Aydheea 18:4 - Wëël Jwøk

⁴ Kiper man beeye gïna caan Wuuö Jwøki jïra, na kööe, ni «Aani a bëëdö naa lïŋö naa rääŋö ki kanya ena yie kar bëëtö mara, kaamar däär cäŋ man wø rieny ni lïëth, ni tïme kaamar pöölö mo ŋec kany wø näk ri kac beel ni cäŋ kwaar.»

Aydheea 18:4 Iomraidhean Croise

2 Camiel 23:4

eni tïmö kaamar tiet øw kany wø bëëde ni cäŋ tuulö, ni tïme ni caala maal mo bäŋ pøøl kany wø bëët pinynyi na amöölla, ni tïme ni nëëni ni mïërö ni caala luum mo pulli mo tuya piny, kany wø rieny cäŋŋi køør køth.›

2 Luup Nyeye 6:21

Beerra man wïnynyï kwac mara, a na dhaanhnhï, ki kwac mar jiyï ma jø Icriel, kany wø lämge ni nyïmge ege luu Øt Jwøk kany. Beerra man wïnynyï gø kany wø bëëdï yie maalø; beerra man wïnynyï gø møn ni wëënnï waani.

Pwöc Leec Wïc 19:12

Wëër mar nyeya caala man wø wëër ŋuuwi, 'ba met ec mare caala man wø ö thööyi ni wø øc tiet beel.

Aydheea 12:6

Wärru ki dudi ki met ec ni döötu you tïŋ maal, u na jø Dhayan, kiper Jwø Icriel na en kur keere na en yïthakiyu dwøŋŋa eni.

Aydheea 14:32

?Aŋø, agïnaŋø noo løk jï jiy moa öö ni ge jääŋŋa wï jurri mør? Gïno løk beeye ni Wuuö Jwøk Dhayan anø tïïe ni teek, 'ba jiye moa no ocaarø, rege ogwøkge yie.»

Aydheea 18:7

'Ba noo tïme na kar kaaca, muuy di kälö jï Wuuö Jwøk, eni na wïth jammi bëët, ki baŋ jøøa bäyö na dëëtge pøøth, ni beeye wï jur mo jiy moa kwörge cärö ki moa kwörge bäyö lwäär ki gø, ni beege wï jur mo teek mo dïmö, mo ŋøøm moge oŋør nämmi. Muuy di kälö ni kïthi bäät Kïn Dhayan na näk kar bëët nyeŋ Wuuö Jwøk, eni na wïth jammi bëët.

Aydheea 26:19

Jiy moï moa thøw geno cäŋ kwøwø, ni ö rïŋ dëëtge ni cäŋge ö maal. Wui, u na näk obutö yïth bwör, päyu ni ööu maal ni kwöŋŋu ki met ec. Kiper Wuuö Jwøk jiy moa no othøw wëëge kwøw, kaa man wø ö thööy wø jwøc bäät piny ka amöölla.

Aydheea 26:21

Kiper ka adïëri møn, Wuuö Jwøk öö ki maal kar bëëtö mare, ni ö piny kuna jääl jiy moa en bäät piny kiper raay moa tïïcge. Ni ö rem jiy moa no okøny piny no okanø ni nëëne, ni ba løny këët ki man ö ŋøømmi ni kan jiy moa no onääö.

Aydheea 31:9

'Ba man beeye dwør Wuuö Jwøk, na näk maac mare ena Dhayan, ni këën maac mare man wø liel døc ena Jerucalem, ena köö, ni «Kïn gwøk røk mana teek mar jø Aciria pädhö ki køør böök, ni ö kwääri mo lwaa leny moge ni lwäcge døc kanyo neenge ŋïï mar leny.»

Aydheea 46:13

Adïëri mara nyïïa kany mo cään, ni kare ba bäär këët. Pïëm man piema jiy ki gø ba ruu. Pïëm man piema jiy ki gø kïtha yi Dhayan, ni nyoodha ajiem mara jï jø Icriel.

Aydheea 57:15

Kiper Wuuö Jwøk, eni na en maal na kare dwøŋ, ni wø bëëdö na bäre bäre, ni wø nyeŋŋe en kur keere, ena köö, ni «Aani, a bëëdö maal kany mo ena kur keere, naa bëëdö thuwø ni kara cään ki jiy moa näk cwïnyge opädhö kiper raay moge, ki jiy moa näk cwïnyge opädhö ki køør japa leth na pïï bäätge, nee jiy moa näk cwïnyge opädhö nee cwïnyge cøma, ni mooa jiy moa no ocaarø ki jwöm ki yïth cwïnyge.

Odheea 14:5

A tïmö naa caala thööy ki jï jø Icriel, ni ö jø Icrielli ni løthge ni ŋøøkge kaamar apiitø, ni këët lweetge piny kaamar jer lur Libaanø.

Odheea 5:15

Køøre a aay ni døøa kar bëëtö mara, këël kanyo ŋäcge gïïa reyø na tïïcge, ni duuge ni manyge täärnyïma. Kanyo enge yïth gïï mo leth, aano manyge døc.

Jool 3:17

«Køøre nø oŋäyu møn ni beeye aani na Wuuö Jwøk, Jwøk maru, naa bëëdö Dhayan bäät kïnna na en kur keere. Jerucalem tïmö ni ena kur keere, ni bäŋ dhaanhø mo path mo ŋøla dïëre këët.

Amøc 3:7

Kiper Wuuö Jwøk bäŋ gïn mo tïïe jaak ni gïna näk ee cooŋø ki cwïnye käre caanø jï laaŋe na näk nyïïkuk moe.