Aydheea 2:11 - Wëël Jwøk

¹¹ 'Ba nyøth røk ka atöör mar jiy odwøk piny, ni ö bëëtö mar jø wø tïŋ dëëtge maal ni dwøgi piny. 'Ba Wuuö Jwøk keere beeye noo bëëdö ni di jiemø dïcäŋöce.

Aydheea 2:11 Iomraidhean Croise

2 Camiel 22:28

Jøøa no ocaarø wø kønyï kønyø; 'ba jø wø töödö, waŋï wø këëta rege ki man dwøgï wïthge piny.

Pwöc Leec Wïc 16:5

Wuuö Jwøk yie raac ki jiy bëët moa näk cwïnyge da atöör; ka adïëri møn, geni, ge ba bøth ka ajäla.

Pwöc Leec Wïc 30:13

Da jiy mo wø raŋa jiy piny, na atöör marge wø di joodø nyeŋge.

Aydheea 10:12

'Ba kanyo nø ö Wuuö Jwøki noo nø thöör tïïe moe bëët bäät Kïn Dhayan dëër pääny Jerucalem, eni köö, «Aani, nyeny Aciria jääla jäälö kiper ŋwøc mare na raac na en cwïnye, ka atöör mare na näk nëënö waŋe.»

Aydheea 12:1

'Ba dïcäŋeca ŋati man nø dïïu oköö, «Wui ï na Wuuö Jwøk, nyeŋŋï pwøa pwøø; kiper wëër marï apaanyï bääta, ni cømï cwïnya, këël na bëëdï ni ïïno wëër ki aani.

Aydheea 12:4

'Ba dïcäŋeca uuno köö jï jiy, ni «Dwøgu met ec jï Wuuö Jwøk, ni pwøyu nyeŋŋe, ni caannu tïïe moe jï wïth juurre nee ŋäcge, ni parru wïthge ki nyeŋŋe ki man näk mo eni kare dwøŋ.»

Aydheea 13:11

'Ba a na Wuuö Jwøk, piny jääla jäälö kiper rääö mare, ni jääla jø raay kiper raay moge. Aani thuwø, jø atöör, atöör marge raanynya raanynyø, ni ö bëët koorrø mar jøøa no ogäy ni dwøga gø piny.

Aydheea 14:15

'Ba ïïno nø kïth piny kar bëët jwïëc jøøa no othøw, yi buur mana bäär døc na en kuya.

Aydheea 2:17

'Ba atöör mar jiy odwøk piny, ni ö bëëtö mar jø wø tïŋ dëëtge maal ni dwøgi piny. 'Ba Wuuö Jwøk keere beeye noo bëëdö ni di jiemø dïcäŋöce.

Aydheea 23:9

Beeye Wuuö Jwøk, eni na wïth jammi bëët, na ŋøl gïnögø bäät gø, ni lää wï gø, ni raany japa mïërö bëët na tööde kiperge, ni tïïc jic gø bëët moa no owøørø nee taak bäät piny.

Aydheea 24:21

Dïcäŋeca, Wuuö Jwøk gïïa jïge da teek maalø jääle jäälö kwöra enge yïthge maal, ni jääl nyeye mo piny bäät piny.

Aydheea 25:9

'Ba dïcäŋeca, jiy oköö, «Raŋŋu, man beeye Jwøk marø mana koorø nee ø pieme. Man beeye Wuuö Jwøk mana koorø; beerra man kanynyø ni mïn yïthø ki pïëm mare mana piem øøni ki gø.»

Aydheea 26:1

'Ba dïcäŋeca duut man di wärö yi ŋööm Juuda, na ennø nø: Waani, jïwa da pääny mo teek, kiper Jwøk waana mooe ki kiir mo teek mo piema waani.

Aydheea 28:5

'Ba dïcäŋeca Wuuö Jwøk, eni na wïth jammi bëët, otïmö ni beeye aduda mana mïërö, na adun ajiem kiper jiye moa dööŋ ni kwøw.

Aydheea 29:18

'Ba dïcäŋece, miiŋŋe luup moa no ogöörö yi wëëlö wïnyge wïnynyö, ni ö jøøa en yi muudhö, na näk nyeŋge onijïïm ki cöörö, ni nëënge.

Aydheea 30:18

'Ba Wuuö Jwøk poot manynya uuni ki man cäŋ mëër mare nyoothø jïïu, ni poot koora uuni ki maal ki man nyooth bäth ec mare jïïu. Kiper Wuuö Jwøk beeye Jwø adïëri. Gwïëth en bäät jiy bëët mo wø bëëdö ni koora eni.

Aydheea 30:23

Køøre nø, Wuuö Jwøk køth ojääŋŋe jïïu kiper köödhi moo piithu yi ŋöömö, ni ö jammi moo ciek yi ŋöömö ni duunne jïïu ki cam mo päl. 'Ba dïcäŋece, lääc paac mou geno cämö kar kwaath mo laac.

Aydheea 37:23

?Aŋa nø na päätï na janynyï? ?Aŋa na kwöŋŋï bääte, na ŋuuï nyeŋŋï wøk bääte niï töödö? ?Paa bääta, a na Jwø Icriel na en kur keere?

Aydheea 4:1

'Ba dïcäŋeca, mään abïriiø dïcwøø aciel ogamge ni köge jïgø, ni «Beerra man tïmï ni ïïna cøwa, nee laac wïc marwa nee aae bäätwa; 'ba cam mano camwa ka abïïe moo käärwa ojootwa baŋwa keerwa.»

Aydheea 40:23

Bee eni ni wø dwøk kwääri piny ni tïïc ge kaamar gïn mo bäŋgø; ni bee eni ni wø tïïc dïŋut luup mo bäät piny kaamar gïn mo bäŋ tiere.

Aydheea 52:6

Kiper manøgønø, jiya nyeŋŋa otïmö ni ŋäcge; kiper noo tïme na dïcäŋeca, oŋäcge ni bee aani noo cäänö; ka adïëri møn, bee aani.»

Jeremaya 12:9

Jiya atïmö kaamar wenyø mo path ki jï weny, mo ociel wenynyi bëët dïër. Cou ni cooŋu lääc paap bëët kanya ciel, ni kälu geni nee jiya ni caal wenynyøgø enø camge.

Jeremaya 9:24

'ba ŋat mo töödö, wär tööde kiper mana näk mo wïïe da acaara ki man ŋäc aani, a na Wuuö Jwøk, ni ŋäc gø ni beeye aani ni wø nyooth mëër man wø ba jøøl, ka adïëri ki bëënynyö bäät piny, kiper yia wø met ka teeŋ gïïögø.» Luummögø caana Wuuö Jwøki.

Edhikiel 38:14

«Kiper manøgønø, ï na wär dhaanhø, caan luummi jï Göök ni kööï ni man beeye luumma caan Kwäärö Wuuö Jwøki, ena köö, ‹?Aŋø, dïcäŋo ö jiya ma jø Icriel noo bëëtge ni bäŋ gïn lääŋge, ba løny man ŋäyï gø?

Edhikiel 38:19

'Ba ki køør këëny cwïny mara ki wëër mara ni wø liel kaamar maac, a caana gø ni dïcäŋögø otïmö ni da dïjäŋ piny mo dwøŋ døc yi ŋööm Icriel.

Edhikiel 39:11

« ‹'Ba noo tïme na dïcäŋeca, aano cïpi ki kar bwörö yi ŋööm Icriel kiper Göök. Ni bee yi gool man wø ŋutö ki yie ki jï løø kur tuul-cäŋ mar Naam Acäbö. 'Ba øtjöö manøgø oput cïëgö, kiper mano koony Göök ki lwaae moe yie kaace. Køøre nø, oput cwøl ni Goor Lwaa Göök.

Edhikiel 39:22

'Ba ki mano täge ki dïcäŋeca këël yi nyïme, jø dhi øt Icriel oŋäcge ni bee aani na Wuuö Jwøk, Jwøk marge.

Daniel 4:34

'Ba kanya thum cwiiri moøgø na abïriiø yøø, a na Nabukedenecör, nyeŋŋa ataa maal, ni ö acaara mara ni put duu baŋa, ni ö Jwøa dwøŋŋi ni en maal ni puta gø pwøc, ni wøøra eni, ni jiema eni, eni ni wø bëëdö na bäre bäre. Teek mare bëëdö na bäre bäre, ni buc nyec mare këëta yïth beenhnhe bëët,

Odheea 2:16

'Ba dïcäŋöca aano cwøle na ‹Acwørø›, ni ba cwøl a këët ni ‹Kwääya›. Luummögø caana aani, a na Wuuö Jwøk.

Odheea 2:18

Dïcäŋöca a tudö ki luubö ki lääc paap, ki weny mo maal, ki gïï wø muuli ki yïth ŋøøm. Aani, atheerø, ko opëëllö, ki leny, raanynya raanynyø yi ŋöömö, ni wëëga jiya niine jaak ni bäŋ gïn lääŋge.

Odheea 2:21

«'Ba dïcäŋöca a na Wuuö Jwøk lam mar jiya ma jø Icriel oløøa. Maal otïïa nee køth jääŋŋe piny,

Jool 3:18

«'Ba kanyo tïme na dïcäŋece, kïte tïmö ni lwanynyi ki køøŋ nyïïomøki mo ŋweeth, ni tïm thuuri ni caak kwönna wøk ki bäätge, ni tïm nyeŋ nämmi moa en Juuda ni kwödö ki pïï. Ni tïm pï jøøro ni kwönna wøk ki yi Øt Wuuö Jwøk, ni jwøc goor Cëthim.

Amøc 9:11

«Da dïcäŋ mo öö mo wï po Deebit mana no opädhö tïŋa maal, ni dwøga kwöra näk oränynyö karge, ni cäŋa gïïa näk oränynyö geerrø, ni dwøga gø kare kaawat mana bëëde dïkwøŋ.

Obadiya 1:8

'Ba Wuuö Jwøk aköö, ni «Noo tïme na dïcäŋeca, cwøw moa wïthge leer mo jø Ëdöm, ki cwøw mo wø bëëdö bäät kïn Icøø, ni wø laar tiet luup kwany, ge raanynya raanynyø.

Mikiya 2:3

Kiper manøgønø, mana caan Wuuö Jwøki beeye en, ena köö, ni «Ka adïëri møn, aani, a cädö ki man känna bäätu ki gïn mo leth, ni uuni bäŋ ŋat mo bøth ki gø; ni ba cäädhu këët ni jiy raŋu piny, kiper kar kaace, piny obëëdö ni raac.

Mikiya 4:6

'Ba mana caan Wuuö Jwøki beeye en, ena köö, ni «Noo tïme na dïcäŋece, aani, ŋööte cooŋa kanya ciel, ni lema jiy moa no ojarø, ki moa näk bäätge yaa kïthö ki gïï mo leth.

Mikiya 5:10

'Ba mana caan Wuuö Jwøki beeye en, ena köö, ni «Noo tïme na dïcäŋece, aani okwëënyi mou moa en dïïu, wïthge dïïra dïïrö, ni raanynya jïëth leny mou mo wø tut okwëënyi.

Jepaniya 3:11

'Ba dïcäŋöca, u na jiya, wïthu ba lääy këët kiper japa reyø bëët na tïïyu dëëra. Kiper jiy bëët mo wø töödö ni pwøya dëëtge, ge raanynya raanynyø yi Jerucalem; ni tïme ni bäŋ dhaanhø mo töödö këët bäät kïdi mara na en kur keere.

Jepaniya 3:16

'Ba ï na Jerucalem, dïcäŋöca ocaan jïrï na ennø nø, «Wui, Dhayan, kärï lwäyö! kär bäätï wëëk pädhö.

Dhekaraya 9:16

Wuuö Jwøk, Jwøk marge, geno pieme dïcäŋöca kaa man wø ö dïkwääyi wø piem dïëk moe cer gïn mo raac; kiper geno tïmö ni ge mïërö yi ŋöömö mar Wuuö Jwøk kaamar nyeŋ kïte moa perge leth ni wø en dëër aduda.

Milkiya 4:1

'Ba Wuuö Jwøk, eni na wïth jammi bëët, aköö, «Neennu, da dïcäŋ mo öö, ni da maac mo liel døc kaamar maa dwaar; ni ö jø atöörri ki jø raay bëët ni tïmge kaamar lethø, ni put ge waaŋ dïcäŋöce kaamar jaath mo owaaŋ ki dëëre bäre këël lweete, ni bäŋgø mo dööŋ dëëtge na bäre bäre.

Luk 18:14

«A cäänna uuni, ni ŋatøgø aaa paare no ojïëö ni mare beer, ni kwier maya. Kiper jiy bëët mo wø døøc dëëtge mo døøŋŋø, odwøk piny. 'Ba ŋat wø døøc dëëre mo can, otïïc ni dwøŋ.»

2 Körin 10:17

Kaawat mana gööri, «Beerra man ö ŋat wø töödö ni tööde ki nyeŋ Wuuö Jwøk.»

2 Körin 10:5

Wa wø nyaga pïëm, ki jammi bëët mo wø thïïŋ røkge ka atöör ni ge gëëŋa jöör Jwøk ki man ŋääi. Ni peecwa acaare bëët nee dwør Krictø leŋge.

2 Thecalönika 1:10

dïcäŋo ööe noo jiemi dï jiye, noo tïm yïth jøøa ŋäädhö bëët no orëëm ki mare, kiper mana jïëyu marwa na køpwa jïïu kiper cäŋöce.

1 Piter 5:5

'Ba u ni therø thuwø, leŋŋu luup jaak acooŋ Jwøk. Bëëdu nou mwöl ki røgu keeru karubëët, kiper Jwøk män ka jø atöör, 'ba met ec wø wëëge jøøa mwöl.