Aydheea 15:5 - Wëël Jwøk

⁵ 'Ba aani cwïnya atïmö ni kïmmö kiper jø Möap, kiper jiye moa bwøk gena reeŋø këël mana pïïcge Dhöär ki Ëglat-Celicia, ni iithge thuur Lukith ni ge cäädhi ni ge göö ko oduuru. Ka adïëri møn, jöör Örönaim acaathge ni ge göö ko oduuc kïmmö kiper ränynyö marge.

Aydheea 15:5 Iomraidhean Croise

Wïlöölö 13:10

Kanyøgø Løøt wïïe atïŋ maal ni raŋ gool mar Jördan, no ojwøc pïïyi bäre, ni poot caala ajïniina mar Wuuö Jwøk, ni caala ŋööm Ijep mana en buut Dhöär, ni manøgø beeye kanya poode ni Wuuö Jwøk Cødam ki Gømöra poot käre raanynyø.

Wïlöölö 14:2

Nyeye moøgø aci baŋ leny ki Bera nyeny Cødam, ki Birca nyeny Gømöra, ki Cenaap nyeny Adama, ki Cëmëber nyeny Dheböym ki nyeny Bëla paana cwøl ni Dhöär.

Wïlöölö 19:22

Laar reŋ yie, kiper bäŋ gïn mo tïïa këël mano pïïyï kaace.» Kiper manøgø nø, nyeŋ pääny manøgø acwøl ni Dhöär.

2 Camiel 15:23

'Ba kanya ö nyeya na tïïc jiy bëët moa cäädhö ki eni nee pöönhge ki nyïme, jiy bëët moa en yi pääny kaagø ge bëëdö ni ge göö ko oduuru. 'Ba nyeya thuwø aput läp køørge ni ŋølge naam mana cwøl ni Kidaran, ni ö jiyi bëët ni putge aay ni ge cøra jööra näk coonya dï paap.

2 Camiel 15:30

'Ba Deebit aput aay ni cør jöör Kïn Ølip, ni cäädhi ni jwöŋö, ni wïïe ee loobø, ni cäädhi ka thäny tiete jaak. Køøre jiy bëët moa cäädhö ki eni, ŋati man nø wïïe aput loop, ni cääthge ni ge jwöŋö.

Aydheea 16:14

'Ba ennø, Wuuö Jwøk acäänö ni kööe, «Ni ki yïth cwiiri adäk, kaawat man wø kwaan ŋat tïïci, ajiem mar Möap na dwøŋ, ki jiye na thööth, ränynyö; ni ö jiye moo dööŋ ni kwøw ni dööŋge ni nøk døc ni jägö.»

Aydheea 22:5

Kiper Kwäärö Wuuö Jwøk, eni na wïth jammi bëët, da dïcäŋ ma mar böök mo dwøŋ døc, ka adïma, ko okiera, mo ee cïp piny nee täge yi goor wø nyooth luup yie. Ni beeye cäŋ mo kiiri nyaa piny yie, no oduuru jwøa baŋ kïte.

Aydheea 59:7

Tietu ŋwieya køør gïïa reyø, ni u wø lääta baŋ køny rem jøøa beyø piny. Acaare mou beege acaare mo reyø, ni uutjïëthe mo wø caathu bëët, u temma gïï mo leth ka aranya.

Jeremaya 13:17

'Ba ni näk luumma ba wïnynyu, aani, a jwöŋö ni kuyu kiper atöör maru. Ni jwöŋa ni yia yaa keeyø døc, ni nyeŋŋa lwanynyi ki pïï, kiper jic Wuuö Jwøk omak ki tøŋ ni käli.

Jeremaya 17:16

'Ba aani, a kär kweer ki man tïïa tïï dïkwääc jiy mana cïpï jïra, naa kär bëëdö ni ge yaa päc gïï mo leth cäŋ gïïo leth; kiper ï ki dëërï, luup moa ö wøk ki dhaa nyïmï ŋäyï.

Jeremaya 4:19

Wui ayaŋ øøy! Wui ayaŋ øøy! Aŋø ni ö pänh cwïnynyi ni kaath cera en, ni tïm dëëra ni kwanynyi! Wenynya atïmö ni pärö døc, ni tïme ni ba løny ki man lïŋa; kiper dwør tuuŋ awïnynya ni beeye tuuŋ man wø kooth na mar leny.

Jeremaya 4:20

Gïï mo leth tïmö ni ööa bääte, ni ö pinynyi bäre ni ränynye. Kwör bëëte 'moø laar ka raanynyø, ni ö uudi 'moø ni ränyge ki nyi kany mo thiinh.

Jeremaya 48:3

Oduuru owïnyi ki Örönaim, ni beeye oduuc ränynyö mo dwøŋ døc.

Jeremaya 48:5

Geno jwöŋi døc ni cwïnyge keecge keeyø kanyo aacge ni ge etha thuur Lukith, ni kanyo løøcge piny yi Örönaim ge poot göö ko oduuc ränynyö.

Jeremaya 50:46

Kanyo kwöŋ jiyi, ni ‹Babiløn amak ki tøŋ,› piny puta tïmö ni kwanynyi, no oduuru mano gøøcge puta wïnyö yïth mïëc wïth juurre.»

Jeremaya 9:10

Aani, a jwöŋö ni kïmma kiper powa bäre, këël kïte moa en yie, ni gööa ko oduuru kiper kwör kwaath na en dï paap, kiper gena ränynyö, ni bäŋe ŋat mo ci yïthge, ni bäŋe dwør dhieŋ mo wïnyi. Ni ö wenynyi ki lääy bëët ni bwøkge ni aacge.

Kwään Jiy 21:29

U na jø Möap, otïmö ni raac jïïu. Uuna ränynyö bëët, u ni wø lam jwøa cwøl ni Kemöc. Jwøk maru uuna wëëk ŋwïëy, u na näk wääte, ni wëëk nyïïe mak nyïm tøŋ, ni cïp ge cer nyeny Amör na näk Cëëwön.