Aydheea 17:4 - Wëël Jwøk

⁴ 'Ba noo tïme na dïcäŋeca, ajiem mar nyïïkwaac Jeekap ränynyö, ni ö lørø marge ni tïme na dwadø.

Aydheea 17:4 Iomraidhean Croise

Wïlöölö 41:3

Ni ö dhäki abïriiø møøk ki køørge ki yi naam, ni gena dhäk mo odwat døc mo nëëni ni reyø, ni ge ena buut dhäk møga bäät ageela.

2 Nyeye 17:3

'Ba Calmanëcër nyeny Aciria aöö ni këëde ka Awcë, ni ö Awcë ni put tïmö ni ena tiere ni cïpö ka ajwäk jïgø.

2 Nyeye 17:6

'Ba kanya tïme na ri bïŋweer cwiiri moa beet Awcë ni ena nyeya, nyeny Aciria Cameria amaae, ni mak jø Icriel ki tøŋ ni kïth ge ya Aciria, ni cïp ge piny nee bëëtge ya Alay ka Abör bäät Naam Gödhan, ki yïth päänye mo jø Mëdön.

Aydheea 10:16

Kiper manøgønø, Kwäärö Wuuö Jwøk, eni na wïth jammi bëët, ojäägi ki täw mo leth dï jø leny moa no olør mo nyeny Aciria, ni ö ajiemmi mar nyeny Aciria ni nyebi ki maac mo liel døc.

Aydheea 10:3

?'Ba agïnaŋø noo tïïyu noo tïme na dïcäŋ ajäla, kanyo ö ränynyö no ööe ki kany mo bäär ni ööa bäätu? ?Aŋa noo reŋŋu baŋe kiper køny? ?Jap kwärö mou, owiiu ge kaa?

Aydheea 10:4

'Ba mano dööŋ keere nø, beeye ki man boothu nyeŋŋu yïthakic jø omak ki tøŋ, ni 'näk uuni yïthakic jiy mo othøw. 'Ba këël køør japøgø bëët, wëër mar Wuuö Jwøk ree poot ba paanye, cere poot bëëdö ni ee rwieø.

Aydheea 17:3

Päänye moa no ogeerø ni teek tïmö ni bäŋgø yi ŋööm Ipariem, ni bäŋ teek nyec Damacka; ni ö jiyi moo dööŋ ni kwøw dëët jø Aram ni räny ajiemmi marge kaamar ajiem mar jø Icriel.» Manøgø beeye dwør Wuuö Jwøk, eni na wïth jammi bëët.

Aydheea 24:13

Gïnögø tägö bäät piny dëët wïth juurre, kaawat man wø bëëde ni nyïï jaath man wø nyïïe wel na maaw diema piny ri kac, ni tïme ni dööŋŋa mo nøk; ni caala nyïïomøki mo nøk mo wø bøth ri kac.

Aydheea 24:16

'Ba øøni, dudi owïnynyø bäät piny bäre, mo köö, na «Ajiem en jï Jwøa beer.» 'Ba aani, aana köö, «Otïmö ni leth jïra! Otïmö ni leth jïra møn! Aana ränynyö! Jø wø tïïc gïï mo reyø ki piny, ge poot bëëdö ni ge tïïya gïï mo reyø; ni ge bëëdö ni ge cäätha maal ki tïï gïï mo reyø.»

Aydheea 9:21

Jø Maneeca ge ööa maal bäät jø Ipariem, ni ö jø Ipariemmi ni öge maal bäät jø Maneeca, ni marge døø rege. 'Ba rege ocäŋge dwallø ni nywääkge dëër Juuda. 'Ba këël køør japøgø bëët, wëër mar Wuuö Jwøk ree poot ba paanye, cere poot bëëdö ni ee rwieø.

Aydheea 9:8

Kwäärö Wuuö Jwøk dwøre ojääŋŋe baŋ Jeekap ni jääla gø, ni ö ajäla manøgø ni päth bäätge, ge na jø Icriel.

Edhikiel 34:20

«Kiper manøgønø, man beeye luumma caan Kwäärö Wuuö Jwøki jïge, ena köö, ni ‹Neennu, aani ki dëëra aano tïmö ni aana dïŋut luup yïthakic diel mana no olør ki diel mana no odwat.

Amøc 3:12

Ni kö Wuuö Jwøki na ennø, ni «Ka teeŋ mano ö dïkwääyi ö käl tiel ariiø ki thääŋ ïth diel wøk ki dhi ŋuu, jø Icriel mo wø bëëdö Cameria oränynyi na enø nø thuwø, jøøa wara bëëdö ni dëëtge ege nyaaŋ piny bäät pëëmme mo opeedhø ka abïïe mo mïërö.»

Jepaniya 2:11

'Ba Wuuö Jwøk oput tïmö na gïr lwär jïge kanyo ö Wuuö Jwøki noo raany juu bëët moa en yi ŋöömge. 'Ba wïth juurre bëët moa en bäät naama dwøŋ cøŋge okëëlge piny nyïm Wuuö Jwøk ni wøørge gø, ni ŋati man nø ena yi ŋööm poge.