Aydheea 17:10 - Wëël Jwøk

¹⁰ Kiper u na jø Icriel, wïthu awïl ki Jwøk na näk pïëmi maru, ni käru wïthu parø ki eni na kïn gwøk røk maru. Kiper manøgønø, këël u doo pïïdhö ki jenni mo mïërö, ni tøøgu jenni mo käla mïëri mo path,

Aydheea 17:10 Iomraidhean Croise

1 Luup Nyeye 16:35

Kööu, ni «Wui Jwøk, ï na pïëmi marwa, piem waani; ni lemï wa ni piemï wa yïthakic wïth juurre, kiper nee nyeŋŋï na en kur keere pwøcwa, ni jiemwa ïïni kany wø pwøcwa ïïni.

Aydheea 12:2

Ka adïëri møn, Wuuö Jwøk beeye na pïëmi mara, naa bëëdö naa ŋäätha gø naa ba lwäyi. Kiper Wuuö Jwøk beeye teek mara, ni bee eni ni wø nyeŋŋe pwøa ki duut, ni tïme na pïëmi mara.»

Aydheea 17:9

Noo tïme na dïcäŋeca, päänye moge moa teek otïmö ni caala kwör mo owiiø mo otïmö na paap, ni beege kwöra wec jøøa dïkwøŋ kanya reŋge ni ge ŋwieya jø Icriel; ni ö ŋöömö manøgø ni put dööŋŋö ni bäŋ jiy yie.

Aydheea 18:5

Kiper kanyo tïme ni kar kac poodi, ni wï jaath onø ŋøø, ni wïïe opäth piny, ni nyïïe manynya ciek, eni lweth jenni moa no oløth ŋøre ŋørø ki caakïïn mar goor jenni, ni ö bäädi moa no olaak ni ŋødi piny ni weti.

Aydheea 25:4

Kiper ïïna ŋat wø gwøk jiy moa näk bäŋ jø køny ge, ki jøøa can ni wø bëëdö ki bëëtö mo leth, ni bee ï ŋat wø gwøk dhaanhø ki gïï mo caala atuunna, ni ïïna tïpö kiper lïëth piny; kiper jam dhøk mar jøøa no ogäy caala atuunna man wø kwöt dëër kiir,

Aydheea 26:4

Bëëdu nou ŋäätha Wuuö Jwøk na bäre bäre, kiper Wuuö Jwøk beeye kïn gwøk røk mo bëëdö na bäre bäre.

Aydheea 30:29

'Ba uuni, uuno wär ki dudi kaawat man wø wärru ki wäär kany wø wøørru ajwömma en kur keere. Cwïnynyu omïnni kaamar jiy mo cøøa baŋ lam ni ge kudhö ko opele, ni ge cøøa bäät Kïn Wuuö Jwøk baŋ Jwø Icriel na näk kïn gwøk røk.

Aydheea 33:2

Wui, Wuuö Jwøk, nyooth met ec marï jïwa, kiper wa bëëdö ni wa raŋŋa jïrï. Tïmï ni ïïna teek marwa cooth ka amöölla, ni bëëdï ni ïïna pïëmi marwa kanyo enwa yïth gïï mo leth.

Aydheea 44:8

Käru bwøk ni ba lwäyu. ?Aŋø, kära caanø jïïu ni køba gø ki mana täge kany mo bäär cøøn? 'Ba uuni bee u na ŋäc tiet jammi 'moa ni wø caan gø! ?Aŋø, da jwøk mør këët ni näk mo paa aani? Ka adïëri møn, bäŋ Kïdi mør këët; bäŋ aciel mo ŋääa.»

Aydheea 51:13

?Aperŋø na wïl wïthu ki a na Wuuö Jwøk na cwääc uuni, ni bee aani na peer maal, na wëëk tier piny këët piny ni teek? ?Aperŋø ni bëëdu nou lwäär cooth ki wëër mar jø wø caar jiy, ni wø bëën aranya? ?'Ba age wëër mar jø wø caar jiy?

Aydheea 61:10

Aani yia amïnnö døc ki ri Wuuö Jwøk, jwïëya ajïtö ki met ec ri Jwøk mara; kiper pïëm man wø piem jiy ki gø, ki bëënynyö arøø dëëra kaamar abïï, ni tïma kaamar cø dhaagø thiinh mo wïïe ee kïthö ki jap mïërö, naa caala dhaagø thiinh mo dëëre ee jiiŋŋø ni mïërö ki nyeŋ tii mo perge leth.

Aydheea 62:11

Ka adïëri møn, Wuuö Jwøk rwääö ni cäänna teegi mo piny bäre, ni kööe ni caannu jï jø Dhayan, ni «Neennu, pïëmi maru öö, ni käära jøøa ööle kiperge, ni beege jiy moa joode ni wø cäädhi nyïme.»

Jeremaya 12:13

Jiya, geno piidhø ki beel, 'ba gïïo jootge beege koodhi keerge. Dëëtge oöölge døc, 'ba bäŋ gïn mo jootge. 'Ba wïthge olää gïno jootge, ki køør wëër mara, a na Wuuö Jwøk, noo liel kaamar maac bäätge.»

Jeremaya 17:13

Wui Wuuö Jwøk, ï ni wø ŋääth jø Icrielli, jiy bëët mo wø wec ïïni wïthge olääy. Ni jiy mo wø gaa wøk ki øtjöörï nyeŋge ogöör piny yi tør, kiper na wecge ï na Wuuö Jwøk, ï na näk jøøro mar pï kwøw.

Jeremaya 2:32

?Aŋø, nyakøø wïïe wø wïl ki jap mïërö moe? ?A dhaagø thiinh wïïe wø wïl ka abïïk nywöm moe? 'Ba jiya wïthge awïl ki aani ki nïne mo thööth mo ba kwaan.

Jeremaya 3:21

Da dwøl mo wïnyö ki yïth kwör lam moa en bäät thuuri moa leer, ni beeye oduuru ki kwac mar jø Icriel, kiper bëëtö marge adøøcge mo ba thïïŋ, ni wïl wïthge ki Wuuö Jwøk, Jwøk marge.

Edhikiel 22:12

Ni da jiy moï mo cïpö ki gwel ki piny kiper køny rem jiy piny. Ni ïïni gwel mo wø mac baŋï tïïyï tïïö nee duui jïrï ni da wïthge, ni gwet jø møøk kälï kälö ni marï twëër, niï bëëdö ni wïïï owïl ki aani.› Luummögø caana Kwäärö Wuuö Jwøki.»

Edhikiel 23:35

«Kiper manøgønø, man beeye luumma caan Kwäärö Wuuö Jwøki kiperï, ena köö, ni ‹Kiper mana wïl wïïï ki aani ni leeŋï aani ŋääï, ajäla mar bëët käp marï mana gathï dëërï ki gø jwørï jwørø.› »

Odheea 4:6

Jiya araanynyi ki køør bäŋ kwänynyö. 'Ba kiper mana kweerru ki kwänynyö, u na dïlämme, aani thuwø, u kwiera kwierø ki man tïmu ni uuna dïlämme 'moa. Kiper mana wïl wïthu ki ciik 'moa, a na Jwøk maru, aani thuwø wïïa wïl ki nyïïkwaayu.

Odheea 8:14

Kiper jø Icriel wïthge awïl ki aani na cwääc geni, ni tïme ni ge geeya mïëri mo døøŋŋø, ni ö jø Juuda ni tïïge ki päänye mo teek mo thööth. 'Ba aani maac ojääŋŋa bäät päänye moge, ni ö maaci ni put uudi moa no ogeerø ni teek thöör.»

Jool 1:17

Köödhi atal piny yïth ŋøøm; uudi mo wø cooŋ beel yïthge bëëdö no oränynyö; ni ö odïïi ni bëëtge no oniruuth, kiper beel atal.

Ciik Kiper Dïlämme 26:16

aani thuwø, gïï ii tïïa tïïö dëëtu: a känna bäätu ki lwär mo cwöba dëëtu, ki täwe mo leth, ki teeŋ adïrïgi mo tïïya nyeŋŋu ni ba nëënö, mo cama dëëtu. Caammi mou opiithu ki jaak, kiper nyïïmän mou öö ni camge caammi moøgø.

Ciik Kiper Dïlämme 26:20

Öölö maru oaay jaak, kiper ŋöömö maru tïmö ni ba ciek ki caammi, ni ö jenni mo ŋöömö maru ni ba nywølge ki nyïëdi.

Amøc 5:11

Jøøa can wø thielu piny, ni jwägu geni ki beel. kiper manøgø nø, këël na gëënnu dëëtu ki uut kïte mo mïërö, u ba bëëdö yïthge; këël na pïïdhu ki jer omøki mo mïërö, u ba mädhö ki kwøk nyïïomøki moøgø.

Abakuk 3:18

a poot bëëdö ni yia met ki ri Wuuö Jwøk, ni bëëda naa kanynyø ki ri Jwøk, eni ni wø piem aani.

Jepaniya 1:13

Geni, jap kwärö moge otwier, ni dööŋ uudi moge ni bäŋ gïrpiny yïthge. Geno gëëdö ki uudi, 'ba ge ba bëëdö yïthge, ni pïïthge ko omøki, 'ba kwøk nyïïomøki ba maathge.»

Tiet Ciik 28:30

«Dhaanhø mëëgö ki nyakøø nee nywøme, 'ba dïcwøø mør oci baŋ gø na dhaagø. Dhaanhø gëëdö ki øtø, 'ba eni ba bëëdö yie. Dhaanhø pïïdhö ki nyïïjenni, 'ba nyïïge ba came.

Tiet Ciik 32:15

«'Ba jø Icriel na jier Wuuö Jwøki nee bëëtge ki bëëtö mo tiir, kanya nø cämge ni lørge, ni døøŋ dëëtge, ni tïm dëëtge ni beyø, gena tïmö kaamar dhieŋ mo bädö; ni wecge Jwøk na cwääc geni, ni taakge eni na Jwøa teek ni wø køny geni.

Tiet Ciik 32:18

U na jø Icriel, Jwøa teek na cwääc uuni aweyu, ni wïl wïthu ki eni na mooc uuni ki jwïëy.

Tiet Ciik 32:31

Ka adïëri møn, jwø nyïïmän ba caal Jwøk marø na teek; këël nyïïmän 'moø ki dëëtge gïnögø ŋäcge.

Tiet Ciik 32:4

Wuuö Jwøk na näk Jwøø teek, ni tïïe moe beege karge; ni uutjïëthe moe bëët tiir. Ena Jwøk mo mare di ŋäädhö, ni bäŋ gïn mo raac jïre; eni beer ni mare thïïŋ.

Tiet Ciik 6:12

'Ba noo jootu gïïögø bëët, gwøgu rou ni ba wïl wïthu ki Wuuö Jwøk na käl uuni wøk ki yi ŋööm Ijep na näk po laŋ.

Tiet Ciik 8:11

'Ba gwøgu dëëtu ni ba wïl wïthu ki Wuuö Jwøk na näk Jwøu, ni ba kääŋu ki man gwøgu ciik moe ki luup ŋøl moe mo köömma uuni ki geni dïcäŋi en.

Tiet Ciik 8:14

rou wär gwøgu, ni ba jït cwïnynyu ka atöör, ni ba wïl wïthu ki Wuuö Jwøk na näk Jwøu na käl uuni wøk ki yi ŋööm Ijep na näk po laŋ.

Tiet Ciik 8:19

«'Ba mara caana caanø jïïu dïcäŋi ennø. Ni näk mo wïthu wïl ki Wuuö Jwøk na näk Jwøu, ni caathu køør juu møøk, ni tïnynyu geni, ni lammu geni, u puta thumö na bäre bäre.