Aydheea 19:21 - Wëël Jwøk

²¹ Wuuö Jwøk dëëre onyoodhe jï jø Ijep, ni ö jø Ijepi ni ŋäcge Wuuö Jwøk dïcäŋeca, ni putge tïmö ni Jwøk lamge ni ge cïpö ko olämme ki muuce, ni ge kööŋ nyïm Wuuö Jwøk ni gwøkge japa kööŋge kiperge.

Aydheea 19:21 Iomraidhean Croise

1 Nyeye 8:43

beerra man wïnynyï gø kany wø bëëdï yie maalø, ni tïïyï gø ki køør gïïa pëënynye bëët, nee nyeŋŋï ŋäc jø bäät pinynyi bëët, niï lwäärge kaawat man wø tïïc jiyï ma jø Icriel, nee ŋäcge møn ni øtø man ni yaa geerø en, cwøla ri nyeŋŋï.

Luup Dïpööy 5:4

Kany wø kööŋï nyïm Jwøk, kärï ruu ki man tïïyï gïna kööŋï kipere. Kiper Jwøk yie ba mïnni ki ŋat mo wïïe bäŋ acaara. Tïïc gïna kööŋï kipere!

Aydheea 11:11

Dïcäŋeca Wuuö Jwøk cere cäŋe ka tïŋ maal ri rietge ki man duu jiye baŋe moa no odööŋ ni kwøw ya Aciria, ki Ijep, ki thääŋ ŋööm Ijep mana cwøl ni Patröc, ki moa no odööŋ Kuuc, ki Ilam, ki Babiløn, ka Amath, ki deŋ naama dwøŋ.

Aydheea 11:9

'Ba bäät kïdi bäre na en kur keere mar Wuuö Jwøk, tïmö ni bäŋ ŋat mo tïïö ki gïn mo raac yie wala mo räänyö; kiper piny opäŋ ki kwänynyö man ŋäc Wuuö Jwøk kaawat mano ö pïïyï othaar naama dwøŋ.

Aydheea 27:13

Noo tïme na dïcäŋeca thuwø, tuuŋ di koodhø ni dwøre ena maal døc, ni ö jiyi moa no orwäänyö yi ŋööm Aciria, ki moa no okeethø yi ŋööm Ijep, ni öge ni wøørge Wuuö Jwøk bäät kïnna en kur keere yi Jerucalem.

Aydheea 37:20

'Ba ennø, wui, Wuuö Jwøk, Jwøk marwa, piem waani cer nyeny Aciria, nee ŋäc buc nyeye bëët mo bäät piny ni bee ï keerï na Wuuö Jwøk.»

Aydheea 44:5

'Ba ki dï jøøgø, ŋat mør köö, ni ‹Aana mar Wuuö Jwøk;› ni ö maya ni cwøl nyeŋŋe ri Jeekap; ni ö mørri ni gööt cere, ni ‹Manna mar Wuuö Jwøk,› ni cak nyeŋ Icriel na nyeŋ mo owøørø.»

Aydheea 45:14

Man beeye dwør Wuuö Jwøk, ena köö, ni «Jap kwärö mo jø Ijep, ki gïïa perge leth mo jø Kuuc, otïmö na moï, ni ö jø Caaba moøgø ni bäyö yøø ni öge baŋï. Geno cäädhi køørï ni geno twöö ki tiimme, ni këëlge cøŋge piny nyïmï; ni cäänge ni köge, ni ‹Ka adïëri møn, Jwøk bëëdö ka ïïni, ni bäŋ Jwøk mør këët ni näk mo paa eni.› »

Aydheea 49:7

Man beeye dwøl mana caan Wuuö Jwøki, eni na wïïl jø Icriel wøk, eni na Jwøa en kur keere; ni luubö manøgø caane jï ŋata no otaaø, na no okwier wïth juurre, na laŋŋø mar dïbwöthe, ena köö, ni «Nyeye ïïno neenge ni öge maal, ni ö kwääri ni këëlge cøŋge piny ni ge wøøra ïïni, kipera, a na Wuuö Jwøk na no oŋäädhö, a na Jwø Icriel na en kur keere na jier ïïni.»

Aydheea 55:5

'Ba eni wïth juurre mo kuue ocwøle, ni ö wïth juurre moa kuc eni ni rïŋge baŋ gø, kiper a na Wuuö Jwøk, Jwøk mare, a na Jwø Icriel na en kur keere, eni mooa mooø ka ajiem.»

Aydheea 56:7

ge tïïa tïïö nee öge bäät kïdi mara na en kur keere, ni mooa geni ki met ec yi øt lam mara. Olämme moge mo wø waaŋ, ki muuce moge, di jïëö ki man cïbi bäät gïn wø cïp olämme bääte mara; kiper øtø mara ocwøl ni Øt Lam kiper wïth juurre bëët.»

Aydheea 60:7

'Ba pïïth dïëk bëët mo jø Këdar ogwäär baŋï, ni ö nyöök rööm mo jø Nebayöt ni kønyï riï ki ge; geno jïëc ki man cïp geni no olämme bäät gïn wø cïp olämme bääte mara, a na Wuuö Jwøk, ni ööa ni jiema øtø mara na näk øt ajiem.

Aydheea 66:23

Kany wø päär dwääyi man nø, ki kany wø ö cäŋ jwömö man nø, jiy bëët geno wäro ö nyïma ni wøørge aani.

Joona 1:16

Køøre jiy aput lwäyö døc ki Wuuö Jwøk, ni cïpge ko olämi jï Wuuö Jwøk ni putge kööŋ.

Abakuk 2:14

Kiper piny opäŋ ki ŋäc ajiem mar Wuuö Jwøk, kaawat man wø ö pïïyi ni wø pääŋ naama dwøŋ.

Jepaniya 3:10

'Ba jiy moa en løø näp jø Kuuc løøga, ni beege jiy 'moa moa no okeethø ni wø wøør aani, geno känni jïra ki muuce.

Milkiya 1:11

'Ba nyeŋŋa otïmö ni dwøŋ dï juurre, ni tägi ka jï løø kur tuul-cäŋ këël jï løø kur pänh-cäŋ; ni ö gïn wø jïye ŋwääi ni met ki muuce mo beel moa näk liil ni cïbi jïra ki yi piny bäre, kiper nyeŋŋa otïmö ni dwøŋ dï juurre.» Gïnögø caana Wuuö Jwøki, eni na wïth jammi bëët.

Jøøn 17:3

Ni man en beeye kwøw mana näk adïëri mo bäŋ cuŋŋe, niï ŋäcge, ï na näk Jwøk mana näk adïëri keere, ki Jecu Krictø na jääŋŋï.

1 Piter 2:5

Ni tïmu nou caala kïte mo kwøw, ni uuno geerø ni uuna øt Jwøk, nou tïmu ni uuna dïlämme moa en kur keerge, nou cïpa cwïnynyu na en køør Jwøk jï Jwøk no olämme mo wø jïëc Jwøki ki køør Jecu Krictø.

1 Piter 2:9

'Ba uuni, uuna jiy mo ojierø, ni nägu dïlämme mo tuuŋ kwär, na jiy mo ena kur keerge, na jic Jwøk kiree, kiper nee moa beyø na tïïc ŋata cwöl uuni wøk ki yi muudhö ni kïth uuni yi taye na beer døc, nee køpu.

1 Camiel 17:46

'Ba dïcäŋi Wuuö Jwøk ï cïbe cera, ni nääa ïïni, ni ŋula wïïï wøk. 'Ba aani, dëët jø leny mo jø Pilitin moo 'näk dïcäŋi, wëëga wec maal ki lääc paap mo bäät piny, kiper nee ŋäc jø bäät pinynyi bëët ni Jwøk mana na adïëri nut dï jø Icriel;