Aydheea 20:2 - Wëël Jwøk

² kar kaaca Wuuö Jwøk onø cäänö ki Aydheea wär Amöth ni kööe, ni «Pät keeca wøk mana näk iï dwøl dëërï ni kälï war wøk moa en tietï.» Ni ö Aydheea ni put gïnögø tïïc, ni cäädhe ki dëëre, ni bäŋ war tiete.

Aydheea 20:2 Iomraidhean Croise

2 Camiel 15:30

'Ba Deebit aput aay ni cør jöör Kïn Ølip, ni cäädhi ni jwöŋö, ni wïïe ee loobø, ni cäädhi ka thäny tiete jaak. Køøre jiy bëët moa cäädhö ki eni, ŋati man nø wïïe aput loop, ni cääthge ni ge jwöŋö.

2 Camiel 6:20

'Ba kanya ö Deebiti na duu paan dwøŋ kuna gwïëth jø paare, Mikal nyi Cøøl aöö nee røømge ki Deebit, ni cääne ki luum apääda ni kööe, na «Aŋø, nyeny Icriel, riï ka arunynyï ka abïï miï di wøørø kipere dïcäŋi. ?Aŋø, ï bëënnï ŋø ki dëërï dïcäŋi nyïm mään mo wø tïïö jï jø tïïc moï niï nëëni keda dhaanhø ma bøøl mo wïïe ba laay ki man cäädhe ki dëëre?»

2 Nyeye 1:8

Køøre aløkge jïgø, ni «Beeye dhaanhø mo käära gälla mo ree da jïër, mo piere ee töönynyö ki kaw.» Køøre nyeya aköö, ni «Beeye Ilaaja nyï Ticbi.»

Bwøth Wøk 3:5

Ni kö Jwøki, ni «Kärï nyänh kany; gööny war moï wøk tietï, kiper kanyo cuŋŋi yie enø beeye ŋöömö mo ena kur keere.»

Aydheea 1:1

Moi beege luup mo wø nyooth ki yi wïc na nyooth Jwøki jï Aydheea wär Amöth kiper jø Juuda ki jø Jerucalem yïth nïr Udhaya, ki Jötham, ki Eeyeth, ki Edhekaya, kanya bëëtge ni gena nyeye mo Juuda.

Aydheea 13:1

'Ba luubö mana nyooth Wuuö Jwøki na joot Aydheea wär Amöth kiper Babiløn bee en:

Aydheea 37:2

Køøre Edhekaya, Eliekim ŋata en paan dwøŋŋi cere, ki Cëpna ŋat wø göör luup akwöma piny, ki jø døøŋŋø moa näk dïlämme, mo dëëtge ege döönnö ki keece ki pänh cwïny, ajääŋŋe baŋ nyikuŋ Jwøk ma Aydheea wär Amöth.

Jeremaya 48:37

Kiper jiy bëët obëëdö ni wïthge ogwäär wøk, ni jïëc tïkge olielø, ni ceŋge oŋarø ki gïï mo beth, ni keece ege kïth dëëtge na abïïe.

Edhikiel 24:17

Ŋurï ki yi cwïnyï ni ba jwöŋï kiper ŋata thøw. Abïï wïc marï bëëde ni iï meen wïïï, ni kïthï war moï tietï; kär täärnyïmï uumï, ni ba cämï ki caammi mo wø jiiŋŋi kiper jø wø kïmmi.»

Edhikiel 24:23

Nou bëëdö na abïïk wïc mou you meen wïthu, ni war mou ena tietu. Nou ba kïmmi wala u jwöŋö, 'ba uuno bëëdö ni uuno dwaalø, nou ŋurö yïthakiyu keeru.

Edhikiel 4:1

«'Ba ennø, ï na wär dhaanhø, määnyï ka athaa ni cïbï gø buutï ni göörï kït pääny Jerucalem bääte.

Edhikiel 4:5

Aani, bäätï kwäänna kwäännö ki nïne mo caala kwään cwiiri mo raay moge. Ïïno bëëdö ki nïne ma dïpe adäk ki pïërabïŋween niï käära raay mo jø dhi øt Icriel.

Mikiya 1:11

U ni wø bëëdö Capir, uuno mak ki tøŋ ni käl uuni nou cäädhi ka dëëtu ni bëët wïthu ni laay. Ni u ni wø bëëdö Dhaanan, u ba bøth. Jø Bëëth-Idhel geno bëëdö ni ge kïmmö, ni ba jïtu ki køny baŋge.

Mikiya 1:8

'Ba kiper gïïögø, a na Mikiya, a jwöŋö ni gööa ko oduuru, ni bëëda naa cäädhi ki thäny tieta, ni dëëra bäŋ abïï, ni jwöŋa kaamar othöö, ni jwöŋa kaamar tula.

Dhekaraya 13:4

«'Ba dïcäŋöca, nyikuŋ Jwøk man nø mana näk patha adïëri wïïe olääy ki køør luup tööt moe na care, ni ba ruye ka abïïna näk cwääc ka jïër ni wø käär nyïïkuk Jwøki, kaa mana wara røc gø ni maaŋŋa wïth jiy ki gø.

Mathiew 16:24

Kanyøgø Jecu bääge aluumme ni kööe, ni «Nee da dhaanhø mo manynya man ö køøra, eni dëëre wär taae, ni käär jaadhe na näk odëëdö, ni caath køøra.

Mathiew 3:4

'Ba Jøøn käära abïï mo ocwääc ka jïëc athïrööl, ni kaw ee twöö piere, ni cam mare beeye bäänyö ki maar kïc.

Jøøn 21:7

'Ba bääŋ mana mëër Jecu ki gøøni aköö jï Piter, ni «Nyie, manøgø beeye Kwäärö.» 'Ba na wïnynyi ya Cayman Piterri ni beeye Kwäärö, eni abïïge akïth dëëre, kiper na bëëde na abïïge ee käl wøk kiper bïth, ni put päär yi naam.

Moa Tïïc Nyïïatwieli 19:16

'Ba ŋata näk dëëre da jwøa raac apäär bäätge ki teek, ni put geni böötö. Ni ö geni ni reŋge wøk ki yi øtø ni dëëtge da ŋwiili ni bäŋ abïïe dëëtge.

Moa Tïïc Nyïïatwieli 21:11

'Ba na ö baŋwa, kaw mar Pøøl alwøre ni twöc tiete ki ceŋŋe keere ki gø, ni kööe, ni «Man beeye gïna caan Jwïëc Jwøki na en kur keere, ni ‹Wää kaw man en otwöc jø Juuthi mo wø en yi Jerucalem na ennø nø, ni cïpge gø ceŋ juurre.› »

Jøcua 5:15

'Ba ŋata näk kwääy lwaa leny mar Wuuö Jwøk aköö jï Jøcua, ni «Käl war wøk tietï, kiper kanyo cuŋŋï yie enø beeye kany mo ena kur keere na mar Wuuö Jwøk.» Ni ö Jøcua ni tïïc gïnögø.

Mana Nyooth 11:3

'Ba aani lïŋŋe 'moa moa na ariiø owëëga teek man køpge dwør Jwøk ki yïth nïne ma kuma aciel ki dïpe ariiø ki pïërabïciel, ni ge käära keece na abïïe.»

1 Camiel 19:24

Køøre Cøøl abïïe moa døøŋŋø agööny wøk, ni bëëde ni pwøya Jwøk nyïm Camiel; ni put bëëtö no obut piny, ni bëëdö ka abïïe moa reep ki yi cäŋ bäre ki wäär bäre. Kanyøgønø, jiy aköö, na «?Aŋø, Cøøl thuwø atïmö ni ena dï nyïïkuk Jwøk?»