Aydheea 16:12 - Wëël Jwøk

¹² 'Ba kanyo ci jø Möapi kwör lam moge moa en bäät thuuri, ki kanyo cige øt jwøge baŋ lam, geno tïmö ni ge ööla dëëtge jaak ni bäŋ køny mo jootge.

Aydheea 16:12 Iomraidhean Croise

1 Nyeye 11:7

Køøre Cølöman atïïö ki kar lam bäät thuur mana en jï løø kur tuul-cäŋ ki Jerucalem jï Kemöc, gïna no otieŋø ni wø lam jø Möapi, ni wø raac yi Wuuö Jwøki ki gø; ni cäŋ tïïö ki kar lam jï Mölek, gïna no otieŋø ni wø lam jø Amönni, ni wø raac yi Wuuö Jwøki ki gø.

1 Nyeye 18:29

'Ba kanya tïme ni kur dhöör opöödhö, gena göö ko oduuru këël mana këët abøøya yi caan wø cïp olämi yie mar abøøya; 'ba bäŋ dwøl mo owïnyö, ni bäŋ gïn mo oløø jïge, ni bäŋe ŋat mo ïthe ee ciiø ki gïrge.

2 Nyeye 19:12

?Aŋø, wïth juurre moa wïthge dïïr kwäcwa, gena piem juu moge na bëëde? ?A këël jø Gödhan, ki jø Aaren, ki jø Rëdhep, ki jø Ëden moa bëëdö Tëlacer, gena piem juu moge?

2 Nyeye 3:27

Kanyøgønø, eni wääde mana dwøŋ na doo läw kar gø na nyeya alwøre ni cïp gø no olämi bäät kiir. Køøre jø Icriel gena lwäyö døc ki gïna tïïe, ni aacge buute ni døøge poge.

Pwöc Leec Wïc 1:28

'Ba kar kaace jøøgø aano cøørge, 'ba bäŋ gïn mo løøa jïge, ni manyge aani døc, 'ba a ba jootge,

Aydheea 15:2

Ni ö jø Möapi mo wø bëëdö pääny Dibön ni cige kuna jwöŋge yïth uut jwøk marge bäät thuuri; ni ö geni ni gööge ko oduuru bäät päänye moge møga, ni beege Nebø ki Medeba. Ni ö jïëc wïthge bëët ni gwäärge ge wøk, ni lielge jïëc tïkge bëët.

Aydheea 16:13

Manøgø beeye luumma caan Wuuö Jwøki dïkwøŋ kiper jø Möap.

Aydheea 26:16

Wui Wuuö Jwøk, jiy moï kanya enge yïth gïï mo leth, ïïna manyge, ni lämge ni ge muuŋö, kanya bëët ajäla marï bäätge.

Aydheea 37:38

'Ba dïcäŋ aciel ni eni lämö øt Nicrøk, jwøk mare, ena put wääde ma Adramëlëk ki wääde ma Carëdher 'näk ko opëëllö; ni ö geni ni reŋge yi ŋööm Ararat. Ni ö wääde ma Ëcaradön ni läw kar gø na nyeya.

Aydheea 47:13

'Ba ïïna ööl jaak ka acaare moa thööth na kwanyï. Beerra man ö jø wø kwaan ceer, ni wø caan gïï mo poot ena nyïm ki køør ceer ki päär mar dwääy, ni öge maal kuna piemge ïïni cer gïno leth mano ö bäätï.

Jeremaya 10:5

Juu moge beege jenni mo otieŋø ni goori, ni ge ba løny ki luubö. Ge di käärö, kiper ge ba løny ki wääth. Käru lwäyö ki geni, kiper ba løny jïge ki man tïïcge gïn mo raac dëëtu, ni ba løny jïge ki man tïïcge gïn mo beer.»

Jeremaya 48:13

Jø Möap wïthge olää jwøge ma Kemöc kaawat mana ö wïth jø Icrielli ni lääi ya jwøki mana ŋääthge na lamge Bëthël.

Jeremaya 48:35

A na Wuuö Jwøk, jø Möap mo wø cïpi ko olämme jï juu moge kwör lam moa en bäät thuuri, ni wø wääŋge jïge ki gïn wø jïye ŋwääi ni met, raanynya raanynyø.

Jeremaya 48:46

U na jø Möap, otïmö ni raac jïïu. Uuni ni wø lam Kemöc, uuno ränynyi, kiper wäätu ki nyïïu okïth paac mør ni mak ka tøŋ.

Jeremaya 48:7

Uuni ki dëëtu, uuno mak ki tøŋ ni käl uuni, kiper uuna bëëdö nou ŋäätha tïïe mou ki jap kwärö mou. Jwøu ma Kemöc okïth paac mør ni mak ki tøŋ, eni ki dïlämme moe ki jø wø tïny gø.

Kwään Jiy 21:28

Kiper maac aöö ki Ëcbön, ni beege dëëci mo Cëëwön. Ni raanyge Ëër na näk pääny jø Möap, ki kwääri moa teek mo wø bëëdö bäät thuuri mo naam Arnön.

Kwään Jiy 22:39

Køøre Balak aay ki Beelam ni cige Kiriat-Adhöt.

Kwään Jiy 22:41

'Ba na tïme na amöölla maya, Balak aöö ni lwør Beelam ni kïth gø bäät thuur mana cwøl ni Bamöth-Baal; ni ö Beelammi ni raŋ jø Icriel moa en deŋ twïër na karge cärö ki kaace.

Kwään Jiy 23:14

Ni ö Balaki ni kïth Beelam pwöl Dhöpim, na en wï kïnna cwøl ni Pedhega, ni tïme ki gïï wø cïp olämme bäätge ma abïriiø, ni cïp bäät man nø ki rwaath aciel ki nywø røømmø aciel.

Kwään Jiy 23:28

Ni ö Balaki ni kïth Beelam wï kïnna cwøl ni Pëëgör, ni wø nëën ŋöömma raaci ki bääte, ni beeye ŋööm wø bäŋ gïn mo tuy yie.

Kwään Jiy 24:17

«Ŋato ööi anø jooda, 'ba öönynye patha ennø; ni eni nëënö jïra, 'ba kare ba cään. Nyeya othïïŋ ri jø Icriel, ni caala cëërö mo pøn ri jic Jeekap; ni ö eni ni gøøc jø Möap ki kare bäre, ni dïïr wïthge, ge na näk jø okiera.