Aydheea 2:22 - Wëël Jwøk

²² Weyu ŋääth dhaanhø, man ni jwïëy ka ume keere jaak en. ?Aŋø, da kare cøøn?

Aydheea 2:22 Iomraidhean Croise

Wïlöölö 2:7

Ni ö Wuuö Jwøki ni cwääc dhaanhø ri ŋøøp piny, ni kooth jam kwøw um dhaanhø, ni tïm dhaanhe ni ree da jwïëy mo kwøw.

Wïlöölö 7:22

Ni ö gïïa kwøw na en bäät piny bëët na näk dëëtge da jwïëy ni thøwge bëët.

Jööp 27:3

Aani, këël kanyo bëëda naa poot kwøw, ni jam dhøk mar Jwøk bëëdö uma,

Aydheea 40:15

Ka adïëri møn, wïth juurre caala ŋïnh pïï mo töön piny ka tier agwäy, ni ge bëëdö kaamar tør mo thiinh mo ena bäät gïr røm. Raŋŋu, Wuuö Jwøk wïth juurre mo wø bëëdö yïth mïëri moa en bäät naama dwøŋ tïŋe maal ni jööt jaak kaamar tør mo otwäät.

Aydheea 40:17

Ki baŋ Wuuö Jwøk, wïth juurre bëët nëëni kaamar gïn mo bäŋ kwäänne, ni raaŋe kaamar gïn mo thiinh døc mo bäŋ tiere.

Aydheea 51:12

Wuuö Jwøk aköö, ni «Bee aani ki dëëra ni wø cøm cwïnynyu. ?Aŋø, uuna jøøe, u ni lwäär ki dhaanhø man ni wø thøw jaak en, ni bee dhaanhø man no ocwääö kaamar luum jaak en?

Jeremaya 17:5

Man beeye luumma caan Wuuö Jwøki, ena köö, na «Acïëni ena bäät ŋat wø ŋääth dhaanhø, ni tïïc dhaanhø na teek mare, ni cwïnye ogaa wøk køør Wuuö Jwøk.

Milkiya 3:15

'Ba ennø, ki baŋwa jø atöör beege ni yïthge met. Jø wø tïïc gïï mo reyø tïmö ni kwärra geni, ni ö geni ni päänyge Jwøk ni bäŋ gïn mo tägi dëëtge.› »

Jeemeth 4:14

ni gïno tägi diøø kuyu. ?Kwøw maru agïnaŋø? Kiper u caala rwöc ni wø nëëni ki kany mo thiinh ni laar rwäänyö.