Aydheea 2:19 - Wëël Jwøk

¹⁹ 'Ba jiy oreŋ kwöra ŋammø yïth kïte ki kwöra ŋammø yïth ŋøøm, ni ge lwäära wëër mar Wuuö Jwøk ka ajiem mare na dwøŋ, kanyo ö maal noo jäŋ piny.

Aydheea 2:19 Iomraidhean Croise

2 Camiel 22:46

'Ba geni, bäätge wø pädhö, ni öge wøk yïth kiiri moge moa no ogeerø ni teek ni dëëtge kwanynyi.

Jööp 9:6

Eni tier piny di nëëŋö ni jäŋ gø, ni tïïc were mo gø ni kwanynyi.

Aydheea 13:13

Kiper manøgønø, maal bäre tïïa tïïö ni jäŋŋi, ni ö pinynyi ni tïme ni kwanynyi, kanyo ö wëërri mara, a na Wuuö Jwøk na näk wïth jammi bëët, ni beeye dïcäŋo ö wëërri mara noo liele kaamar maac.

Aydheea 2:10

Cou yïth agäp-kïte, ni kannu dëëtu kwöra ŋammø yïth ŋøøm, nou lwäära wëëc Wuuö Jwøk ka ajiem mare na dwøŋ.

Aydheea 2:21

Geno reŋ kwöra ŋammø yïth kïte ki kwöra no okaaŋŋø yïth kïte, ni ge lwäära wëër mar Wuuö Jwøk ka ajiem mare na dwøŋ, kanyo ö maal noo jäŋ piny.

Aydheea 24:1

Raŋŋu, Wuuö Jwøk piny jale jalø ni raany gø; ni wëëk gø niruuth, ni keeth jiy mo wø bëëdö yie.

Aydheea 24:18

ŋato reŋi ni ŋwieya waac gïïa leth, pätha yi buura bäär, 'ba ŋato päny wøk ki yi buura bäär omak abïëpi; kiper awëërnyeŋŋi mo maal di jabø, ni ö pinynyi ni jäŋi.

Aydheea 24:19

Piny kaaŋŋø ni tïme na thäŋi, ni puti jäŋ døc.

Aydheea 30:32

'Ba kanyo ö Wuuö Jwøki noo pwöt jø Aciria ka athøra ni jääla geni, noo wëëk teek bade ööny piny noo tïïc leny bäät Aciria, otïmö ni wïnynya dööt anëët ki dööt thøme mo meeŋ ki baŋ jø Icriel.

Aydheea 33:10

Køøre Wuuö Jwøk aköö, ni «Ennø, a ööa maal, ni wëëga nyeŋŋa jiem, ni tïŋa nyeŋŋa maal.

Aydheea 7:19

Ni öge bëët ni pïge piny ni pääŋge kwöra näk agäp-kïte, ki yïth gøøde mo kïte, ki yïth abuŋŋe mo koodhi, ki kwör wø kwaac lääc paac yïthge.

Jeremaya 16:16

«Ennø, a na Wuuö Jwøk, a jääga baŋ jø maay mo thööth, ni maacge jiya kaawat man wø maac rec. Køøre a jääga baŋ jø dwaar mo thööth, ni dwarge jiya bäät kïte ki bäät thuuri ki kwöra näk gøøde yïth kïte.

Jeremaya 4:29

Ki køør dööt tiet okwëënyi ki tiet jø wø këëdi ka athëëre, jø päänye bëët bwøk; ni dønyge yïth abuŋŋe, ni kaange rege yïthakic kïte; ni wec päänye bëët, ni dööŋge ni bäŋ jiy mo bëëdö yïthge.

Jeremaya 48:28

«Wui, u ni jø Möap, päänye mou weyu wiiø ni cou ni bëëdu yïthakic kïte, ni bëëdu kaamar akuuru man wø geer øde deŋ dhi øt kïdi.

Edhikiel 33:27

«Caanï jïge ni man beeye luumma caan Kwäärö Wuuö Jwøki, ena köö, ni ‹Kaawat man bëëda naa kwøw en, jiy moa no odööŋ kwöra no oränynyö ge di nääö ko opëëllö, ni ö jiyi moa en ŋää paac ni wëëga ge lääc paap nee ge cam, ni ö jiyi moa en kwör gwøk røk moa teek ki moa en yïth agäp-kïte ni wëëga ge thøø ki täw mo leth.

Odheea 10:8

Kwör lam moa en bäät thuuri mo Awën, na näk bee kwör wø tïï jø Icrielli yïthge ki raay, di raanynyø. Koodhi ko otwel tuy yïthge ni uumge gïï wø cïp olämme moge bäätge. Køøre nø, ge köö jï kïte, ni «Rïëpu wa!» Ni köge jï thuuri, ni «Buŋŋu wa!»

Mikiya 7:17

Geni, geno ööi ni ge muulö yi tør ki bäp yïthge kaamar thwöl, ki gïï wø muuli ki yïth ŋøøm, ni ge ö wøk ka kwör gwøk røk moge ni dëëtge kwanynyi ki lwär, ni ge ööa nyïmï, ï na Wuuö Jwøk, Jwøk marwa, ni dëëtge miel, ni bëëtge ni ge lwäär nyïmï.

Neeyam 3:11

Ï na Nineba thuwø, ï tïmö kaamar ŋat mo omeer ki køøŋø. Kar gwøk røk marï omanynyï niï kana riï ki nyïïmän moï.

Agëë 2:6

«Wuuö Jwøk, eni na wïth jammi bëët, aköö, ni ‹Ki kany mo thiinh, aani, maal ki piny, ki näpa døøŋŋø, ki ŋøøm moa no otal cäŋa ka jäŋŋö ki yie aciel keere.

Agëë 2:7

Ni jäŋa wïth juurre bëët, ni ö jap kwär mo wïth juurre bëët ni käli; køøre a na Wuuö Jwøk, na en wïth jammi bëët, øtø man pääŋa pääŋö ka ajiem.

Luk 23:30

'Ba kanyøca geno köö jï kïte, ni ‹Ööu, päthu bäätwa.› Ni luumge thuuri, ni ‹Ööu, rïëpu wa.›

2 Thecalönika 1:9

'Ba geno ränynyi ki ränynyö mo bäŋ cuŋŋe, ni riem ge wøk nyïm Kwäärö, ni ö teege na näk ree da ajiem ni ba jootge gø këët,

Ibaru 11:38

ni ge wïïrö dï paap ki bäät kïte, ki yïth buri ki kwör mo ŋammø piny, ni beege jøøa beyø na näk ba doo rømø ki man bëëtge dï jø piny.

Ibaru 12:26

Kanyøca piny atïïc dwøre ni jäŋŋi, 'ba kawaane ena bugö, ni «Poot da aciel mør, kanyo cäŋa piny tïïyö ni jäŋŋi, ni paa piny keere, 'ba këël maalø thuwø.»

Mana Nyooth 11:13

Kanyøgø piny atïmö ni jäŋŋi døc yi caannøca. Ni ö paac thääŋ päänynyi ni pädhe. Ni ö jiyi ma kume abïriiø ni nääi ki dïjäŋ piny, ni ö moa dööŋŋi ni lwäcge døc, ni jiemge Jwø maalø.

Mana Nyooth 11:19

Kanyøgø Øt Jwøk Mana Dwøŋ maalø ajap, ni ö acanduki mar luumme na tuude ki jiy ni neeni yi Øt Jwøk Mana Dwøŋ. Ni tïm agaackøthi ni mal, ni piny dïmmi døc, ki køth mo märö, ki dïjäŋ piny, ki piiø mo päl.

Mana Nyooth 16:18

Ni tïm agaackøthi ni mal, ni piny dïmmi døc, ni køth märö, ni piny jäŋŋi ki dïjäŋ piny mo dwøŋ døc, mo teeŋe kär tägö cøøn ki mana bëët jiyi bäät piny. Kiper dïjäŋ piny manøca dwøŋ døc.

Mana Nyooth 20:11

Kanyøgø wälu mo tar mo dwøŋ døc ajooda ki ŋata en bääte. Ni ö maalli ki piny ni reŋge ki eni, ni bäŋe kany mo ojoodø kiperge.

Mana Nyooth 9:6

'Ba yïth nïrögø jiy thøø omanyge ni ba jootge gø. Ni parge thøø, 'ba thøø oreŋi buutge.

1 Camiel 13:6

'Ba kanya ö jø Icrielli na ŋäcge gø ni gïn mo leth ööa bäätge, ni bëëtö marge tïmö ni teek, jiy rege akange yïth uut kïte, ki yïth abuŋŋe moa døøŋŋø, ki yïthakic kïte, ki kwöra no otïïö na kwör gwøk røk, ki yïth buri.

1 Camiel 14:11

'Ba kanya ö jagøgø na ariiø yøø na nyoothge rege jï jøøa en kar koor mar jø Pilitin, jø Pilitin aput köö, ni «Neennu, jø Ibaru yøøke; marge beeye ööny wøk ki yïth buri kwöra näk dëëtge ege kaannø yïthge.»