ni teek marge ba bëëdö na bäre bäre. 'Ba Wuuö Jwøk cere orwiee, ni ö ŋata cïp køny ni cwaany tiere, ni ö ŋata køny ni pädhe, ni ö geni bëët ni putge ränynyö na aciel.

Aydheea 47:2

Lwør kïn guur ni gudï ki møø. Abïï man wø loop wïc käl wøk, ni jaarï thïnuura marï maal, ni wïïï tietï wøk, ni ŋørï nyeŋ näm.

Aydheea 47:3

Dööŋŋö marï ki dëërï otïmö ni bäŋ gïn gëëŋ gø, ni ö lään wïci marï ni bëëde ni nëënö jaak. Kwör coola coolø ni bäŋ ŋat mo wëënna.»

Jeremaya 13:22

'Ba ni näk miï köö ki cwïnyï, na ‹?Aperŋø na ö gïnni ni leth en bääta?› beeye kiper raay moï na thööth na tïmï kaamar dhaagø ma abïïne okäl wøk dëëre, ni dööŋe ki dëëre.

Jeremaya 13:26

Kiper manøgønø, aani, ï tïïa tïïö kaamar dhaagø ma abïïne okäl wøk dëëre, ni dööŋe ki dëëre, ni ö laac wïci mare ni joodi.

Jeremaya 46:19

Wui, u ni wø bëëdö Ijep, japu wär twöyu, kiper u di maaø ki tøŋ ni kïth uuni paac mør. Kiper Mempic ränynyö ni neeruuth, ni bäŋ ŋat mo bëëdö yie.

Jeremaya 46:26

Aani, ge 'cïba ceŋ jø wø many jwïëcge, ni beeye cer Nabukedenecör nyeny Babiløn, ki jø kööre moe. 'Ba køør manøce nø, Ijep obeet kaawat mana bëëde dïkwøŋ.» Luummögø caana Wuuö Jwøki.

Edhikiel 30:18

'Ba kanyo raanynya teek mar Ijep, muudhö onijïïm bäät Thapinac, ni ö teeki mare man wø tööde kipere ni ŋøle kaace. Eni rïëp pøølli rïëbö, ni ö atude moe ni mak geni ki tøŋ.

Amøc 9:7

Man beeye mana caan Wuuö Jwøki, ena köö, na «?Aŋø, u na jø Icriel, u ba caal jø Ithiöpia ki baŋa? U na jø Icriel, uuna käla wøk ki yi Ijep; këël jø Pilitin thuwø akäla wøk ki yi Kaptör, ni käla jø Aram wøk ki yi paana cwøl ni Kir.

Mikiya 1:11

U ni wø bëëdö Capir, uuno mak ki tøŋ ni käl uuni nou cäädhi ka dëëtu ni bëët wïthu ni laay. Ni u ni wø bëëdö Dhaanan, u ba bøth. Jø Bëëth-Idhel geno bëëdö ni ge kïmmö, ni ba jïtu ki køny baŋge.

Neeyam 3:10

'Ba jø Thëbic gena käl ni ge mak ka tøŋ, ni ö obwöre ni gøyi ki piny nyeŋ jïëthe ni pet ge na thäŋi, ni ö dïbwöthe moe ni pääŋŋi ki køør nyuuthe mo wø tïïc ki ri kwääk ki baw, ni twöc geni ko oguudi.

Jepaniya 2:12

Wui, u thuwø, u na jø Kuuc, u di nääö ko opëëllö mar Wuuö Jwøk.

Mana Nyooth 3:18

'Ba a pwönynya ïïni ki man ŋëëmmï baŋa ki warkey mo oleenyø ki maac, kiper niï kwärï, ni ŋëëmmï baŋa ka abïïe mo tar, nee røøï dëërï, nee laac wïc manø ni cäädhï ki dëërï enø, nee ba neen, ni ŋëëmmï baŋa ki jaath nee nyeŋŋï wïïrï ki gø, niï nëënï.