Aydheea 16:6 - Wëël Jwøk

⁶ 'Ba waani, atöör mar jø Möap awïnywa, ki koorrø marge, ki bëëtö marge ni dëëtge ege tïŋ maal, ki gootø marge; 'ba ŋwøc marge bäŋ tiere.

Aydheea 16:6 Iomraidhean Croise

Pwöc Leec Wïc 21:24

Ŋat mo töödö mo taaga jiy wø cwøl ni ŋat abuua, ni eni jammi wø tïïe ka atöör mo dwøŋ.

Aydheea 15:1

'Ba luumma nyooth Wuuö Jwøki kiper jø Möap beeye en: Ëër na näk pääny Möap aränynyö, araanynyi ki wäär aciel! Kir na näk pääny Möap aränynyö, araanynyi ki wäär aciel!

Aydheea 2:11

'Ba nyøth røk ka atöör mar jiy odwøk piny, ni ö bëëtö mar jø wø tïŋ dëëtge maal ni dwøgi piny. 'Ba Wuuö Jwøk keere beeye noo bëëdö ni di jiemø dïcäŋöce.

Aydheea 25:10

Kiper Wuuö Jwøk cere ocïp bäät kïdi man, 'ba jø Möap onyøri kar bëëtö marge, kaaman wø nyør wär mo ojääbö ki juu ki pïï.

Aydheea 25:11

Ceŋge opeerge yi gø, kaamar ŋat kwaaŋ kany wø peer ceŋŋe kiper kwaaŋ. 'Ba Wuuö Jwøk atöör marge dwøge piny ki japa reyø bëët na tïïcge ki ceŋge.

Aydheea 28:15

Kiper uuna köö, ni «Waana nø tudö ki luubö ki thøø, nee wa ba gude, ni nø tutwa ki luubö ki kar bëët jwïëc jøøa no othøw, nee wa ba ciwa yie; këël jwïïö man wø räänyö ocur bäätwa, wa ba gude. Kiper tööt ewa nø tïïc ni beeye gïn gwøk waani, ni nø tïïcwa gø ni beeye kany kanwa dëëtwa yie.»

Aydheea 28:18

'Ba luubö mana tuutu ki thøø nou ba gude oraanynyi, ni ö luubö mana tuutu ki kar bëët jwïëc jøøa no othøw, ni ba thur kare; kany wø ö jwïïö man wø räänyö noo kwön bäätu, uuno raanynye.

Aydheea 44:25

Jø wø ŋwöö kiper ŋïïce moge, tiet ŋïïce moge tïïa tïïö ni bäŋ karge, ni ö adïëda mar jø wø dëëdö ki jap nyïm ni tïme na jap bøølø, ni tïïa jøøa nyeŋge reegø nee wïthge rege nootge, ni tïïa kwänynyö marge na bøølø.

Jeremaya 48:14

«?U na jø Möap, aŋø ni wø kööu, ni ‹Waano otëëe, ni waana jiy mo këëdö ki leny mo teek.›?»

Jeremaya 48:26

«Möap wär maathu ki køøŋø ni meere, kiper eni dëëre atïïe ni dwøŋ bääta, a na Wuuö Jwøk; Möap oŋïëli yïth ŋwøk moe, ni ö jiyi ni ŋïërge bääte.

Jeremaya 48:42

Möap oränynyi ni bëëde ni patha paac këët, kiper dëëre atïïe ni dwøŋ bääta, a na Wuuö Jwøk.

Jeremaya 50:36

Ajäl thøw tøŋ oen bäät ajuuk mo wø køp luup tööt, ojoot møn ni gena bøøre! Ajäl thøw tøŋ oen bäät jø leny moe moa teek, geni, cwïnyge obwøk!

Amøc 2:1

Wuuö Jwøk aköö na ennø, ni «Kiper mana ö jø Möapi na kaathge bääyö marge, a ba døø ŋääa ki man jääla geni, kiper cuu mo nyeny Ëdöm awaaŋge na bäre, këël mana tïmge na bur.

1 Piter 5:5

'Ba u ni therø thuwø, leŋŋu luup jaak acooŋ Jwøk. Bëëdu nou mwöl ki røgu keeru karubëët, kiper Jwøk män ka jø atöör, 'ba met ec wø wëëge jøøa mwöl.