Aydheea 17:14 - Wëël Jwøk

¹⁴ Ka adïëri møn, noo tïme na wïthïënhö, jiy tïïcge tïïö nee lwäcge døc; 'ba kanyo tïme na kur øw, ge tøør këët. Manøgø otïmö na kur jiy moa twier øøni, ni beeye gïno tägi dëëtge, ge na twier japø.

Aydheea 17:14 Iomraidhean Croise

2 Nyeye 19:3

Ni kö jøøgø jï Aydheea, ni «Edhekaya aköö, ni ‹Dïcäŋ man beeye dïcäŋ jwør gïï mo leth, ni beeye cäŋ ajäla, ni beeye cäŋ ataa; kiper ø caala dhaagø mo lwaar ki nyilaal, mo cøøl odhäthö jïre kiper mana näk mo dëëre jääk.

2 Nyeye 19:35

'Ba kanya tïme na dïwäänögø, nyïïatwiel maal mar Wuuö Jwøk aci twïër mar jø Aciria, ni 'näk jiy ma kume ma dïpa aciel ki pïërabära kurbïïc. 'Ba na päc jiyi ka amöölla cøøn, ka adïëri møn, jiy bëët aputge joot no othøw.

Jööp 20:29

Gïnögø beeye gïno kïth Jwøki bäät jø raay na kurge, ni beeye gïna jier Jwøki kiperge nee cïp jïge.»

Pwöc Leec Wïc 22:23

kiper ge ŋun Wuuö Jwøki ŋunnö, ni käl jwïëc jø wø twier geni.

Aydheea 10:25

Kiper ki kany mo thiinh, wëër mara ki uuni thum, ni ö wëërri mara ni coony baŋge kuna raanynya geni.»

Aydheea 21:12

Ni løgi ya ŋat koorri, ni kööe, ni «Øw ba kääŋi ki man ööe, 'ba poot da wäär mo öö thuwø. 'Ba ni näk miï poot manynya pïëc, wärï cäŋ duuö ni pëëï.»

Aydheea 29:2

'Ba ï na Ariël, ï wëëga jwør gïï mo leth, ni wëëga ïïni kïmmö ko oduuru, ni tïmï kaamar gïn wø cïp olämme bääte mo ogääbö ki remø.

Aydheea 29:5

Nyïïmän moï na thööth ge twäät kaamar tør, ni ö jøøa no ogäy ni tïmge kaamar lethø mo okøøl jamø. 'Ba gïnögø otägi dëëtge ni cwöba røkge.

Aydheea 29:7

'Ba lwaak mana käl røk wïth juurre bëët na këëdö ka Ariël, na raany kwör gwøk røk moe, na ciel gø dïër, ge rwäänyö kaamar lääk, kaamar gïn wø nyooth ki yi wïc ki wäär.

Aydheea 30:28

Dwør jwïëy mar jam dhee lwör kaamar naam mo pänhnhö, mo päŋ ni ena cwaak. Eni wïth juurre di jierø kaawat man wø pëëdhö ki luul, ni kïth dhøkge ki nywïëny dho okweeny man pee geni kar ränynyö ki gø.

Aydheea 33:1

Wui, otïmö ni leth jïrï, ï ni wø räänyö, ni bäŋ ŋat mo raany ïïni. Wui, otïmö ni leth jïrï, ï ni wø tïïc gïï mo reyø ki piny, ni bäŋ gïn mo raac mo otïïö dëërï. 'Ba kanyo weyï räänyö, ï put ka raanynyø, ni kanyo weyï gïï mo reyø mo wø tïïyï ki piny, gïï mo reyø put ka tïïc dëërï thuwø.

Aydheea 33:18

'Ba kar kaaca, wïthu oparru ki gïna wara bëëdu nou lwäär ki gø, ni kööu, na «?Aŋø, age ŋata wara bëëdö ni kwaana jammi? ?Aŋø, age ŋata wara bëëdö ni røma jammi? ?Aŋø, age ŋata wara bëëdö ni kwaana uut koor moa no ogeerø ni ena maal?»

Aydheea 34:17

Wuuö Jwøk beeye na pääŋ ŋøøm jïge, ni mooc man nø ki kare, ni put tïmö na moge na bäre bäre; këël beenhnhe moge moo ööi køørge poot bëëdö yie.

Aydheea 41:12

Jøøa män ki ïïni geno manynyï ni ba jootï geni, ni ö jøøa many leny ki ïïni ni tïmge ni bäŋgø na bäre bäre.

Jeremaya 13:25

Ni man beeye kurï, gïno tïïa dëërï, kiper wïïï awïl ki aani, a na Wuuö Jwøk, ni bëëdï niï ŋäätha luup tööt.

Jeremaya 2:3

Kar kaaca ïïno cïp kur keerï na mara, a na Wuuö Jwøk, kaamar thwønh bëëlö mara. Ni jøøa cam ïïni bëët akwaan no obääyö, ni pïïc gïï mo lethi bäätge.› Luummögø caana Wuuö Jwøki.»

Jeremaya 49:10

'Ba aani, nyïïkwaac Icøø loonya loonyø na bäre ni jaamma kwöro kange rege yïthge, nee ba lønye jïge ki man kange rege. Jøøa käl dëëre ki tuuŋge ki jiy moa en buutge oraanynyi, ni bäŋe wïïe mo kwøw këët.

Edhikiel 39:10

Geno put bëëte ni bäŋ ŋat ci paap këët kuna mööte ki jenni, wala ŋøta jenni, kiper jap leny tïmö na jer maac jïge. Geni thuwø jap jøøa twier geni otwierge. Luummögø caana aani, a na Kwäärö Wuuö Jwøk.

Dhekaraya 2:12

'Ba Wuuö Jwøk ŋööm Juuda otïmö na kure yi ŋöömma en kur keere, ni cäŋ Jerucalem jierrø na pääny mare.

Pïëmme 5:31

«Wui Wuuö Jwøk, beerra man ö nyïïmännï ni thøwge bëët kaawat mana thøw Cicara ki jø leny moe; 'ba jøøa mëër ki ïïni, beerra man tïmge ni caala cäŋ kany wø tuule ki teek mare.» Køøre piny aput nikwöc ni bäŋ lenye ki cwiiri ma pïëraŋween.