Aydheea 19:19 - Wëël Jwøk

¹⁹ 'Ba dïcäŋeca, otïmö ni da gïn wø cïp olämme bääte jï Wuuö Jwøk dï ŋööm Ijep, ni ö waŋ keew mare ni cöönhnhi ki kïdi na nyuudhi jï Wuuö Jwøk.

Aydheea 19:19 Iomraidhean Croise

Wïlöölö 12:7

Kanyøgø Wuuö Jwøk ree anyoodhe jï Abram ni kööe, ni «Aani ŋøøpi ii cïba cïbö jï nyïïkwaayï.» Køøre Abram atïïö ki gïn wø cïp olämme bääte jï Wuuö Jwøk na nyooth ree jïgø.

Wïlöölö 28:18

'Ba na tïme na amöölla cøøn Jeekap aö maal, ni lwør kïdi mana thäänhe ki gø, ni cwöth gø piny kaace na nyuudhi, ni thii maaw wï gø.

Bwøth Wøk 24:4

Ni ö Modhe ni göör luup piny bëët moa caan Wuuö Jwøki. Køøre ena ö maal ka amöölla cøøn, ni cøøe ni tïïe ki gïn wø cïp olämme bääte tier kïdi, ni tïïc gø ki kïte apaar kurriiø mo ee cwöth piny ni ee päärö ki kwään wïth tuŋi mo jø Icriel na näk apaar kurriiø.

Aydheea 56:7

ge tïïa tïïö nee öge bäät kïdi mara na en kur keere, ni mooa geni ki met ec yi øt lam mara. Olämme moge mo wø waaŋ, ki muuce moge, di jïëö ki man cïbi bäät gïn wø cïp olämme bääte mara; kiper øtø mara ocwøl ni Øt Lam kiper wïth juurre bëët.»

Aydheea 60:7

'Ba pïïth dïëk bëët mo jø Këdar ogwäär baŋï, ni ö nyöök rööm mo jø Nebayöt ni kønyï riï ki ge; geno jïëc ki man cïp geni no olämme bäät gïn wø cïp olämme bääte mara, a na Wuuö Jwøk, ni ööa ni jiema øtø mara na näk øt ajiem.

Aydheea 66:23

Kany wø päär dwääyi man nø, ki kany wø ö cäŋ jwömö man nø, jiy bëët geno wäro ö nyïma ni wøørge aani.

Jeremaya 46:2

ni tägi ka Ijep. Ni mana caane kiper jø leny mo Peerø-Nekø nyeny Ijep, ŋata bööti bäät Naam Upareeti päänya cwøl ni Karkëmec, na bööt Nabukedenecörri nyeny Babiløn kanya tïme na ri ŋweer cwiiri moa beet Jeyöakëmmi o Jöcaya ni ena nyeny Juuda, beeye en:

Edhikiel 29:1

'Ba kanya tïm cwiic mäk marwa ki tøŋ na apaar, ni nïr dwää apaar, apaar kurriiø, dwør Wuuö Jwøk aö bääta ni kööe,

Edhikiel 30:1

'Ba dwør Wuuö Jwøk acäŋ ö bääta ni kööe,

Edhikiel 31:1

'Ba kanya tïm cwiic mäk marwa ki tøŋ na apaar kurciel, ni nïr dwää adäk aciel, dwør Wuuö Jwøk aö bääta ni kööe,

Edhikiel 32:1

'Ba kanya tïm cwiic mäk marwa ki tøŋ na apaar kurriiø, ni nïr dwää apaar kurriiø aciel, dwør Wuuö Jwøk aö bääta ni kööe,

Dhekaraya 6:15

'Ba jøøa kwörge bäyö geno ööi ni kønyge uuni ki geer øtø mar Wuuö Jwøk; køøre putu ka ŋäc ni bee Wuuö Jwøk, eni na wïth jammi bëët, na jääŋ aani baŋu. Gïnögø otägi ni näk dwør Wuuö Jwøk, Jwøk maru, leŋu leŋø.»

Ibaru 13:10

'Ba jïïø da gïn wø cïp olämme bääte, mo jø wø tïïö yo oduŋkaara kär jïëö ki man camge gïno cïp bääte.

Jøcua 22:10

'Ba kanya ö jø tuuŋ Ruben, ki jø tuuŋ Gaat, ki thääŋ tuuŋ Maneeca na pïïcge bäät Naam Jördan løøa en yi ŋööm Keenan, gena put tïïö ki gïn wø cïp olämme bääte mo dwøŋ mo nëëni ni mïërö buut Naam Jördan kaace.

Jøcua 22:26

«Kiper manøgønø, waana cädö ni beerra man tïïwa ki gïn wø cïp olämme bääte, ni paa kiper nee wa cïpwa bääte ko olämme mo wø waaŋ bäre wala olämme møga;

Jøcua 22:27

'ba beeye kiper nee tïme ni caala gïn ma nyuudhi mo ena yïthakicwa ki uuni ki beenhnhe 'moø moo ööi køørø, ni nyootha gø ni løny jïwa ki man öwa yi ŋöömö mana en oduŋkaany Wuuö Jwøki yie, nee eni tïnywa møn, ni cïpwa olämme mowa jï Wuuö Jwøk ki uuni na aciel, ni beege olämme mo wø waaŋ bäre, ko olämme møga, ko olämme mo wø duunni ki mëër; nee ba tïme ni løny jï nyïïkwaayu ki man köge jï nyïïkwaacwa yi nyïme, ni ‹Uuni bäŋ kuru cøøn kuna näk løø Wuuö Jwøk.›

Jøcua 22:28

«Kiper manøgønø, waana cädö ni kanyo tïme na kar kaaca, ni näk mo jøøgø gïnögø caange caanø jïwa wala jï beenhnhe mowa moo ööi, køøre nø, nyïïkwaacwa läwa köö, ni ‹Neennu gïn wø cïp olämme bääte mana tïïc kwäcwa ni ge ŋwaala mar Wuuö Jwøk, ni paa kiper nee cïpö bääte ko olämme mo wø waaŋ bäre wala olämme møga; 'ba beeye kiper nee bëëde na nyuudhi mo ena yïthakicwa ki uuni.›

Jøcua 22:34

'Ba jø tuuŋ Ruben ki jø tuuŋ Gaat, gïn wø cïp olämme bääte manøgø aputge cwøl ni «Nyuudhi»; kiper mana köge, ni «Gïnögø beeye nyuudhi mano bëëdö yïthakiyø, ni nyootha gø ni Wuuö Jwøk beeye Jwøk møn.»