Aydheea 16:3 - Wëël Jwøk

³ Ni köge jï jø Juuda, ni «Mooyu wa ka acaara mo beer, ni ŋøllu luumwa na kare. Kaa man bëëde ni piny a dhöör cäŋ en, jääŋŋu tïpö maru bäätwa nee tïme kaamar wäär. Kannu waani, wa no oriemmø en, ni ba waayu waani, wa na jiy mo obwøk en.

Aydheea 16:3 Iomraidhean Croise

1 Nyeye 18:4

kiper kanya ö Jedhebelli na 'näk nyïïkuk Jwøk mo Wuuö Jwøk, Øbadiya nyïïkuk Jwøk ma dïpa akäle ni kan ge yïth uut kïte na pïërabïïc pïërabïïc, ni bëëde ni møya geni ki cam ki pïï.

Aydheea 1:17

ni kwänynyu ki man tïïyu jammi moa beyø. Bëëdu nou tïïya ŋøl ma kare, ni joogu jøøa no ogäy. Cuŋŋu løø kïïe ki määr thuunhnhi.»

Aydheea 25:4

Kiper ïïna ŋat wø gwøk jiy moa näk bäŋ jø køny ge, ki jøøa can ni wø bëëdö ki bëëtö mo leth, ni bee ï ŋat wø gwøk dhaanhø ki gïï mo caala atuunna, ni ïïna tïpö kiper lïëth piny; kiper jam dhøk mar jøøa no ogäy caala atuunna man wø kwöt dëër kiir,

Aydheea 32:2

ŋati man nø rege otïmö ni caala gëëŋi kiper jamø, ni caala kar gwøk røk kiper apwøyaweerø, ni caala pï jøøro mo ena dïtëën, ni caala tïm kïdi mo ena yi ŋöömö ma pwöla.

Aydheea 56:8

Kwäärö Wuuö Jwøk, eni ni wø cooŋ jø Icriel moa no okeethø, aköö, ni «Poot da jiy møøk mo cooŋa bäät jiy moa no onø cooŋ.»

Aydheea 58:7

Beeye ki man pääŋŋu caammi mou ki jiy moa no onäk käci, ni ö jøøa canni moa näk thääyö jaak ni määnynyu ge ki kwör bëëte, ni ö jøøa näk cäädhi ka dëëtge ni runynyu dëëtge ka abïïe, ni ba løøu nyïmmu wøk ki tuŋi mou na näk rem dëëtu.

Aydheea 9:6

Kiper nyilaal onywöli jïïø, nyilaal ma dïcwøø ocïp jïïø, ni tïm teeki ni ena cere, ni cwøli ni beeye ŋat wø rëëm ec ni wø bwøth jiy ka acaare mo beyø, ni beeye Jwøa teeka eni, ni beeye Wuuö mano bëëdö na bäre bäre, ni beeye Kwääc bëët-mëër.

Jeremaya 22:3

Luumma caan Wuuö Jwøki beeye en: Ŋøllu luup na karge ki jöö ma adïëri, ni kønynyu jiy mo wø japge møt ceŋ jø wø caan geni. Käru bääyö dëër jur mo bëëdö dïïu, ki kïïc, ki cï thøø, ni ba tïïu ki gïï mo reyø dëëtge, ni ba kønynyu rem jiy piny kany, mo bäŋ gïn mo ege baaø.

Daniel 4:27

Kiper manøgønø, ï na nyeya en, beerra man tïm gïno caana en ni yiï met ki gø. Ïïni wec gïïa bayï, ni bëëdï niï tïïya gïn mo beer, ni weyï raay moï, ni bëëdï niï nyootha køny jï jøøa no ocaarø. Kanymør ni kwärö marï løny ki man ruue.»

Dhekaraya 7:9

ni «Man beeye dwøl mana wara caan Wuuö Jwøki, eni na wïth jammi bëët, ena köö, ni ‹Ŋøllu luup ki jöör ŋøl mana näk kare, ni ö ŋati man nø ni nyooth mëër ki bäth ec mare jï wati maya.

Mathiew 25:35

Kiper aana 'näk käci, ni mooyu aani ki cam. Aana 'näk riewi, ni mooyu a ki pïï. Ni ööa ni aana wëëllö, ni pänhnhu aani.

Ibaru 13:2

Kär nou weya man pänhnhu jøw mo path, kiper jø møøk nyïïatwiet maal apänhge na enøgønø ni kucge.

Pïëmme 9:15

«Ni kö oŋïrö jï jenni moøgø, ‹Ni näk mo u caana adïëri møn naa røønynyu ni aana nyeya maru, ööu ni rïŋŋu tïpö mara; 'ba ni näk mo paa enøgønø, beerra man ö maaci wøk ki røk koodhi 'moa ni waaŋ jer lur Libaanø moa perge leth ni thöör geni.›