Aydheea 2:12 - Wëël Jwøk

¹² 'Ba Wuuö Jwøk, eni na wïth jammi bëët, da cäŋ ajäla mare mo ööa bäät jø atöör ki jø wø tïŋ dëëtge maal mo ge dwøge piny yie,

Aydheea 2:12 Iomraidhean Croise

2 Camiel 22:28

Jøøa no ocaarø wø kønyï kønyø; 'ba jø wø töödö, waŋï wø këëta rege ki man dwøgï wïthge piny.

Jööp 24:1

«?A yi wäne nø noo ö Jwøa en teeki jïre noo cïp cääŋŋe piny mo ŋøl luup? ?A yi wäne nø noo ö jø wø ŋäc eni noo raŋge cääŋŋe moøgø?

Dut Pwøc 131:1

Pwöc Leec Wïc 16:5

Wuuö Jwøk yie raac ki jiy bëët moa näk cwïnyge da atöör; ka adïëri møn, geni, ge ba bøth ka ajäla.

Aydheea 10:12

'Ba kanyo nø ö Wuuö Jwøki noo nø thöör tïïe moe bëët bäät Kïn Dhayan dëër pääny Jerucalem, eni köö, «Aani, nyeny Aciria jääla jäälö kiper ŋwøc mare na raac na en cwïnye, ka atöör mare na näk nëënö waŋe.»

Aydheea 10:33

Ka adïëri møn, Kwäärö Wuuö Jwøk, eni na wïth jammi bëët, bäät jenni oŋøt piny ki teek mo dwøŋ døc mo di lwäärö, ni ö jenni moa døøŋŋø dïge ni bami piny, ni ö mo wø bëëdö ni bäyö ni dwøgi piny.

Aydheea 13:11

'Ba a na Wuuö Jwøk, piny jääla jäälö kiper rääö mare, ni jääla jø raay kiper raay moge. Aani thuwø, jø atöör, atöör marge raanynya raanynyø, ni ö bëët koorrø mar jøøa no ogäy ni dwøga gø piny.

Aydheea 13:6

«Gööu ko oduuru, kiper cäŋ mar Wuuö Jwøk kare acäännö. Cäŋögø öö na cäŋ aranya ni käla baŋ Jwøa en teeki jïre.

Aydheea 13:9

Neennu, cäŋ mar Wuuö Jwøk öö, ni beeye cäŋ mo raac døc ma mar bëët rääm, ki wëër mo liel kaamar maac, ni tïïya ŋöömö manøgø nee dööŋe keere. Ni ö Wuuö Jwøki ni thöör jø raay mo ŋöömmögø ki 'näk.

Aydheea 14:15

'Ba ïïno nø kïth piny kar bëët jwïëc jøøa no othøw, yi buur mana bäär døc na en kuya.

Aydheea 23:9

Beeye Wuuö Jwøk, eni na wïth jammi bëët, na ŋøl gïnögø bäät gø, ni lää wï gø, ni raany japa mïërö bëët na tööde kiperge, ni tïïc jic gø bëët moa no owøørø nee taak bäät piny.

Aydheea 24:21

Dïcäŋeca, Wuuö Jwøk gïïa jïge da teek maalø jääle jäälö kwöra enge yïthge maal, ni jääl nyeye mo piny bäät piny.

Aydheea 24:4

Piny 'otal kaamar bøøk jaath, ni tïme ni kïmmö. Eno tal ni kïmme ki jiy bëët moa kwörge døøŋŋø mo wø bëëdö yie.

Aydheea 40:23

Bee eni ni wø dwøk kwääri piny ni tïïc ge kaamar gïn mo bäŋgø; ni bee eni ni wø tïïc dïŋut luup mo bäät piny kaamar gïn mo bäŋ tiere.

Aydheea 42:15

Kïte ki thuuri wëëga pädhö, ni ö japa no otuy bäätge bëët ni talge; näm wëëga dwön ni ŋørge ni tïmge na acuul, ni taala pulli.

Aydheea 5:15

Kanyøgønø wïth jiy døøa piny, ni ö jøøa kwörge døøŋŋø ni dwøk wïthge piny, ni ö bëëtö mar jø wø tïŋ dëëtge maal ni dwøgi piny.

Aydheea 61:2

nee cwiino ö eni noo nyooth met ec mare yie, ki cäŋ ajäla mare, eni na Jwøk marø, nee køba, nee jiy bëët moa näk kïmmö nee cwïnyge cøma,

Jeremaya 12:9

Jiya atïmö kaamar wenyø mo path ki jï weny, mo ociel wenynyi bëët dïër. Cou ni cooŋu lääc paap bëët kanya ciel, ni kälu geni nee jiya ni caal wenynyøgø enø camge.

Jeremaya 13:9

ni «Mana ŋøla, a na Wuuö Jwøk, beeye en, aana köö, na ‹Atöör mana dwøŋ mar jø Jerucalem ka atöör mar jø Juuda møga bëët raanynya raanynyø kaawat mana räny abïïnögø.

Jeremaya 30:7

Wui! Dïcäŋo täk gïïögø yie otïmö na cäŋ mo raac døc, mo bäŋ cäŋ mo pääri ki gø; ni beeye cäŋo pïïc gïï mo lethi yie dëët nyïïkwaac Jeekap, 'ba geno piem yïth gïïögø.

Jeremaya 46:10

Kiper dïcäŋöce beeye cäŋ mar Kwäärö Wuuö Jwøk, eni na wïth jammi bëët, ni beeye cäŋ mano cool kwöri yie dëët nyïïmän moe. Opëëllö ocämö rege gøøc mano jääŋe, ni mädhe ki rem moge këël mano røme. Kiper Kwäärö Wuuö Jwøk, eni na wïth jammi bëët, ge wëëge ŋaal kaamar olämme yi paano enge yie jï løø wï-piny bäät Naam Upareeti.

Jeremaya 50:31

«Wui, Babiløn, ï na paana bëëdö niï töödö, Ka adïëri møn, Kwäärö Wuuö Jwøk, eni na wïth jammi bëët, mare caane caanø dëërï, kiper cäŋ marï aöö, ni beeye kanya wäŋŋi noo jääl ïïni yie.

Edhikiel 13:5

Ge kär ci kuna koorge kwöra ŋaam dëër kiir, ni bäŋe gïn mo ege tïïö ki man cäŋge kiir geerrø deŋ Icriel, nee jø Icriel cuŋge ri leny mar cäŋ Wuuö Jwøk.

Daniel 4:37

Kawaane a na Nabukedenecör, a pwøya nyeya mar maal, ni tïŋa nyeŋŋe maal, ni jiema eni, kiper tïïe moe bëët beege adïëri, ni jïëth tïïe moe tiir, ni eni løny jïre ki man dwøk jiy piny mo wø bëëdö ni cwïnyge da atöör.

Amøc 5:18

Otïmö ni raac jïïu, u ni many dïcäŋa näk mar Wuuö Jwøk. ?Agïnaŋø noo duu dïcäŋa näk mar Wuuö Jwøki jïïu? Dïcäŋa näk mar Wuuö Jwøk otïmö na muudhö ni patha tar.

Mikiya 2:3

Kiper manøgønø, mana caan Wuuö Jwøki beeye en, ena köö, ni «Ka adïëri møn, aani, a cädö ki man känna bäätu ki gïn mo leth, ni uuni bäŋ ŋat mo bøth ki gø; ni ba cäädhu këët ni jiy raŋu piny, kiper kar kaace, piny obëëdö ni raac.

Mikiya 5:11

Aani thuwø, päänye moa en yi ŋöömö maru raanynya raanynyø, ni ö kwör gwøk røki mou moa teek ni nyaa ge piny.

Jepaniya 1:16

Ni beeye cäŋ mano wïny dwør tuuŋ yie, ki dööt jø leny mo nyaga päänye moa no ogeerø ni teek, ki uut koor moa no ogeer maal yïth gøøde mo kiir.

Jepaniya 3:11

'Ba dïcäŋöca, u na jiya, wïthu ba lääy këët kiper japa reyø bëët na tïïyu dëëra. Kiper jiy bëët mo wø töödö ni pwøya dëëtge, ge raanynya raanynyø yi Jerucalem; ni tïme ni bäŋ dhaanhø mo töödö këët bäät kïdi mara na en kur keere.

Milkiya 4:1

'Ba Wuuö Jwøk, eni na wïth jammi bëët, aköö, «Neennu, da dïcäŋ mo öö, ni da maac mo liel døc kaamar maa dwaar; ni ö jø atöörri ki jø raay bëët ni tïmge kaamar lethø, ni put ge waaŋ dïcäŋöce kaamar jaath mo owaaŋ ki dëëre bäre këël lweete, ni bäŋgø mo dööŋ dëëtge na bäre bäre.

Milkiya 4:5

«'Ba kanyo poode ni dïcäŋ mara, a na Wuuö Jwøk, poot kär öö, ni beeye dïcäŋo täk gïïa døøŋŋø yie, noo lwäärö ki gø, nyikugö mara ma Ilaaja ojääŋŋa baŋu.

Mathiew 23:12

Kiper ŋat wø døøc dëëre mo dwøŋ, odwøk piny. 'Ba ŋat wø dwøk dëëre piny, kare otïïc ni dwøŋ.

Luk 14:11

Kiper jiy bëët mo wø døøc dëëtge mo døøŋŋø, odwøk piny. 'Ba ŋat wø døøc dëëre mo can, otïïc ni dwøŋ.»

1 Körin 5:5

ŋatøgø wär wëëgu Ceethan, nee dëëre raanynyi, kiper nee jwïëye jïte ki pïëm yi dïcäŋo näk cäŋ Kwäärö ma Jecu.

1 Thecalönika 5:2

Kiper uuni ki dëëtu, ŋäyu døøc, ni Cäŋ Kwäärö öö kaamar kuu ni wø ööi ki wäär.

Jeemeth 4:6

'Ba eni wø cïpö ki met ec mo päl. Ni beeye ni wø caan, ni «Jwøk män ka jø atöör, 'ba met ec wø wëëge jøøa mwöl.»