Aydheea 17:12 - Wëël Jwøk

¹² Wui, wïnynyu ŋurö mar wïth juurre mo thööth, ni wïnyi en kaamar lwör mar athaŋ naama dwøŋ. Wïnynyu ŋurö mar wïth juurre na näk lwör kaamar pïï mo kwödö ni teek.

Aydheea 17:12 Iomraidhean Croise

Aydheea 13:4

«Cegu ïthu ki dïlweel bäät kïte, ni beeye dööt jiy mo thööth! Cegu ïthu ki dwøl manø ni märi ni dwøŋ enø yïth mïëc nyeye, ni beeye dööt wïth juurre moa näk dëëtge ege cooŋø! Wuuö Jwøk, eni na wïth jammi bëët, jiiŋŋa lwaak kiper leny.

Aydheea 28:17

'Ba ŋøl mana na adïëri otïïa ni caala thøøl man wø røm tiir mar øtø ki gø, ni tïïa bëënynyö ni caala thøøl man wø røm tiir mar dëër øtø ki gø. Køøre pey opänhnhi ni raany tööt mana gwøk uuni, ni kwön jwïïe ni raany kwöra kanu dëëtu yïthge.

Aydheea 54:17

Bäŋ gïr leny mo di thäädhö kiper ränynyö marï mo thura kare. Jiy bëët moo kïth luup bäätï kar løøk böötï böötö. Manøgø beeye muuy mana cïp jï jic Wuuö Jwøk, ni beeye na tïmö ni bëënynyö marge mana cïba jïge. Luummögø caana aani, a na Wuuö Jwøk.»

Aydheea 8:9

Wui, u na wïth juurre, cooŋu rou kanya ciel, 'ba bäätu poot pädhö; uuni ni wø en kwör mo bäyö bäät piny bäre enø, cegu ïthu. Jegu dëëtu, 'ba bäätu poot pädhö; jegu dëëtu jaak, 'ba bäätu poot pädhö.

Aydheea 9:5

Kiper war bëët mo wø ŋooŋ jø lenynyi ki ge, ka abïïe moge moa näk ogääbö ki remø, di waaŋø ni thööri ya maaci.

Jeremaya 6:23

'Ba ceŋge da athëëre ki tøøŋi. Gena jiy mo näk marge raac døc, ni cwïnyge ba pädhi ki näk dhaanhø, ni döötge lwör ni caala pï naama dwøŋ. Ge cäädhi ka bäät okwëënyi, ni dëëtge ege täärö kiper leny, ni ge ööa kuna tukge uuni, u na jø Dhayan!»

Edhikiel 43:2

ni puta ajiem Jwø Icriel neen ni öö ki jï løø kur tuul-cäŋ. 'Ba dwøl mare lwör kaamar pïï mo thööth, ni wëëk piny rieny ka ajiem mare.

Daniel 7:2

Eni na Daniel ena köö, ni «Kanya bëëda naa neeta gïïa nyooth jïra ki yi wïïa ki wäär, ajooda ni jam maal kwödö ni cura but piny karge ŋweeri ni ge tuuŋŋa naama dwøŋ.

Mikiya 4:11

'Ba ennø, u na jø Dhayan, wïth juurre mo thööth dëëtge adwalge na aciel kiperu, ni köge, ni ‹Dhayan ränynyö; ni neetø ränynyö mare ki nyeŋŋø.›

Kwään Jiy 10:35

'Ba kany wø näk ma acanduk tïŋŋö, Modhe wø köö, «Wui Wuuö Jwøk, ö maal, ni wëëgï nyïïmännï keethø, ni tïïyï jø wø män ki ïïni nee bwøkge nyïmï.»

Luk 21:25

«'Ba dëër cäŋ ki dwääy ki ceer ojïti ki ŋïïce; 'ba yi pinyi en, mïëri ojïti ki bëëtö mo leth, ni thäŋ yïthge ki lwör mar naama dwøŋ ka athage.

Mana Nyooth 17:1

Kanyøgø nyïïatwiel maal aciel dëët nyïïatwiet maal moa näk abïriiø na käär kuure abïriiø aöö ni kööe jïra, ni «Ööï, nee ajäla mano pïï dëër kääbi mana dwøŋ na näk opï bäät pïï mo thööth nyoodha jïrï,

Mana Nyooth 17:15

Ni kö nyïïatwiel maalli jïra, ni «Pïïa jootï na näk kääbi opï bäätge gena wïth juurre ki lwaae, ki mïëri, ki dhøgi ma teeŋi.