Aydheea 16:14 - Wëël Jwøk

¹⁴ 'Ba ennø, Wuuö Jwøk acäänö ni kööe, «Ni ki yïth cwiiri adäk, kaawat man wø kwaan ŋat tïïci, ajiem mar Möap na dwøŋ, ki jiye na thööth, ränynyö; ni ö jiye moo dööŋ ni kwøw ni dööŋge ni nøk døc ni jägö.»

Aydheea 16:14 Iomraidhean Croise

Wïlöölö 31:1

'Ba Jeekap luup moa car wäät Leeban awïnynye, kanya köge, ni «Jeekap jammi bëët mo wääwa alwøre, ni beege jammi mo wääwa ni kwäre ki geni yøø.»

Acther 5:11

Ni caan luum ajiem kwär mare jïge, ki kwään wääte, ki wödö mana tïïc nyeya kipere, ki mana cuum eni ni ena maal bäät jø kööre bëët ki kwääc mïëri moa bëën nyeya.

Jööp 14:6

Kiper manøgønø, løø nyïmï wøk ki eni ni weyï gø nee jïte ki jwöm, këël kanyo päŋ caae moe kaamar ŋat tïïc man wø tïïö ni di cunnö ki gwel.

Jööp 7:1

«?Aŋø, bëëtö mar dhaanhø bäät piny kany patha tïïc mo teek keere cøøn? ?Aŋø, nïr kwøw moe ba thööre ka tïïc mo teek kaamar ŋat mo tïïö ka gwel?

Aydheea 11:14

'Ba geni bëët geno løøc piny baŋ jø Pilitin, ni läätge bäätge jï løø kur pänh-cäŋ. Dëëtge odwalge ni twierge jiy mo wø en jï løø kur tuul-cäŋ, ni tïm jø Ëdömmi ki jø Möap ni ena tietge, ni tïm jø Amönni ni bëënna geni.

Aydheea 15:5

'Ba aani cwïnya atïmö ni kïmmö kiper jø Möap, kiper jiye moa bwøk gena reeŋø këël mana pïïcge Dhöär ki Ëglat-Celicia, ni iithge thuur Lukith ni ge cäädhi ni ge göö ko oduuru. Ka adïëri møn, jöör Örönaim acaathge ni ge göö ko oduuc kïmmö kiper ränynyö marge.

Aydheea 16:13

Manøgø beeye luumma caan Wuuö Jwøki dïkwøŋ kiper jø Möap.

Aydheea 17:4

'Ba noo tïme na dïcäŋeca, ajiem mar nyïïkwaac Jeekap ränynyö, ni ö lørø marge ni tïme na dwadø.

Aydheea 21:16

Kwäärö Wuuö Jwøk aköö jïra, ni «Ki køør cwiir aciel, kaawat man wø ö ŋat tïïci wø kwaan nïr tïïc moe ma kar cwiir aciel, ajiem mar paana cwøl ni Këdar ränynyö na bäre bäre;

Aydheea 23:9

Beeye Wuuö Jwøk, eni na wïth jammi bëët, na ŋøl gïnögø bäät gø, ni lää wï gø, ni raany japa mïërö bëët na tööde kiperge, ni tïïc jic gø bëët moa no owøørø nee taak bäät piny.

Aydheea 25:10

Kiper Wuuö Jwøk cere ocïp bäät kïdi man, 'ba jø Möap onyøri kar bëëtö marge, kaaman wø nyør wär mo ojääbö ki juu ki pïï.

Aydheea 25:11

Ceŋge opeerge yi gø, kaamar ŋat kwaaŋ kany wø peer ceŋŋe kiper kwaaŋ. 'Ba Wuuö Jwøk atöör marge dwøge piny ki japa reyø bëët na tïïcge ki ceŋge.

Aydheea 7:16

Kiper kanyo poot nyilaarøgø ni waŋe poot kär rïënnö, ki man kwier gïna raac ni jier mana beer, ŋøøp nyeye moø na ariiø ni lwääru ki ge yøø dööŋ keerge.

Jeremaya 48:42

Möap oränynyi ni bëëde ni patha paac këët, kiper dëëre atïïe ni dwøŋ bääta, a na Wuuö Jwøk.

Jeremaya 9:23

Mana caan Wuuö Jwøki beeye en, ena köö, ni «Ŋat mo wïïe leer kär töödö kiper leec wïc mare, ni ŋat mo oteeø kär töödö kiper teek mare, ni ŋat mo okwär kär töödö kiper kwär mare;

Tiet Ciik 15:8

'Ba cenø wär jap jïre, ni mooc eni ni ec tar ki gïna näk orømø na manynye, ni jïte ki gïna cane.