Aydheea 17:1 - Wëël Jwøk

¹ 'Ba luumma nyooth Wuuö Jwøki kiper Damacka bee en: «Neennu, Damacka kare aløny ni cään ki man tïme ni paa pääny, eno pädhi ni neeruuth.

Aydheea 17:1 Iomraidhean Croise

Wïlöölö 14:15

Ni ö Abrammi ni pääŋ jiye ki dï wäär, ni ö eni ki jiye ni tukge jøøkeeni, ni böötge geni ni riemge geni këël mana këëtge Ööba na en ŋää Damacka.

Wïlöölö 15:2

Ni kö Abrammi, «?Wui Kwäärö Wuuö Jwøk, agïnaŋø noo cïpï jïra? Kiper aani jïra bäŋ nyilaal, ni ŋato dööŋ na lwiidhø wï paara beeye Eliëdher nyï Damacka.»

1 Nyeye 11:24

'Ba køør mana ö Deebiti na nø 'näk jø Dhöba, Redhön ree acuŋŋe ki dïtwïëte ni tïme na kwäärö marge. Ni ö geni ni cige Damacka ni bëëtge kunece, ni put Damacka tïmö ni ena cere.

2 Nyeye 16:9

Kanyøgønø, nyeny Aciria luum Eeyeth aput wïnynyö; ni ö eni ni put ci Damacka baŋ leny ni mac gø, ni mak jiy moa en yie ki tøŋ ni kïth ge pääny mana cwøl ni Kir; ni put Recin nyeny Aram 'näk.

1 Luup Nyeye 18:5

'Ba kanya ö jø Aram moa en Damacka na öge kuna kønyge Adadëdher nyeny Dhöba, Deebit anääö ki jø Aram ma kume ma pïërariiø kurriiø.

2 Luup Nyeye 28:23

Kiper ena cïpö ko olämme jï juu mo jø Damacka na bööt eni, ni kööe, ni «Kiper juu mo nyeye mo Aram jicge akønyge, aani beerra man cïpa ko olämme jïge kiper naa kønyge.» 'Ba aput tïmö ni käla ränynyö mo päl bääte ki jø Icriel bëët.

2 Luup Nyeye 28:5

Kiper manøgønø, Eeyeth acïp Wuuö Jwøki, Jwøk mare, cer nyeny jø Aram, ni ö jø Arammi ni böötge eni, ni put jiye mo thööth mak ki tøŋ ni kïthge ge yi Damacka. 'Ba ena cäŋ cïp cer Peka nyeny Icriel thuwø; ni ö Peka ni 'näk jic Eeyeth ki näk mo raac døc.

Aydheea 10:9

?Aŋø, pääny Kaalnö ba caal pääny Karkëmec, na Amath ba caal Arpat, ni Cameria ba caal Damacka?

Aydheea 13:1

'Ba luubö mana nyooth Wuuö Jwøki na joot Aydheea wär Amöth kiper Babiløn bee en:

Aydheea 15:1

'Ba luumma nyooth Wuuö Jwøki kiper jø Möap beeye en: Ëër na näk pääny Möap aränynyö, araanynyi ki wäär aciel! Kir na näk pääny Möap aränynyö, araanynyi ki wäär aciel!

Aydheea 19:1

'Ba luumma nyooth Wuuö Jwøki kiper jø Ijep beeye en: Ka adïëri møn, Wuuö Jwøk öö ni ena bäät pöölö mo rïïŋö døc, ni ööa Ijep. Ni ö kït gïï wø lam mo jø Ijep ni put dëëtge tïmö ni kwanynyi nyïme, ni ö cwïny jø Ijepi ni bwøkge ki gø.

Aydheea 25:2

Päänye araanynyï ni tïïyï ge na wïthur, ni wëëgï päänye moa no ogeerø ni teek ränynyö; ni ö mïëc juurre moa no ogeerø ni beyø ni tïmge ni bäŋgø, ni ge ba cäŋ geerrø këët na bäre bäre.

Aydheea 37:26

« ‹?Aŋø, kärï wïnynyö cøøn? Gïnögø yaa nø caar ki kany mo bäär, a na Wuuö Jwøk, ni caara ka ya acääŋŋe cøøn. 'Ba ennø, a wëëga gø thur kare, nee päänye moa no ogeerø ni teek nee wëëgï niruuth.

Aydheea 7:16

Kiper kanyo poot nyilaarøgø ni waŋe poot kär rïënnö, ki man kwier gïna raac ni jier mana beer, ŋøøp nyeye moø na ariiø ni lwääru ki ge yøø dööŋ keerge.

Aydheea 7:8

Kiper pääny mana dwøŋ mar Aram beeye Damacka, ni bwödhi mar Damacka beeye Recin. 'Ba noo tïme na cwiiri ma pïërabïciel ka abïïc, jø Ipariem keethø ni tïmge ni paa wï jur këët.

Aydheea 8:4

kiper kanyo poot nyilaalli manøgø ni wänni ki menni poot ba cwøle na Awuuö wala Ayaŋ, jap kwärö moa en Damacka ki jammi moa twier Cameria olwør nyeny Aciria ni aae ki geni.»

Jeremaya 49:2

Kiper manøgønø, ka adïëri møn, da nïne mo öö mo a na Wuuö Jwøk, a kännö ki jø leny mo ge ööi ni ge kudhö ki tuŋi, ni ge ööa kuna tukge Raaba, pääny mar jø Amön. Ni ö päänyögø ni ränynye ni needwöt, ni ö mïëri moa en deŋŋe ni waaŋi. Køøre Icriel ŋöömme olwøre ceŋ jøøa käl gø cere.

Mikiya 1:6

«Kiper manøgønø, aani, Cameria oraanynya ni neeruuth, ni tïme na pwödhö kany piith omøki yie. Ni leeŋa kïte moe piny ya agäm-kïdi, ni ëëla tiet uudi moe wøk.

Mikiya 3:12

Kiper manøgønø, Dhayan na näk Jerucalem oränynyi ni neeruuth, ni puuri na pwöth jaak ki køøru, ni ö thuurri mana näk Øt Jwøk ogeer bääte ni tuue ka abuŋŋe.

Dhekaraya 9:1

Luum Wuuö Jwøk na caal tëër ena bäät ŋööm Adrak ni jääla gø, këël mano këët Damacka; kiper jiy ki wïth tuŋi bëët mo Icriel, nyeŋge atïmö ni ena dëër Wuuö Jwøk.

Moa Tïïc Nyïïatwieli 9:2

ni pëëny gø ki weeli kiper uut acook lam moa en Damacka, kiper noo näk mo eni jïtö ki jiy mo ena ri Jöör Lam mar Jecu, nee cwøw wala mään, nee ge käl yi Jerucalem ni geno twöö.

Tiet Ciik 13:16

Køøre gïïo twierru yie bëët wär cooŋu kanya ciel kar acooŋa mar päänyögø, ni waaŋŋu pääny ki gïïa twierru bëët, ni tïmge ni ge caala olämi man wø waaŋ bäre jï Wuuö Jwøk na näk Jwøu; ni tïm wï päänyöca no oränynyö na bäre bäre, ni ba cäŋ geerø këët.