Aydheea 17:3 - Wëël Jwøk

³ Päänye moa no ogeerø ni teek tïmö ni bäŋgø yi ŋööm Ipariem, ni bäŋ teek nyec Damacka; ni ö jiyi moo dööŋ ni kwøw dëët jø Aram ni räny ajiemmi marge kaamar ajiem mar jø Icriel.» Manøgø beeye dwør Wuuö Jwøk, eni na wïth jammi bëët.

Aydheea 17:3 Iomraidhean Croise

2 Nyeye 16:9

Kanyøgønø, nyeny Aciria luum Eeyeth aput wïnynyö; ni ö eni ni put ci Damacka baŋ leny ni mac gø, ni mak jiy moa en yie ki tøŋ ni kïth ge pääny mana cwøl ni Kir; ni put Recin nyeny Aram 'näk.

2 Nyeye 17:6

'Ba kanya tïme na ri bïŋweer cwiiri moa beet Awcë ni ena nyeya, nyeny Aciria Cameria amaae, ni mak jø Icriel ki tøŋ ni kïth ge ya Aciria, ni cïp ge piny nee bëëtge ya Alay ka Abör bäät Naam Gödhan, ki yïth päänye mo jø Mëdön.

Aydheea 10:9

?Aŋø, pääny Kaalnö ba caal pääny Karkëmec, na Amath ba caal Arpat, ni Cameria ba caal Damacka?

Aydheea 16:14

'Ba ennø, Wuuö Jwøk acäänö ni kööe, «Ni ki yïth cwiiri adäk, kaawat man wø kwaan ŋat tïïci, ajiem mar Möap na dwøŋ, ki jiye na thööth, ränynyö; ni ö jiye moo dööŋ ni kwøw ni dööŋge ni nøk døc ni jägö.»

Aydheea 17:4

'Ba noo tïme na dïcäŋeca, ajiem mar nyïïkwaac Jeekap ränynyö, ni ö lørø marge ni tïme na dwadø.

Aydheea 25:2

Päänye araanynyï ni tïïyï ge na wïthur, ni wëëgï päänye moa no ogeerø ni teek ränynyö; ni ö mïëc juurre moa no ogeerø ni beyø ni tïmge ni bäŋgø, ni ge ba cäŋ geerrø këët na bäre bäre.

Aydheea 7:16

Kiper kanyo poot nyilaarøgø ni waŋe poot kär rïënnö, ki man kwier gïna raac ni jier mana beer, ŋøøp nyeye moø na ariiø ni lwääru ki ge yøø dööŋ keerge.

Aydheea 7:8

Kiper pääny mana dwøŋ mar Aram beeye Damacka, ni bwödhi mar Damacka beeye Recin. 'Ba noo tïme na cwiiri ma pïërabïciel ka abïïc, jø Ipariem keethø ni tïmge ni paa wï jur këët.

Aydheea 8:4

kiper kanyo poot nyilaalli manøgø ni wänni ki menni poot ba cwøle na Awuuö wala Ayaŋ, jap kwärö moa en Damacka ki jammi moa twier Cameria olwør nyeny Aciria ni aae ki geni.»

Odheea 1:4

Køøre Wuuö Jwøk aköö jï Odheea, ni «Cak nyeŋŋe ni Jedhriel, kiper ki kany mo cään dhi øt Jiyu raanynya raanynyø kiper remø mana køny piny päänya cwøl ni Jedhriel, ni ööa ni tïïa buc nyec mar dhi øt Icriel nee cuŋŋe.

Odheea 1:6

Køøre Gömër yie acäŋ jïtö ki dhaanhø ni lwaare ki gø na nyakøø. Køøre Wuuö Jwøk aköö jï Odheea, ni «Cak nyeŋŋe ni Lö-ruama, kiper aani bäŋ bäth ec mo nyoodha nyoodhø jï dhi øt Icriel këët, ni ge ba wëënna këët.

Odheea 10:14

Kiper manøgønø, okiera mar leny tägö dëët jø pou, ni ö kwör leny mou moa teek ni raanynyi, kaawat mana ö Calmen na raany Bëëth-Arbel ri leny, kanya ö mëëe na nyadhi na aciel ko obwöre moge.

Odheea 3:4

Kiper jø Icriel geno bëëdö ki kany mo bäär ni bäŋ nyeya ki kwäärö, wala olämme, wala kïte moa no ocwöth piny na gïï lam, wala ëëput mana näk gïr lam, wala juu møøk mo di lamø.

Odheea 8:8

«Ennø, jø Icriel anø cam, ni ge ena dï wïth juurre møøk, ni tïmge kaamar gïrpiny mo bäŋ gïn kønye këët.

Odheea 9:11

'Ba ge na jø tuuŋ Ipariem, ajiem marge omääti kaamar wenyø. Ge ba nyöödö këët, ni bäŋ ŋat mo yie jïti ki dhaanhø këët, ni bäŋ jäc këët!

Amøc 8:14

Jø wø kööŋ dëët juu mo Cameria, ni wø köö, ni ‹Ŋëët Jwøa en Daan,› wala ‹Ŋëët Jwøa en Bëërcïïba,› jøøgø pädhö ni ge ba duu maal këët.»