Aydheea 17:8 - Wëël Jwøk

⁸ Geni, ge ba døø baŋ gïï wø cïp olämme bäätge na tïïcge ki ceŋge jï juuga reyø, ni ba lwïthge këët baŋ gïïa tïïcge ki lweetge, ni beege jenni moa näk ege tieŋø na no ocaa ri jwøa cwøl na Acara, ki gïï wø waaŋ gïï wø jïcge ŋwääi ni met bäätge.

Aydheea 17:8 Iomraidhean Croise

2 Camiel 22:42

'Ba kanya nëënge, bäŋ ŋat mo okøny geni. Këël mana kwacge ïïni, ï na Wuuö Jwøk, bäŋ gïn mo iï løø jïge.

2 Luup Nyeye 14:5

Ni ö eni thuwø ni raany kwör lam moa en bäät thuuri ki gïï wø waaŋ gïï wø jïcge ŋwääi ni met bäätge moa en yïth päänye bëët mo Juuda. Ni ö buc nyeci mare ni put jïtö ki bëët mëër ki ree.

2 Luup Nyeye 31:1

'Ba kanya thum wøør ajwöma bäre, jø Icriel bëët moa nut kaagø gena ci wøk yïth päänye mo Juuda, ni tøcge kïte moa no ocwöth piny na gïï lam, ni ŋøtge jenni piny moa no ocaa ri jwø wø cwøl na Acara, ni raanyge kwör lam moa en bäät thuuri mo wø lam juuga reyø yïthge, ki gïï wø cïp olämme moge bäätge. Gïïögø tïïcge yïth mïëc jø tuuŋ Juuda bëët ki jø tuuŋ Benjamen, ki yïth mïëc jø tuuŋ Ipariem ki jø tuuŋ Maneeca, këël mana thöörge japøgø bëët ki raanynyø. Køøre ge na jø Icriel bëët, gena duu yïth päänye moge, ni ö ŋati man nø ni døø yïth ŋøøpe.

2 Luup Nyeye 34:4

Ni ö gïï wø cïp olämme bäätge mo juuk wø cwøl ni Baal ni toorge ge piny ni nëënö jï nyeya; ni ö gïï wø waaŋ gïï wø jïcge ŋwääi ni met bäätge moa näk ocwöth piny buutge ni tøya nyeya piny. 'Ba eni jera no ocaa ri jwø wø cwøl na Acara ki kït gïï wø lam moa näk otieŋø ki moa näk oleenyø atøye na thäŋi thuwø ni guur ge na tør, ni køny tør marge bäät bwöc jøøa wara cïpö jïge ko olämme.

Bwøth Wøk 34:13

'Ba gïno tïïyu beeye ki man raanynyu gïï wø cïpge olämme moge bäätge, ni tøgu kïte moa näk ege cwöth piny kiper nee lamge, ni ŋødu jenni moge piny moa näk ege tieŋø ni wø lamge.

Aydheea 1:29

Uuni wïthu lääö kiper mana bëëdu nou lama jenni mo wø en cwïnynyu køørge, ni bëëdu ni wïthu lääö ki lam mana tïïyu kwöra näk you jierø yïth ajïniine.

Aydheea 10:20

'Ba noo tïme na dïcäŋeca, jø Icriel moo dööŋ ni kwøw, na bøth ri dhi øt Jeekap, otïmö ni ge ba göök ri jiy moa thöör geni këët, 'ba ge puta göök ri Wuuö Jwøk, Jwø Icriel na en kur keere na adïëri møn.

Aydheea 17:9

Noo tïme na dïcäŋeca, päänye moge moa teek otïmö ni caala kwör mo owiiø mo otïmö na paap, ni beege kwöra wec jøøa dïkwøŋ kanya reŋge ni ge ŋwieya jø Icriel; ni ö ŋöömö manøgø ni put dööŋŋö ni bäŋ jiy yie.

Aydheea 2:8

Ŋöömö marge bëëdö no opäŋ ki gïï wø lam na tïïcge ki ceŋge, ni ge wøøra gïïögø na tïïcge ki lweetge.

Aydheea 27:9

Kiper manøgønø, gïnögø otïmö na jöö man wëën bääyö mar Jeekap ki gø; ni gïno duu wëën raay manøgø beeye kanyo ö eni noo raany kïte mo gïn wø cïp olämme bääte ni tïïc ge kaamar tør mar kïn booya; ni beeye kanyo ö jenni moa näk ege tieŋø na no ocaa ri jwøa cwøl na Acara, ki gïï wø waaŋ gïï wø jïcge ŋwääi ni met bäätge noo tïmge ni bäŋgø mo cuŋŋi këët.

Aydheea 30:22

Køøre kït gïï wø lammu moa no olëënynyö ki gwel-bïrö ki moa no olëënynyö ki warkey ba wøørru këët; geni ge putu ka wetø kaamar abïï mo ree da gïn mo raac, ni kööu jïge, «Waana pää ki uuni!»

Aydheea 37:19

ni nø leeŋge juu mo jøøgø yi maac, kiper ge paa juu cøøn, 'ba gena gïï mo tïïc jiyi ka ceŋge, ni beege jen ki kïte jaak. 'Ba gena put nyeye mo Aciria raanynyø møn.

Aydheea 41:29

Ka adïëri møn, ge patha adïëri, ge bëët, ni tïïe moge bäŋ tietge, ni kïtge moa no otïïö bäŋ tietge, 'ba ge caala jamø jaak.»

Aydheea 44:15

Køøre nø, tïmö na jer maac jï dhaanhø. Møøk wø lwøre lwørø ni juŋe ki ge, ni äp møga ni thaal cam ki ge; ni tieŋ mør na kït gïn wø lam, ni wøør gø. Eni kït gïn wø lam wø di tieŋø møn, ni këël cøŋŋe piny nyïm gø.

Jeremaya 17:2

Geni, gïï wø cïpge olämme moge bäätge, ka arïëki moge mo wø cwøl na Acara, na en tiet jenni moa näk onigïït piny bäät thuuri, wø lääŋge lääŋŋö, ni caala man wø lääŋge obwöre moge.

Edhikiel 36:25

Aani, dëëtu jøra jørø ki pïï mo tøŋ ni tïmu nou waany; aani, u penya penyø yïth japa reyø bëët na enu yïthge, ki yïth kït gïï wø lammu bëët.

Odheea 14:8

?Wui jø Ipariem, agïnaŋø mør këët nø ni poot manynyu baŋ juuga reyø? Kiper beeye aani noo løk pïëc mou, noo gwøk uuni. Aani, a caala jaath mo bëëdö ni mar mo bøøge moe ba øc piny, ni bee aani noo jïtu ree ki nyïëdi.»

Odheea 14:9

Ni näk da ŋat mo wïïe leer, beerra man kwany tiet jammi moi; ni näk da ŋat mo tiet luup ŋääe, beerra man ŋäc ge, kiper jïëthe mo Wuuö Jwøk thïïŋ, ni jø wø marge beer wø cäädhö ki yïthge, 'ba jø wø tïïc raay ge pädhö yïthge.

Jepaniya 1:3

Aani, jiy ge ki lääy bëët, ki weny mo maal, ki rec mo naama dwøŋ, ge raanynya raanynyø. 'Ba kanyo raanynya jiy bäät piny, jøøa reyø geno put ränynyö, ni dööŋge kaamar gïï mo owetø wï thur.

Dhekaraya 13:2

Wuuö Jwøk, eni na wïth jammi bëët, aköö, ni «Dïcäŋöca, juu moa näk patha adïëri raanynya raanynyø yi ŋöömö ni tïme ni wïc ba par ki nyeŋge këët. Ge raanynya raanynyø ge bëët ki nyïïkuk Jwøk moa näk patha adïëri ki jwïëc juuga reyø na näk ba waany.

Tiet Ciik 7:5

'Ba gïna dou tïïö dëëtge beeye ki man raanynyu gïï wø cïpge olämme moge bäätge, ni tøgu kïte moa näk ege cwöth piny kiper nee lamge, ni ŋødu jenni moge piny moa näk ege tieŋø ni wø lamge, ni ö gïïa näk ege tieŋø na juu ni waaŋu geni ki maac.